Цээжин дотор минь нэг сандал байгаа
зүрхэрхүү хэлбэртэй
Цэв цэвэрхэн, шинэхэн сандал
өндөр сандал
Төмрөөр түүнийг хийгээгүй
модоор хийгээгүй
гэвч ганхдаггүй
Төрөхөд минь л хамт байсан
үхэхэд ч байж л байна
бөх сандал
Хийц нь уран
давтагдашгүй
хараад л баймаар
Хэн хэзээ ч тиймийг
үзээгүй, үзэхгүй
Түүн дээр нэг суусан хүн
суугаад л баймаар
дулаахан бас зөөлхөн
Түмэн эр гуйсаан
олон ч гуйсан
огт хүрч чадаагүй
Тийм нэгэн өндөр сандал
эзгүй суудал
одоо хүртэл
Тэр нэгэн хүнийг хүлээсээр
Цээжин дотор минь ...
(Л.Өлзийтөгс)