Hunger (2008 UK)

ирландын зоригт, өөрийн итгэл үнэмшилдээ үнэнч Бобби Сандс-ын амьдралын сүүлийн мөчүүд буюу өлсгөлөн зарлан өөрийн амийг золиослон тэмцэж байгаа талаар гардаг аймаар кино. аймаар гэдэг нь киноны хувьд биш дотор нь гарч байгаа кадрууд асар хүчтэй, маш бодит байсан учраас үзэж дуусчаад дотор жаахан муухайрсан шүү ккк. кинон дээр гардаг сүмийн номлогч болон бобби 2-ын харилцан яриа их сонирхолтой санагдсан. түүх энэ тэр сонирхдог хүмүүс бол үзвэл их зүгээр санагдсан шүү.

...body is the last resource for protest...

official site >>> энд

хөндүүр бие, хөндүүр сэтгэл :)

аая аягүй лаг гарчиг өгчихлөө хэхэ нөгөө 6 сарын гэрээтэй шинэ найз залуутайгаа (фитнесс шүү ккк )өчигдөр нэг юм түс тас түмпэн шанага болов. анх удаа болохоор тэр үү ичмээр ч юм шиг, инээмээр ч юм шиг юм болоод өнгөрөв. эршүү бид 2 ч яаахав болзсон цагтаа яваад очив, багш нь гэж хөөрхөн ааштай ах байнаа. тэгээд л шинэков болохоор багшын зааврын дагуу дасгалуудыг хийж өглөө дөө. бие халааж хэсэг гүйгээд, гэдэсний дасгал бааханыг хийгээд, цээж нурууын дасгалууд хийгээд, өөр бас юу ч хийлээ дээ хэхэ. эршүү бол миний хажууд бол лаг явж байсан туршлагатай юм билээ, харахад гуалиг бүсгүй юм шиг мөртлөө шүдээ зуугаад тачигнатал хийгээд л, би дагаж күүл царайлж хийх гэсэн биш нүүр минчийтлээ улайж ирж байгаад л амьсгаадаад сунаж унангаа шахсан, багш 20 хий гэнгүүт би бол 10 гэж арай хийж байгаа юм, зарим нэг дасгалыг хэхэ нөгөө цээж лүүгээ шахдаг төмрийг бол дангаар нь өргөөд байгаам чинь, тэнд байгаа баки баки гарууд бол том том хүндрүүлэгч зүүж байгаад л орилж байгаад л шахах юм, хараад бахархмаар ч юм шиг аймаар ч юм шиг хэхэ. би ч ийм баки болж орилох ч өдий байна даа гэж хальт сэтгэлээр унаастай л дасгалуудаа дуусгав. тарчаад мисс аниатайгаа уулзаад 3уулаа хоол идэв, тэгсэн эршүү бид 2 аягаа сайн даахгүй, гар энэ тэр дээш хамаагүй явахгүй болчихсон байсан хэхэ миссээ тэрийг дүүргээрэй тэрийг дөхүүлээрэй гэсэн шиг баашлав :) тэгээд өнөөдөр өглөө босоод ирсэн чинь энд тэндээ хөндүүртэй хүн л, гар өвдөөд шүршүүр мүршүүрт орох гэж гурилдаад хаяж байгаа юм чинь ккк өнөө орой дахиад явна, хөлний дасгал хийнэ гэсэн яана даа хөөрхий, маргаашнаас паацагнаад алхаж чадахгүй байх вий гээд үү хэхэ.
биеийн хөндүүр гэснээс бас сэтгэлийн хөндүүр өнгөрсөн вийкэндээр эхэлсэн гэжугаа. экс жаал байнга залгаад хэлэх юм байнаааааа плийз гээд байхаар нь орой хальт уулзав. миний амьдрал солонгос кино шиг юмаа гээд хошигноод байсан, тэгсэн бодит байдал дээр яг тийм юм болоод байх шигээ. экс жаалын асуудлыг сонсоод нээх тоогоогүй өнгөрсөн боловч сүүлийн хэдэн өдөр янз бүрээр бодоод, бодогдоод байх юм. хамаагүй бас блог дээрээ бичвэл хэрэгт орж азаартаж энэ тэр болох уу гэж айх юм байна ш д, ингээд дуусгая, ажлаа хийе байз :)

REVANCHE (2008 Austria)

нэг янханы газар - оросын бие үнэлэгч нэгэн бүсгүйд тухайн газрын нэг ажилтан залуу дурлаад, улмаар 2ул зугтана, залуу бас зүгээргүй овоо гар болохоор банк дээрэмдэнэ, бүсгүй тэнэсэн суманд оногдож нас барна. залуу нэгэн жижиг тосгонд гацаанд орон шаналалд автана гээд л үйл явдал өрнөнө. нэг тийм сонин холливүүд маркын кино гэж эндүүрэвзээ таминээ. их аятайхан кино санагдсан шүү, хэдхэн хүний амьдрал гарч байгаач өдөр тутмын бидний амьдралд бас тохиолддог танил ч зүйлс гараад байх шиг, мэдэх мэдэхгүй олон юм хэлээд байх шиг :) киноны дүрүүд бас лаг таалагдсан гэжүгаа, цагдаагийн эхнэр, луйварчин залуу, хөөрхөн өвөө гэх мэт. тэгээд бас зүүн европын хөдөө нутагын нам гүм байдал нь томоохон хотын дуу шуугиан гэмт хэрэг гэх мэтээс асар ялгаатай харагдаж байгаа нь энэ тэр, бас бус гоё зураглал нь таалагдав. үзүүштэй :)

"Revanche " official site >>> энд

diario de una ninfómana

хар тамхинд донтох, архинд донтох гээд л донтолтууд их юм шигээ, миний хувьд бол резинэн чихрэнд донтох, өглөө босоод хийдэг гарын дасгалд донтох (ойрд чинь сингл амьдралын чухал хэсэг болоод байнаа ккк), коланд донтох, кинонд донтох гээд л бас байнаа байна :) тэгвэл секс-д донтох гээч зүйл бас байгаад байх шиг байгаа юм, гол нь эрэгтэй хүн үүнд донтвоос дон жуан, хүүхэмсэг энэ тэр гээд магтаал ч юм шиг, сайшаал ч юм шиг, бахархал ч юм шиг нэр аваад байх шиг санагддаг юм, харин хөөрхий бүсгүйчүүл үүнд донтвоос айхтар айхтар нэр аваад байх шиг байгаан. тэгвэл тийм нэгэн секс аддикт бүсгүйн дотоод луу өнгийсөн дажгүй кино үзэв. үзчээд бас аягүй ойлгосон, угаасаа хүсэл тачаал гээч зүйлийг аргамжиж тушихад хэцүү зүйл шүү дээ, хааяа нэг ороо ороод байна уу гэлтэй бас бус нүгэлт бодол толгойд эргэлдээд эргэлдээд эргэлдээд байх үе бас байнаа байна :) уг кинонд секс-д донтсон/ дуртай бүсгүй улмаар биеэ үнэлэгч болж байгаад улмаар бас бус зүйлсийн учрыг олж хужрыг тунгаан өөрөө өөрийгөө олж авч байгаа тухай гарах юмаа. уг киног үзчихэд бол буруудахгүй бас ийм нэг учир жанцанг мэдчихвэл илүүдэхгүй ч юм шигээ...

