шөнө

Харанхуй...
Эзэнгүй...
Аниргүй...
Хар дарсан зүүднээс сэрнэ. Чи эзгүй

Санаашрал...
Гиюүрэл...
Ганцаардал...
Санасан сэтгэл нойргүй, ийм нэг шөнө.

Хөнжил байвч халхлах хэрэг үгүй
Хөлөрсөн бие, бүлээн уруул, чи минь үгүй
Гав ганцаар орон дээр өнгөрөөх ийм шөнүүд
Гал цогтой ийм л насанд минь даанч зохихгүй

Гэзэгний чинь үнэр, нүдний чинь талимаа
Гэмгүйхэн хэлэх бүдэг бадаг ганц хоёрхон үг
Удаан хүлээсэн сэтгэлийн минь орон зайг дүүргэж
Унтаад сэрэхэд чи минь дэргэд байдаг ч болоосой

Харанхуй, аниргүй, эзэнгүй...
Хар дарсан зүүднээс сэрнэ. Чи эзгүй
Чийгтэй энэ борооны дараах шөнийг ямархан гэх вэ?
Чиний минь уруул одоо нороо боловуу яагаа бол??? (Б.Батзаяа)