хавар яасан гунигтай юм бэ?

хаалттай цонхны цаанаас ч нэвт анхилах
хачин сэргэг навчсын үнэр...

хавар яасан гунигтай юм бэ?

халуун уруулаа цонхонд хүргэхэд
хамаг бие... зүрх зочисхийнэ
хайрлуулмаар бас дурлуулмаар санагдана

хавар яасан гунигтай юм бэ?

тэнгэрт тулсан залуухан моддын
тэргүүн оройд нахиагаа задалж буй
хав халуухан, бяцхан амь
хавар...
АЙ ЯАСАН... (анхны бороо by Л.Өлзийтөгс)

пи эс: нээрээ бороо гэснээс бороо хурдан ороосой, оросын маамуу ирээсэй хэхэ дээр нээрээ хальт шөнө дунд бороо орсон сураг байсан. энэ удаад бүүр нэг навсайтал ороосой, тэр үеээр шүхэргүй жаал норж алхах юмсаан.

6 сарын гэрээтэй нэгэн шинэ үерхэл

өчигдөр орой нэгэн шинэ үерхэлийг албан ёсоор эхлүүлж бөгжөө солилцов. wow? yeah wow шүү, үнэхээрийн олон жил бодож хайж явсан зүйл байлаа :) миний сэтгэл лав нилээд догдолж байгаа нь мэдрэгдэж байсан даг, харин нөгөө шинэ сүйт залуу маань бахь байдгаараа л, нөгөө ирж л байдаг юм, явж л байдаг юм гэсэн янзтай гөлийсөндүү харагдана - юм үзсэн гар бололтой шүү яана даа би хэхэ. ингээд бид хоёр 6 сарын хугацаатай гэрээ байгуулж эр хүмүүс шиг тас түс тохирлоо. би түүнд 6 сарын турш чин үнэнчээр байж байнга уулзаж үерхэнэ гэж андгайлж, манай хүн намайг энэ хугацаанд халамжилж дэмжиж байна гэдгээ мэдэгдлээ. how romantic :) түүнийг энэ хугацаанд аль болохоор сайн гэгч ашиглаж авна даа гэж дотроо би лав бодсон, бүтэх л байгаа даа. за тэгээд шинэ найз залуугаа тэр дор нь баахан сонжиж хамаг юм хумыг нь шалгалаа, зарим нэг юм нь жаахан жижигдүү л эс тооцвол ер нь бол боломжийн шүү. бид 2 ер нь гайгүй тохирох юм шиг санагдсан, 6 сар нь өнгөрөөд би хаппи байвал яадаг юм дахиад гэрээгээ сунган найзалнаа. намайг гэх сэтгэлтэй, дэмжээд байвал юм хум нь жижиг байх ямар хамаа байх вэ дээ, тийм үү?

миний шинэ найз залуу >>> хотын төв дэх нэгэн жижигхэн фитнесс төв юм аа хэхэ, бид 2 ер нь бүтэх болов уу яадаг бол? яадийн үзээд алданаа :)

...

Аквариум дотор загас тайван удаан амьдарна
Адилхандаа, сэтгэл дотор гуниг уйтгар холхино
Ус мэт чамайг тэтгэх сэтгэлийн минь хүчинд л
Уй гуниг минь чи загас мэт амьд оршино... (Б.Батзаяа)

харамсалтай нь хайртай

за бас нөгөөдөх чинь хайр дурлал гэж гонгинох нь бодох вий дээ хүмүүс хэхэ өчигдөр драмын театр-д гарч эхэлсэн харамсалтай нь хайртай хэмээх жүжгийг очиж үзэв. сүрхий нэртэй боловч нэг тийм даржин жүжиг санагдав, миний хувьд :). хэт энгийн үйл явдал тавилттай, бүх зүйл ойлгомжтой, зарим нэг жүжигчид нь хэт ядчихсан хоосондуу тоглоод байх шиг. тэгээд бас зарим нэг ганц 2 дажгүй өгүүлбэрийг эс тооцвол дан хэрүүл уруул энэ тэр үзсээр байгаад таарсан. дараа нь тарчаад нэг найзындаа очиж жаал буу халж суув, баахан идэж уусан :) ойрд тэгж найзуудтайгаа сайхан юм хум чөлөөтэй ярьж суугаагүй байсан болохоор өчигдөр бол кайфтай сайхан байлаа.

>>>гадуур дүүрэн түгжрээ бөглөрөө байх юм, манай гэрт ч гэсэн бас баахан түгжрээ :)>>> жүжгийн хэсгээс

1950аад oн буюу стиляги

sirus-ын блогноос энэ киноны талаар уншиж байсан, тэгсэн ашгүй өргөө-д монгол орчуулгатайгаар гарч байгааг сонсоод зодоглож зодоглож байгаад өнөөдөр эршүүтэй очиж үзлээ. хөөрхөн юмаа, бүүр эгдүү хүргэсэн кино юмаа, даанч музикал маркын болохоор тэр үү эсвэл сэдэв энэ тэр нь арай биш үү - танхимд ямар ч хүн байхгүй, ердөө 4-5 хүн л үзлээ. нэг бодлын аягүй амар байсаан, энд тэнд утас дуугарч хүмүүс ярьж уур хүргээд байхгүй хэхэ уул нь ийм ховор нөхцөл байдалд бол арын суудалд болзож байгаа залуутайгаа тухалж байгаад сайхаан үнсэлдвэл, тиймээ? тэгээд тэр кино аймшигийн кино байвал бүүр тасархай хэхэ за за хадуурч явна:)

за тэгээд 1950-аад оны үеийн оросын амьдрал, залуус гараад л. тэр үед нээрээ тухайн нийгэм нь хүнийг тэгж яг нэг хайрцаг шиг байхыг шаарддаг байсан байх даа гэж айж гайхаж үзэв. нийгэмтэйгээ тэрсэлдэн барууны хөрөнгөтөн орны залуусыг дууриан хувцаслаж жааз хөгжим сонсож байгаа дэгжин залуусын тухай гарна. гэхдээ киноны зураглалууд нь үнэн гоёоо, хувцаснууд нь гэсэн ч үнэн өнгөлөг наасан ккк. дуунууд нь бас гоёооооо, гол дүрийн залууг би өөртөө өмчлөөд авчихсан, өөр нэг туслах дүрийг эршүүд өгчөөд үзэв шүү хэхэ. кинонд дууг нь дажгүй оруулсан байсан, өргөө өөрийн кинонд дуу оруулах багтай болсон гэж сонссон, сайн ажилласан байна лээ :)
***** үзүүштэй кино :)


>>>чи Charlie Parker-ийг хэтэрхий их сонсжээ дээ айн? :) >>>


official site >>> энд

Түүнийгээ санагалзан бичсэн шүлэг

Санаа алдаад ч гэсэн цаг хугацааг туулах
Сайхан байдаг юм аа сэтгэлийн гэгээн гуниг минь
Дандаа гомдоодог ч гэлээ чамайгаа л мөрөөдөнхөн
Дарвуулаа буулгаад зөөлөн хөвөх аятайхан байдаг юм аа

Эзгүй гунигийн арал дээр нүдээ аниад л тийм уйтгартайгаар
Инээмсэглэлийг чинь сэтгэлдээ харж далайн чимээ чагнаад
Санаа алдаад ч бай хамаагүй чамайг л мөрөөдөн гуниглаж
Цаг хугацааг туулах сайхан байдаг юм аа гуниг минь

Зөөлөн шиврэх бороонд нүүрээ дэвсэж өгөөд
Зөрлөг замын дунд хэнийг ч хүлээлгүй ганцаардаад л
Ихэмсэг зан тэр л харцны өмнө толгой гудайлгалгүй
Ингээд л өвсөн дээр хэвтэх сайхан байдаг юм аа
Хамгийн өндөрт чимээгүйхэн нисэх өнчин шувууны нүднээс
Харсаар байтал нулимс унаад намайг онох ямар гээч... (Б.Батзаяа)

Easy Virtue (2008 UK)

жинхэнэ бритиш уур амьсгал, инээдийг мэдрэе үзэе гэвэл үзүүштэй кино болжээ. сайн ч жүжигчид сайхаан тоглочихож, америк англи 2 улсын хүмүүсийн соёлын ялгаа энэ тэрийг бас хөөрхөөн чимхээд харуулчихаж, үзээд зарим хэсэг дээр нь инээд хүрээд, нээрээ тэгдэг шүү ухааны юм бодчихсон сууж байх жишээтэй. нэгэн язгууртан айлын хөвгүүн лондонд амьдарч байх зуураа өөрөөсөө эгчмэд үзэсгэлэнтэй америк бүсгүйг эхнэрээ болгон аваад анх гэртээ авчирч байгаа тухай гарна. ээж эгч дүүс нь эрх чөлөөтэй америк бүсгүйтэй үзэлцээд л, сүүлдээ янз янзын зүйл болоод л бүсгүй залууг орхин явахаар хэлдэг үг нь их гоёооо. бүсгүй залууг, гэрийнхэнийг нь орхин явaхаар гарaх үед залуу : чи битгий намайг орхиоч, би чамдаа хайртай гэж хэлнэ. бүсгүй эргэж харсанаа хонгор минь дээ чи ХАЙР гэдгийг юу байдгийг мэдэхгүй, ХАЙРТАЙ гэдэг үгний цаана ямар агуу зүйл байдаг вэ гэдгийг мэдэхгүй. үнэхээр чи хэн нэгэнд үнэн сэтгэлээсээ хайртай бол түүнийхээ төлөө юуг юуг ч хийж чаддаг юм шүү дээ, чи нэг өдөр ойлгоноо гэж хэлчээд үнсээд явна :)

Жинхэнэ хайрыг хайсан аялал минь зогсохгүй ээ...

дөнгөж дулаарч эхлэнгүүт хөлдүү байсан сэтгэл гэнэт гэссэн аятай догдлох юмсаaaaн гээд бодоод байсан, харин ойрноос за нээх яаран догдлох гээд байсны хэрэггүй юм байна гэж бодоод байгаа, сэтгэл санаа бэлэн болоогүй үед бол ёстой дэмий юмны нэг юм шиг байгаа юм. нөгөө болзоод байсан хөөрхөн 19тэй хүүхдийг айхтар гомдоогоод удаж байна, сүүлд нэг сүрхий дэмийрч байхдаа ийм бичлэг бичээд тавьсан байсныг нөгөө 19тэй жаал яаж ч юм бүү мэд олоод уншчихаж (ээ дээ энэ блог уу :), тэрэн дээр угаасаа арай биш юмаа дурлалцахгүйгээр үнсэлддэг л байж ухааны юм баахан бичсэн байсныг нь яана, мэдээж нөгөө хүүхэд бол уншаад их хүндээр хүлээж авч гомджээ, анхнаасаа надаар тоглож байсан байна тэ гээд байсан, уул нь би тоглоогүй үнэн сэтгэлээсээ л хандаж байсан юм л даа, гэхдээ яаж ч үүнийгээ итгүүлэх билээ дээ. би ч хэлэх үг олдоогүй ээ, өөрийгөө юу гэж ч өмөөрмөөр юм, дурайтал нь цагаан дээр хараар биччихсэн байдаг, ёстой бултах газаргүй гэдэг шиг л юм болсон. гэхдээ энэ бүхэн худлаа гэж хэлэх гэхээр өөрөө өөртөө худлаа хэлээд хүнээр бүр тоглоод байгаа юм шиг санагдаад чадаагүй. өөрөө бол дотроо асар гэмшээл - би муу хүн юм даа хүнийг гомдоож зүрх сэтгэлийг нь зүсээд гээд өөрийгөө зүхээд байгаа. ер нь бодоод байсан би бол дандаа хохирогчийн дүрд тоглоод дассан юм шиг байгаан хэхэ нэг л хүнд хууртагдсан гомдсон дүрүүд оногдоол нөгөө дээр үеийн халтар царайтаар бол стерлита юм уу хаашаан :) харин энэ удаад өөрөө муу дайсны дүрд (санта юм уу хаашаан :) тоглочих шиг боллоо. сүүлд нэг орой нөгөө жаалтайгаа уулзаад уучлалт албан ёсоор гуйсан, таг дуугай л суугаад байсан, намайг муухай мангас л гэж бодсон байхдаа хэхэ тэгээд надад асар гомдсон/уурласан мөртлөө гэрт чинь хүргэж өгчихөөд хария даа гээд намайг хүргэж өгсөн - хөөрхөөөн нэг тийм жэнтлман зан. яаж яваад ийм хөөрхөн жаалыг гомдоогоод явуулчихаж байгаа юм бол доо гэж бодоод бодоод бодийн шийр дөрөв :)...

би гэж тэнэг хүн хичнээн гомдоож зүрх зүссэн ч гэсэн экс жаалдаа одоо хүртэл хайртай юм шиг байгаан, сонин шүү хүн аль болохгүй зүйл лүү л тэмүүлдэг юм шигээ. сүүлд төрсөн өдрөөр нэг найзаар дамжуулж экс-с төрсөн өдрийн бэлэг ирсэн юм. амьдралдаа авч үзсэн хамгийн романтик бэлэг (нэгэн хөөрхөн хайрцаг - нээнгүүт дүүрэн улаан амьд сарнайн дэлбээнүүд - цааш ухангуут нэг үнэртэй ус, чамдаа төрсөн өдрийн мэнд хүргэе гэсэн бичигтэй гарч ирнэ) байсан боловч тухайн үед бол энэ хүн надад яагаад одоо бүх зүйл өнгөрсөн хойно ийм бэлэг өгч байгаа юм бол гэж бодоод өнгөрсөн юм, тэгээд сүүлд тэр усыг түрхэх болгондоо түүнийг хальтхан бодоод амжиж байгаа юм. тэгээд бас түүний талаар бас бус зүйлс найзуудаасаа сонсоод овоо мартагдаж байсан сэтгэл догдлоод, энэ нь шинээр ургаж байсан яргуйг минь тасдчих шиг боллоо гэж энэ бүхний бурууг экс руугаа чихээд өнгөрөхөөс хэхэ гэхдээ экс жаалтай буцаад янз бүр болох гэсэн вариант бол хэзээ ч байхгүй, байлгаад ч дэмий гэдгийг маш сайн мэдэж байгаа, тэгэхлээр одоо бол урагшаа зүг чигээ мэдэхгүй ч алхаад байхаас өөр аргагүй. сингл байх уул нь их зүгээр юмаа, санах бодох юмгүй амар ч юм шиг, хааяа хос залуусыг харж цагаанаар атаархчихаад л бусад үед бол найз нөхөдтэйгээ наргиж цэнгээд явах шиг сайхан юм алгаа даа :)

...урд минь гарч ирэх янз бүрийн зүйлс-д шантраад итгэл үнэмшилээ ямар ч байсан алдахгүйг хичээнээ, жинхэнэ хайрыг хайсан аялал минь зогсохгүй ээ, хаа нэгтээ байж л таараа :)...

гоёлын даашинзаар гангарав :)

өргөө кинотеатрын нээлт сүртэй л болов :) гаднаасаа бол бараг хэвээрээ шахуу, гэхдээ гял цал шил толиор зарим хэсгээ чимсэн харагдана лээ. дотор нь бол тохьтой сайхан болсон юм шигээ, суудал энэ тэр нь лаг таалагдсан, мань мэтийн урт мөчтэй хүмүүст зарим нэг газрын суудал энэ тэр нь тулаад хэцүү байдаг юм :)
за тэгээд нээлт гэж намайг бондгос хийтэл/цочтол салют баахан буудаад л, энд тэндгүй шахцалдсан хүмүүс түлхэлцээл, машины түгжрэл, шороо хальт шуураад л юм юм л нэг зэрэг болов, энэ орой давхар бас гоёлын даашинз хэмээх шинэ киноны нээлт болов. монголд анх удаа киноны нээлтэнд очиж үзэж байгаа нь энэ, дажгүй л болдог юм билээ, энэ киног хийсэн продакшн бол нилээд сүйхээтэй сэргэлэн юм шиг байгаан, монголын гайгүй том компаниудаар ивээн тэтгүүлээд, киногоо хийх зуураа риалити шоу энэ тэр хийж тв-гээр цацаж ПИ-АРдаад амжиж байгаа юм. за тэгээд будаг нь үнэртсэн шинэ кинотеатр-т шинэ киног мисс найзтайгаа инээн ханиан байж үзэв. бодож байсныг бодвол тун хөөрхөн хийчихсэн санагдсан шүү, хөгжимт инээдмийн гэсэн тодотгол бүхий орчин үеийн оюутан залуусын амьдрал, хайр дурлалыг харуулсан хөнгөн мөртлөө өхөөрдөм кино болчиж, өхөөрдөм гэдэг нь монголд бол бараг анх удаа нэг тийм өвөрмөц дуу бүжиг хослуулсан сонин хийцтэй кино болж гарч ирж байгаад байгаа юм. зарим нэг газар гэрэл дутсан бас зураглал дээр нь чүү чүү хичээсэн бол гэж бодогдож байсан, бусдаар бол жүжиглэлт сайтай, хөөрхөн санаатай кино болж :) зарим нэг хэсгүүд дээр экс жаалаа бодчихсон, өнгөрсөн дурсамжөө сөхчихсөн сууна лээ би ккк, хайр дурлал гээч айхтар зүйлээр занималдсан хүмүүст бас юм бодуулахаар л хөөрхөн кино болж, манай мисс бас юм хум бодоод дурсаад байгаа харагдана лээ хэхэ нээрээ киноны дуунууд нь хүмүүст аль хэдийнэ хүрчихсэн юм шиг байгаан, нээлт дээр дуучид нь дуулсан чинь тэрүүгээр нэг хөгжөөд бүжээд байсан хүмүүс :) за тэгээд хөгжиж сэтгэл санаагаа дээшлүүлэх гэсэн мань мэт шиг армаантик бялуу идэх дуртай нөхдүүдэд бол тун үзүүштэй кино болжээ.

...Жинхэнэ хайрыг хайсан аялал минь зогсохгүй ээ
Хайр чи хаана ч байсан гэсэн чамайг заавал олох болно
Итгэл минь дүүрэн бас царай зүс сайн, харц дээгүүр
надад хайртай хүн олон боловч би тэр нэгэн жинхэнэ эр хүнийг хүлээнэ...(100% by Egshiglen ft BX)

Би худалч

Би худалч,
Худлаа хэлэх тусмаа
Би хүмүүсийн өгөөмөр хайрыг мэдэрдэг.

Би жүжигчин,
Дүрдээ итгэх тусмаа
Би хүмүүсийн өндөр зиндаанд дөхдөг.

Толгой дохин инээмсэглэдэг
Хамгийн амархан дүрдээ
Тоглох бүрдээ би,
Алга ташилтаар шагнуулдаг.

Амьдрах амархан
Үхэх ч амархан
Алтан хүрээ жаазтай л бол
Адгийн зураг ч хамгийн үнэтэй.

Би худалч, та ч бас..
Өөд өөдөөсөө хараад
Өчүүхэн ч далдирахгүй үнэнээс урвал
Зориг зүрх... Зовохгүй байх л хэцүү (Л.Өлзийтөгс)

Caos Calmo (2008 Italy)

маш хөөрхөн кино санагдсан, италичууд ер нь нэг тийм оргилуун халуун зантай мөртлөө нээх хэнэггүй ч юм шиг товаришууд санагддаг юм, тийм болохоор итали кино үзэхээр зан харектэрийн хувьд ойлгомжтой, бидэнд арай дөхөм ч юм шиг байгаан. хэцүү хатуу хагацал гуниг гэх мэт зүйлс асар энгийн намууханаар өрнөөд байгаа юм шиг сонион, нэг тийм дулаахан удаан энгийн кино санагдсан, яг нэрэндээ таарсан :) киноны хөгжим ихэд чимсэээн, "Cigarettes and chocolate milk"(by Rufus Wainwright) гэсэн энэ дууг бол заавал олж сонсмоор санагдав шүү, үзүүштэй кино :)

тайжийн жинс

өнөөдөр зорин байж нэгэн бүсгүйн орон зайгаар хальт ороод гарлаа. саранцацралт хэмээх бүсгүйн 25 дахь үзэсгэлэн хаан банкны үзэсгэлэнгийн танхимд гарч байнаaa :) миний хувьд энэ уран бүтээлчийн талаар маш их сонссон эчнээгээр мэддэг боловч өнөөдөр л анх удаа бие даасан үзэсгэлэнг нь зургуудыг нь бодитоор үзэж гэгээрч байгаа нь тэр, хэдэн жилийн өмнө түүний хийсэн сонирхолтой шоу-г үзээд ихэд таалж байсан, энэ удаагийн зургийн үзэсгэлэн мөн л өвөрмөц санагдлаа. зурагтаа хийсэн тайлбарууд нь маш ойлгомжтой, оновчтой, юм бодуулмаар (ялангуяа мань мэтийн зураг энэ тэрээс хөндий, ойлголт муутай гаруудад бол амар ч юм шиг гээд үү хэхэ)... бас нэг ажиглагдсан зүйл бол нилээд олон цэцэгний зурагнууд харагдана лээ, энэ талаар аниа нилээд судалсан бололтой - түүнийгээ өөрийн эргэн тойронтой холбон дүрсэлсэн нь таалагдсан. мөн танхимийн голд байсан хуучин бакаал гутал анхаарал татаж байлаа. бакаалын өсгийд шигтгээ бүхий туфлиний өсгий хадсан байсан нь содон байв. энэхүү бүтээлээ өөрийнх нь тайлбарласнаар бол: өнөөгийн нийгэмд байгаа бялдуучлал хуурмаг байдлыг шүүмжлэн харуулсан ажээ. бас танхимийн голд маш томоор тавигдсан зураг анхаарал татав - зургийн өмнө улаан туфль хэвтэнэ. туфлиэ тайлж орхиод өөрлүүгээ орж буй бүсгүй :)

ккк өөр нэг анхаарал татсан онцлох бүтээл уран бүтээлчийн тайлбарын хамт:
энэ цэцгийг тайжийн жинс гэдэг. яагаад ч юм энэ цэцэг надад эрэгтэй хүний мөн чанарыг бүрэн дүүрэн илэрхийлэж чадаж байгаа юм шиг санагддаг. энэ цэцгийг түүе гэвэл бээлий өмсөх хэрэгтэй, учир нь өргөстэй эвийг нь олоод түүвэл олон хоног хатаж гандахгүйгээр таны нүд сэтгэл зүрхийг баясгаад зогсохгүй хаа тавьсан тэр газрыг чинь гайхалтай сайхан чимж чаддаг.
(homoeroticism айн хэхэ? томруулж үзэх боломжтой шүү :)

Чи мэдэхгүй...

Сэтгэлд минь ямар ариухан хайр байдгийг
Сар мэднэ, чи мэдэхгүй
Намайг яаж уяран дурладгийг
Навч мэднэ, чи мэдэхгүй

Хөнгөн гуниглаад уйлах шахдагийг минь
Хөл дорх өвс мэднэ, чи мэдэхгүй
Хундага дарснаас юу хүсдгийг минь
Хувцсанд минь шингэсэн бороо л мэднэ, чи мэдэхгүй

Сэтгэлд минь ямар ариухан хайр байдгийг
Сар минь чи түүнд шивнээрэй
Намайг яаж уяран дурладгийг
Навч минь чи түүнд хэлээрэй... Б.Батзаяа

Зайсангаас цирк хүртэл...

сая амралтын өдөр зайсангийн тийшээ гол явсан юм, жоохон хогтойг эс тооцвол урсгал ус харангаа наранд нүүрээ ээн суух кайфтай байлаа. тэгээд буцах замдаа хэдэн зураг дарах гэж оролдсон юм. уул нь зайсангаас цирк хүртэл байдар ямар байгааг баримтат байдлаар харуулая гэсэн боловч хурдан давхидаг жолооч бас донсолгоотой муу замнаас болоод бас сая энд зургуудаа хийхдээ дарааллаар нь оруулсан боловч хутгалдаад сонин болчихлоо хэхэ бөөн холин бантан хэхэ за за нэвээмайнд :) зайсангаас цирк хүртэл дүр зураг нэг иймэрхүү шүү :)

Хагацна гэдгээн би мэдэж байсан

Хав хар нүдээр чинь баримжаалж зүрхний чинь хаалгыг тогшиж
Хангал догшин сэтгэлийг чинь уургалж цаг хугацааг туулаад
Сайхан бүхэн чинь миний сэтгэлд дурлал асааж байхад л
Сална гэдгээн би мэдэж байсаан чамд буруу байхгүй

Улаан дарсыг уруулаас чинь амталж сэтгэл минь хөлчүүрхэд
Учирал бүхэн минь хагацал руу биднийг алгуурхнаар хөтөлж байсан
Хаалгыг чинь тогшиход чи инээмсэглэн тайлж өгөхөд ч
Хагацана гэдгээн би мэдэж байсаан чамд буруу байхгүй... ( Б.Батзаяа)

Transsiberian - мартагдсан мөрөөдөл

тээр жилийн нэг өвөл улаанбаатараас бээжин хүртэл галт тэргээр аялсан маань санаанаас гардаггүйн :) купендээ унтаад , галт тэрэгний намуухан чичрэлтийг сонсоод л, урсан өнгөрөх уулс, үүлс, байшин, хүмүүс гээд л, хэзээ ч дуусахгүй юм шиг тэр л төмөр зам гээд л сонин содон зүйлс ихийг үзэж харж баясаж билээ. залуу халуун ч байж бас мэдээж маш гэнэн ч байж дээ хэхэ тэгээд аялалын туршид том том күүл агаа эгээ нарын москвагаас бээжин хүртэл транссибирийн адал явдалт аялалыг сонсоод атаархаад л, хэзээ нэгэн цагт нисэж магадгүй гэдэг шиг хэзээ нэгэн цагт тэгж аялана даа гэж зорилго тавиад л сууж байж билээ, тэрнээс хойш дахиж тэгж галт тэргэнд сууж адал явдал хайн аялсангүй, тэгэх хувьсгалын тохироо ч бүрдсэнгүй, тэр өдөр тэгж бодсон маань ч ор тас мартагдчихаж хэхэ
сая өглөө сэрчээд орондоо нэгэн кино үзэв. би ч угаасаа энэ двд-г нэрэнд нь болоод л авчихсан л даа, тэгээд үзлээ. хөөрхөн л адал явдал аймшиг энэ тэртэй кино байна. харин ч бодсоноос гайгүй кино байлаа, бээжингээс москва хүртэл аялаж байгаа хосын тухай, тэгээд л бөөн цус нөж адал явдал өрнөсөөр дуусдаг тийм нэг кино. гол нь үзчихсэн чинь тээр жил галт тэргэнд мөрөөдөж байсан мөрөөдөл эргэж орж ирээд сэтгэл үймүүлээд хаячихлаа :) тэгж байгаад нэг энэ транссибирийн алдарт аялалаар явж юм үзэж нүд тайлхиймсаан гэж мөрөөдөн санаашрав хэхэ

...

Намаржин шивэрсэн гунигт бороог хайж
Нэвсгэр цасхан өвөлжин чимээ чагнав
Халуухан шивнээг нь сонсож хайлаад
Хавар л сая нэг тэврэлдсээр ургав
Шатам халуун дурлалын дараа
Шархалсан сэтгэл ахиад л асгарна даа... ( Б.Батзаяа)

650

шинэ гарч байгаа монгол кинонуудыг болж өгвөл бүгдийг нь олж үзнэ гэсэн төлөвлөгөөтэй яваа, гэвч цаг заваас шалтгаалаад зарим нэгийг нь орхигдуулаад яваад байгаа. өчигдөр орой 2 найзтайгаа явж шинэ инээдмийн кино "650"-г үзлээ. инээдмийн кино болохоор ойрын үеийн стрессээ тайлж сайхан инээж авах гэсэн хэрэг хэхэ гүй ээ тэгээд яахав инээлээ, зарим үед инээх үү эсвэл өрөвдөх үү гэдгээ мэдэхээ байчихсан. миний бодлоор сүүлийн үед үзэж байгаа монгол кинонууд ерөнхийдөө солонгосын кинонуудыг даган дууриах нь их болсон юм шигээ, угаасаа хаашаа л харна сонсоно солонгосын кино, жүжиг, дуу гээд соёлын дарангуйлалд орсон юм шиг үед энэ байдал нь манай орчин үеийн урлагт нөлөөлөх нь аргагүй юм даа :( баба...
за за ер нь лаг сонин мэссэж шидсэн кино санагдсаан, оюутан залуус, охид хөвгүүдийг ахмад хүмүүстэй яв гээд хөхүүлэн дэмжээд байгаа ч юм шиг бас нөгөө талаар өнөөдөр нийгэмд өргөн дэлгэр байгаа TV chat, биеэ үнэлэлт гэх мэт зүйлсийг хөндөөд ч байгаа юм шиг. бас манай ангийн 2 залуу гарч байнаа, 2 жоохон залууг нь өөд нь татах гээд байгаагаар дүрслээд нөгөө 2 залуу нь айгаад зугтааж ч байх шиг хэхэ. бас ажиглаад байвал сүүлийн үеийн монгол кинонуудад гэй дүрийг бага сагаар боловч ихээхэн оруулж байна. энэ нь бас нийгэмд оршиж байгааг зүйлийг дуртай дургүй хүлээн зөвшөөрч эхэлж байгаа ч юм шиг, бас эхлээд бараан болон хошигнолын зорилгоор бага сагаар гаргаад (яг одоо кино дээр гарч байгаа гэй дүр нь нэг тийм намирсан байдлаар хүмүүсийг инээлгэх зорилгоор л дүрслэгдээд байгаа нь миний хувьд жаахан гомдолтой л байгаан) цаашдаа энэ инээдмийн дүрүүд нь өөрчлөгдөж гоё ангийн залуугын дүр гарч ирээд эд чинь хэнээс ч дутахгүй энгийн сайн хүмүүс шүү гэж нийт масс-д манай ангийнханы талаар эерэг бодол төрүүлж эхлээсэй л гэж найдахаас/хүлээхээс хэхэ, тэр цаг ч бас хол байна даа.

650 - яахав дээ л кино санагдсан, зураглал муутай, дундуур гарч байгаа ганц нэг хошин зүйлсийг эс тооцвол сонин, дараа нь үлдээд байх дүр зураг өгүүлэмж байхгүй хоосон санагдсан.

пи-эс: "650 инээдмийн кинонд гомо залуу тогложээ" сүртэй гарчигтай зүйл энд тавигдсан байх юм :)

тачаал гэдэг сохор хүсэл...

үүпс өчигдөр чинь их сонин өдөр байлаа. зарим зүйлс нэг цэгт ирж огтолцох гэдэг шиг л юм болдог л юм байна. манай экс жаалын сураг энд тэндээс сонсогдоол, сайн нэг найзын маань гэр бүлийн асуудал хурцдан оргилд хүрээл, өөр нэг сайн найзын маань үерхэж байгаа залуу нь тэнэгтэж өөр юм луу явж байж азаартаал, хаа ч юм ойрхон гарсан түймрийн утаа улаанбаатараар нэг тархаал - битүү утаан дунд уур бухимдал, гомдол цөхрөл, шаналал нулимс гээд л олон юм холилдоол, сонин л байлаа. тэгээд хэдүүлээ хэдэн пиво авч буйдхан очоод машин дотор ууж идэн сэтгэлээ онгойтол ярьж арай л дуулсангүй сүрхий л байлаа, сэтгэл санаа тавгүй гомдож хууртсан найзыгаа хараад өрөвдлөө тэвэрлээ үнслээ - би бас тийм байдалд байсан болохоор нь аймаар ойлгоод байгаа байхгүй юу (гаднаа нээх тоохгүй байгаа юм шиг күүл царайлавч дотор нь шуурга шуураад ямар байдгийг мэднэээ). ганцхан чамдаа чин үнэнчээр хайртай, надад өөр юу ч хэрэггүй гэж чих баясгаж байсан хүн маргааш нь өөр залуу луу шалиглаад явж байна гэхээр муухай бөөлжис цутгамаар, тэгж хөөрхий хүүхдийн итгэл сэтгэлээр тоглоод хаяж байгаа байхгүй юу - сонсоод надад тохиолдсон юм шиг л уур хүрч зүрх савлаад байсан...
дурлал хайр, үнэнч байдал, араар тавих, уучлал энэ тэр гээд л аймаар лаг лаг сэдвүүдээр чухамхүү нэг амьдрал ярин маргалдан мэтгэлцэн суулаа, хааяа нэг хүн амьтнаас айж үргэн санаа зоволгүй дураараа машинд ингэж парти хийх чинь дажгүйн билээ шүү, бөөн эрх чөлөө. ярилцсаны эцэст нэг зүйлд санал нэгдэн тогтов, манай ангийнханы дунд л ийм нэг нэгнээ араар нь тавьж хуурч нүгэл үйлдсэн ариун бус зүйлс байдаг уу эсвэл хүн л юм чинь гээд бас шулуун матигар хамаагүй байдаг уу гээд асуулт асуугаад, хэн хүнгүй бүгд л адил ийм зүйлс дунд байдаг тэгэхээр шулуун хүмүүс ч бас ийм асуудлаас болоод зовдог байж таараа, ер нь тэгээд манай ангийн хосууд хэсэг хугацаанд үнэхээр шатан дурлаж бие биедээ үнэнч байж байгаад магадгүй 6 сараас 1 жилийн дараанаас баригдалгүйгээр ганц 2 удаагийн зүгээр биеийн таашаал болгож түс тас түмпэн шанагадахыг зөвшөөрсүгэй гэж тогтоол гаргах шахав хэхэ бодит байдалтай аймаар эвлэрэх гэж оролдов.
дуу хуур ном зохиол дээр аягүй гоё юмс гараад байдаг ш д, энэ ер нь амьдралд байдаг болов уу эсвэл хүмүүс зүгээр төсөөлөл мөрөөдлөө бичээд бодит байдал дээр шаал өөрөөр бидний адилхан баба байдаг юм болов уу гэсэн асуултын хариуг - тийм гоё зүйлс байх нь байгаа гэхдээ тун ховор, азтай авсан/үзсэн/харсан/мэдэрсэн хүмүүс нь тэгж дуу хөгжим уран зохиолд магтан туулж мөнхөлдөг байх гэсэн таамаглалд хүрэв. тэгүүл тэр хайр гээч зүйл ер нь юу юм бол түүний мөн чанар утга учир гэж юу юм бол?
нэг найзын санал болгосон ХАЙР, ЭРХ ЧӨЛӨӨ, ГАНЦААРДАЛ гэсэн номыг ойрд сүрхий гарчиглаад байгаа юм. тэр номон дээр бас анзаарддаггүй зүйлсийг өөр өнцөгөөс маш ойлгомжтой байдлаар өгүүлсэн нь таалагдаад байгаан, тэндээс хайртай холбоотой таалагдсан хэдэн мөрүүдийг ишлэвэл:
- хайр бол уягдахаас ангид цорын ганц эрх чөлөө юм. бүхнийг хайрлаж байгаа үедээ чи юунд ч уягддаггүй...
- хайр гэдэг нэг нэгнээ хардаж сэрдсэн гав гинж биш эрх чөлөө авчирдаг байх ёстой, хайр чамд далавч ургуулж аль болох өөдөө хөөрөхөд чинь туслах ёстой...
- хэрвээ хайрыг зүгээр нэг сексийн, эр эм гормоны биологийн учрал гэж үзэхгүй, 2 сүнсний учрал гэж үзэх юм бол хайр чамд агуу далавч, амьдрал руу нэвтрэх агуу ухаарлыг өгдөг.
- хайргүй амьдардаг хүн нарцисс шинжтэй байдаг, хаалттай. тэр зөвхөн өөрийгөө л мэднэ. гэтэл тэр хэзээ ч өөр хүнийг мэдээгүй юм чинь хэр их өөрийгөө мэдэх вэ, зөвхөн өөр хүн л чамайг толь мэт харуулдаг.
- харьцаа гэдэг толь юм. хэдий чинээ хайр ариун байна, төдий чинээ дээ хайр байдаг, төдийчинээ дээ хайр байдаг, төдий чинээ толь сайн, цэвэр байдаг.
- бидэнд хайр хэмээх адал явдал руу ороход шаардлагатай зориг дутаад байгаа юм, тиймээс л хүмүүс сексийг сонирхоод байгаа юм, сексэд ямар ч риск үгүй. секс агшин зуурынх, чи түүнд татагдан ордоггүй. хайр бол автахуй юм. хайр бол үнэнч сэтгэл юм.
- тачаал гэдэг сохор хүсэл, хайр бол үг дуугүй, намуухан, бясалгагч зүрхний үнэр юм.
за за мэдэхгүймаааааа, сүүлдээ толгой эргэв :)

new playlist - April

залуу ленины ойролцоо 3 давхарт

өчигдөр нээрээ лемонс-ын шинэ сд-ны нээлт болох сургаар очмоор л байсан, даанч ажилтай бас дээр нь фэн охид хөвгүүдтэй нь наана цаана түлхэлцэж шахалдах гэж бөөн төвөг гээд больсон. хэхэ орой ажлаа тараад харих замдаа шинэ сд болох "залуу ленины ойролцоо 3 давхарт"-г авч гэртээ очин баяр бахдалтайгаар нээлт хийн ганцаараа сонсож жаал хэвтэв. ер нь дажгүй цомог болсон бололтой, эхний сонсолтоор 2-3 дуу таалагдаад байгаа. гэхдээ мэдээж эхний цомог нь бол энэ цомгоос нь илүү хөөрхөн болсон юм шигээ, яахав эхний сонсолтоор төрсөн сэтгэгдэл энэ шүү. зун айриш-д дуулаад байдаг байсан "сайн сайн байна уу миний нийслэл" гэдэг дуу нь 1983...86 гэдэг нэртэй юм байна :), сонсоод баймаар хөөрхөн дуу юмаа, сонсоод л улаанбаатараар тэнэвэл кайфтай бололтой дог шүү. цомгийн дизайн энэ тэр ч бас нилээд өвөрмөц болжээ. аа тийм өлзийтөгсийн шөнө дунд цас орж байна шүлгээр дуу хийсэн байна, дажгүй шүү. за тэгээд хэсэгтээ сонсох юмтай боллоо, ашгүй.


1. 1983...86
2. Мишээлт
3. Earth
4. Цаг агаар
5. Ядаргаа
6. Sex, Rock &
7. ...байсан
8. Алдагдсан аялгуу
9. The HooFa
10. Өөр ертөнц
11. Шөнө дунд цас орж байна





"Шөнө дунд цас орж байна"
Өөрт минь зориулж өгсөн хэн нэгний бэлэг
Өрөө дуурэн гэрэл цацсан болор хундага...
Харанхуй үүрээр босоод би энэ л хундаганд
Хамгийн улаан дарсыг сартай аягалан уув.

Өндөр зэгзгэр охин шиг гэрэлт чулуунаас
Өчигдрийн одных шиг бүдэгхэн цуурай сонсож
Жимсний үнэрт үсчсэн дарснаас
Жил саруудыг амтлан санаа алдан суув

Хүн бүхнийг унтаж байхад босоод
Хүйтэн болрын уруулаас халуу шатах дарс шимж
Нүдээ аниад, цэцэг шиг дохилзон суух гэгч
Үүр цайх хичнээн сайхан байсан гээч !

хайр - аймшиг уу эсвэл гайхамшиг уу?

гадаа нар шараад сайхан хавар болж байнаа, гадуур тэнээд л тэнээд л тэнгэр өөд ширтэж хэвтээд л баймаар санагдах болж, ойрд нозоороод юун ажил хийх манатай, сайхан унтаад л баймаар санагдах болж. сүүлийн үед чинь энэ халуун наранд мунгинаад тэр үү өрөөлийн байтугай өөрийнхөө учрыг ч олохоо байж, нөгөө 19тэй залуутай хөдөөнөөс ирэхээр нь дахиад болзож уулзаж учирав. жоохон хүүхэд гэлтгүй айхтар хэрсүү хүүхэд санагдсан шүү зарим талаар, амьдралд бас нилээд нухлагдсан бололтой дог шүү, өрөвдөөд, хөөрхөн хөөрхөн юм ярихаар нь өхөөрдөөл, болзоонд явчаад орой нь чи миний анхны хайр байгаасай гэж хүсэж байна энэ тэр гэсэн асар армаантик бас асар том мэссэж авч айв. хэсэг хугацаанд цагийг сайхан өнгөрөөж хавартай хөл нийлүүлэн алхая гэж бодсоноос биш янз бүрийн хайр дурлалын баатар болох тэр тусмаа хэн нэгний анхны хайр болно гэсэн супер төлөвлөгөө байсан биш, жаахан цочирдов ш д. хэн нэгнийг бодит томчуудын муухай ертөнцөд (ХАЙР-энэ үгнээс чинь айх юм байна ш д) хөтлөн оруулна гэдэг асар том хариуцлага ч юм шиг санагдав. хэн нэгний анхны хайр байна гэдэг тухайн хүний насан туршид дурсагдах дурсамж болон үлдэнэ гэж бодохоор гоё юм шиг мөртлөө, хэрвээ хувьсгалын тохироо нуран урж тухайн хүнийг ямар нэгэн байдлаар гомдоовол тэр хүн эргээд итгэх итгэлээр ядуурч шаналах болно гэж бодохоор аймаар, ялангуяа ийм жаахан хүүхдэд бол бүүр хүнд тусна байх хэхэ ингээд аймшгийн юмнууд бодсоор байтал нөгөө сонирхол догдлол унтарчих шиг санагдлаа, хэсэг зуур экстаси уугаад мансууран бүжиглэж байгаад эргээд сэргэж байгаа юм шиг санагдлаа. тэгээд хэд хэдэн болзооны дараа бодлоо, бүх юм хол явчихаас өмнө энэ бүгдийг зогсооё гэж шийдлээ. надад энэ хүүхэд таалагддаг гэхдээ сэрёозны янз бүрийн юм болж урт удаан зүйлийг бол төсөөлж/ амлаж арай амжихгүй байгаа юмаа. тэгээд ч экс жаал, өнгөрсөн дурлалаа мартаж/салж амжаагүй байж дараагийнх луу салбагнах дэмий юм шиг байна. зүгээр л ёстой мөрөөрөө нөгөө юугаа унжуулаад хэсэгтээ снигл явсан нь дээр юм шиг байгаан. яаж аятайхан 19тэй жаалтайгаа ярилцан ойлголцох вэ? бас яаж дурлахгүйгээр/ янз бүрийн гал дөл асаалгүйгээр үнсэлдэж сурах вэ?


Дурлалд сийчүүлсэн зүрхээ бусдын хайраар энхрийлж үзлээ
Дурсамжинд бүдрэх сэтгэлээ юм юмаар аргадаж үзлээ... болсонгүй/ бүтсэнгүй эээээээээ :(

p.s: хайр гэдэг үг яагаад нэг тийм аймшиг түгшүүртэй/итгэл үнэмшил муутай сонсогддог болсон юм бол? нөгөө мөрөөдөнгүй итгэл үнэмшил минь хаашаа одсон юм бол? би БАБА болчихжээ...

Саарал өдрүүдийн дундаас...

Нэг л мэдэхнээ... бүгд алга болчихож
Нисэж байсан шувууд нь хаашаа ч юм үргэчихсэн хов хоосон тэнгэр шиг
Нэг нэгээр нь унагасаар эцсийн навчаа үдээд нүцгэн үлдсэн мөчир шиг
Нэг л мэдэхнээ... бүгд алга болчихож

Санаашрал догдлол дагуулсан эмзэглэл, мэдрэмжүүд минь хаачив аа
Салхины үнэр навчисын өнгөтэй нулимс, тайтгарал чи хааш одов оо
Хэн нэгэнд гишгэгдсэн өвсний намуухан уйлах чимээ юунд замхрав аа
Хэл чимээгүй намайг нөмөрдөг дурлалын манан чи юунаас ийн сарнив аа

Гэнэт л би... мэдрэхээ байчихаж
Гэртээ ганцаараа үлдчихээд өдөржин цонхоор ширтдэг жаал шиг
Гэмтлийн эмнэлэгийн орон дээрх хүлцэнгүй номхон өвчтөн шиг
Гэнэт л би... мэдрэхээ байчихаж

Нүдээ анихад л үзэгддэг байсан шаргал тал, цэнхэр шөнийн тэнгэр алга
Нүгэлт орчлонгоос намайг авч нисдэг цагаан аялгуу, аниргүй нам гүм алга
Цээж хөндүүрэлтэл мэдрэгддэг байсан тэр далдхан гуниг санаашрал алга
Цэг таслал бүхий нулимс амтагддаг шүлгийн мөрүүд ч бас алга даа алга... (Б.Батзаяа)

Sex, Lies and Videotape

If these walls could talk 2
ягаан сарнай цэцэгс :) тиймээ манай ангийн нөгөө салааны охидуудын амьдралын нарийн ширийнийг харуулсан гоё кино байлаа. бас л эхний хэсэг (2 эмээтэй) асар таалагдав бас асар сэтгэл сонин болгов шүү. эмээг өрөвдөн өрөвдөн үзлээ, энэ хэсгээр хөндсөн сэдвийг нь өөр дээрээ тусгаж аваад л ихэд эмзэглэн бодов шүү хэхэ хөгшрөөд ирэхээрээ нэг өвөөтэй болж аваад л данх цайгаа хувааж ууна даа гэж боддог юмсан, тэгээд энэ кино шиг юм болуул яана даа гэж ирээдүйнхээ төлөө асар санаа зовнив хэхэ. үзүүштэй кино :)



Sex, Lies and Videotape (1989)

wow энэ кино зүгээр л тас цохив шүү, ангайтал :) олон юм нурших ч хэрэг алга, чадах ч гүй байх мань мэт нь хэхэ зүгээр л үзүүштэй үзүүштэй үзүүштэй :)

чамайг санана даа, алсыг харагчааа

Өглөө ажилдаа ирж явах зуур хуучнаар хүүхдийн парк дахь алсыг харагчыг буулгасныг хараад нэг их гуниг төрөв. Хүүхэд насны хамаг хүсэл мөрөөдөл дурсамж тэрэнтэй холбоотой юм шиг л санагдав. Жоохон байхад чинь хүүхдийн парк явна гэсэн сургаар нойр хүрдэггүй байж билээ, тэгээд л гангалж аваад л (тэр үеийн гол гангараа бол мики маузын зурагтай улаан цамц – тэрэндээ хайртай гэж яааваа хэхэ) явна. Оочерлож байгаад л бүх тоглоомон дээр сууна даа, алсыг харагч дээр суухаар тухайн үедээ сансарт нисчихэж байгаа юм шиг л, асар өндөрт гарсан аятай жаахан айгаал үрүүлээс нь тас зуураастай хэхэ айдаг мөртлөө л учиргүй гарах дуртай байсан юм даг. Тэгээд ирээд сураг сонсохнээ хүүхдийн парк энэ зун шинээр нээгдэнэ, шинэ тоглоомууд босгож угсарч байгаа сурагтай шүү. Уриааааа, гэхдээ заавал тэр хөөрхөн алсыг харагчыг буулгах ёстой байсан юм байх даа? Зүгээр л дурсамж болгоод хадгалсан бол гээд үү хэхэ :)

Хаврын хаварт л би...

Хаврын хаварт л би
Дурлачихсан явдаг
Хар л нүдтэй тэр залууг
Саначихсан байдаг
Хамгийн гэгэлгэн үедээ
Түүнд зориулж шүлэг бичдэг

Хайлаас, одод, үнсэлтийн тухай
Саяхны юм шиг дурсдаг
Бодлогогүй хэлсэн үг бүхэн нь
Урвах хүслийг төрүүлдэг
Бороотой үдшээр түүнийг санахдаа
Уйлахгүй байхыг хичээдэг
Өнгөрсөн он жилүүдэд
Өөрийгөө олоогүйдээ харамсдаг
Өнгө мөнгө, шунал хүслээс
Өр зүрх минь түүнийг харамладаг
Хаврын хаварт л би
Дурлачихсан явдаг аа... (Р.Эмүжин)

тирко минь баяртай :)

өвлөөс хамгийн секси биш зүйл юу вэ? ммм яах аргагүй энэ бол өвөл өмдөн дотуураа өмсдөг зузаан нимгэн эрэгтэй тирко болж таарч байгаа юм хэхэ хамгийн дургүй зүйл, гэхдээ дүн өвлийн хүйтэнд чинь өмсөхөөс өөр аргагүй болж таарч байгаам л даа, sad хэхэ боддоо - нэг л гоё залуу байдаг өмдийг нь тайлсан чинь ягаан тирко гараад ирвэл шууд дур хүсэл унтрана биз дээ айн хэхэ би өнөөдрөөс өмдөн дотуурхи тиркогоо (ягаан биш шүү ккк) албан ёсоор тайлж хаяв, өвөл хүртэл баяртай тирко минь :)