Eternal sky

Гудамжинд

2012-01-21T06:07:00.001+08:00

Ганцаараа амьдрахын сайхан, муухайг үзэж мэдэрч л явна даа гэчүүл аягүй зовчихсон сонсогдож байна уу гүй юу кккэ...
саяхан нэг өдөр юу ч бодож мэлэрч явсан юм бүү мэд түлхүүрээ гэртээ үлдээгээд гараад ирсэн, тэгээд үүдэндээ энэ үйлдэлээ ухаарч баахан бантаж зогслоо, инээлээ, уур хүрлээ, бодлоо. Түлхүүр янзалж өгдөг үйлчилгээг дуудах уу, эсвэл хаалгаа эвдэх үү гэсэн юм бодоод гараад алхав, алхах зуураа өө нээрээ энэ байранд амьдарч байсан залууд илүү түлхүүр байж магад гэж бодоод залгасан чинь ашгүй байж таараад бөөн баяр :)

том болжоогоод ийм хаалгачин туулай-тай болно доо

орой тэгээд нөгөөх лүү залгаад түлхүүр авах гэсэн чинь өөр хол газар төрсөн өдөрт явчихсан байж таараад тэгэнгүүт нь түлхүүргүй хүн яахав, түлхүүр хүлээх зуураа танил хүүхдүүдтэй таарч шоудав, нэг жижигхэн караокэ бар-нд сууж баахан юм яриад бармэн ази залуу нь ядаж байхад аягүй хөөрхөн, нээх жоготой инээгээд л за юу уух уу гээд хүрээд ирнэ, би өөдөөс нь аль болохоор гоёоороо инээмсэглэхийг хичээгээстэй, бантаж уугаад нилээд халсан байна лээ, тэгээд хэсэг хугацааны дараа нөгөө хэдээсээ салаад найз шар хүүхэн, залуу хоёртой цаашаа өөр нэг амьд хөгжимтэй нэг газар очоод, тэгсэн нэг байрны подвальд гэх юм уу нэг газар 25-30 орчим насны баахан залуучууд цугларчихсан ууж идээд л, амьдаар хип хоп тоглолт ээлжилж тавиад үүүүүүүү сонирхолтой юм үзэв. за тэнд тэгээд бас бид 3 баахан бүжиглэж, ууж, юм хум яриад л байсан, нэг мэдсэн шөнийн 3 цаг, түлхүүрчин хүүхэд байдаггүй ээ, залгалаа, найзууд явуулахгүй байнаа, цагийн дараа эндээс гараад, нэг цаг яваад очино, хүлээж байгаарай гэх юм. надад хүлээхээс өөр сонголт угаасаа байхгүй :) нөгөө газраасаа гарч бид 3 нэг юм идчээд салав, дөнгөж 4 цаг болох гэж байдаг, хаачих вэ гэж бодож байгаад ойрхон байсан фитнэсс клуб оров, ямар ч хүнгүй байгаа байх даа гэсэн чинь үүрээр бас мэр сэр хүмүүс дасгал энэ тэрээ хийгээд байж л байдаг юм билээ, аягүй лаг :). Би ч усны өрөө хавиар нам гүм байгааг ашиглаад саун-д сууж, жакузи-д хэвтэж арьсаа амраав, ашгүй нээх удалгүй өнөөх залуу ирж намайг авав, утгагүй байдлаас намайг аврав, гэртээ ирэв, түлхүүрээ дахиад хэзээ ч мартахгүй гэж өөртөө амлав, орондоо оров, маргааш нь толгой хүнд сэрэв, виски чамайг даа гэж занав :)

манай байрны урд байдаг найз мод

Миний мэдэх Мураками...

2012-01-16T05:30:00.015+08:00

Харуки Мураками - энэ нэрийг мэддэг болоод, энэ хүний өвөрмөц ертөнцөөр аялаад би багагүй хугацааг үджээ. Хэдэн жилийн өмнө Лондонгын паддингтон дүүрэгт байдаг нийтийн номын сангаас унших ном хайж яваад энэ зохиолчын "Norwegian Wood" номыг олж билээ. Тухайн номын амтанд нь ороод бараг тэр өдөртөө нөгөө номыг машиндаад дуусгасан билүү дээ, тэгж бид хоёр анх танилцсан түүхтэй :) Тэгээд энэ хүний бичсэн, англи хэл дээр орчуулагдсан бүх номыг нь олж, авч, уншиж байсан гэж бодохоор яалтчгүй улаан фэн нь байсан бололтой дог шүү :) Одоо бол урьдных шиг тийм улаан фэн нь гэж өөрийгөө хэлэхэд хэцүү болж дээ. Миний сонирхол, taste арай өөр болж ирж байх шиг байна. Гэхдээ энэ хүн миний хүндэлж явдаг зохиолчдын нэг бол мөнөөсөө мөн, энэ жил нобелийн шагналд нэр дэвшихэд нь авчаасай гээд нууцхан догдолж л суулаа, энэ жил чадаагүй ч удахгүй авах байхоо :)

За тэгээд энэ зохиолчын талаар энд тэндээс цуглуулж авсан сонирхолтой баримт, түүний яриа, фото зургуудыг эмхтгэн орууллаа. Мураками-гийн Монгол фэнүүдэд зориулав :)

"Би ганцаараа байх дуртай хүн юм шиг байгаан. Арай өөрөөр хэлвэл би ганцаараа байхыг хэцүү зүйл гэж боддоггүй/айдаггүй хүн. Би өдөрт нэгээс хоёр цаг хэнтэй ч ярилгүй ганцаараа гүйж бас дөрвөөс таван цаг өрөөндөө юм бичиж өнгөрөөдөг, энэ нь надад огтхон ч хэцүү эсвэл уйтгартай санагдаж байгаагүй. Би бүүр бага байхаасаа л ганцаараа байх дуртай хүүхэд байсан, хэн нэгэнтэй хамт байхаас илүү ганцаараа ном унших эсвэл хөгжим сонсохыг илүүд үздэг байж билээ".

"Би залуудаа, өөрөөр хэлвэл хорин хэдэн насандаа шөнө дундаас хойш ямар нэгэн гайхалтай томоохон зүйл надад тохиолдоно гэж хүлээдэг/ догдолдог байсан. Гэвч хэзээ ч тийм ер бусын зүйлс тохиолдоогүй. Тэгээд гучин хэдэн нас хүрээд шөнө дундаас өмнө унтсан нь дээр гээд шууд орондоо ордог болсон".

"Амьдралдаа би үргэлж хүссэн зүйлсээ хийсээр ирсэн. Хүмүүс надад "наадах чинь дэмий/ буруу" гээд ятгах, болиулах гэж оролддог л юм, гэхдээ би хэзээ ч өөрчлөгдөхгүй".

"Олон уншигчид намайг сэкстэй холбоотой хэсгүүдийг бичих дуртай гэж боддог байх, тэгвэл яг эсрэгээрээ шүү. Би тиймэрхүү хэсгийг бичиж байхдаа яг яах учраа олохгүй ичиж сандардаг хүн. гэхдээ тэр болгонд би өөртөө: Харуки энэ бол чиний ажил/үүрэг, чи зогсолтгүй бичиж дуусгах ёстой гэж хэлдэг!"

"Миний зохиолын баатруудад онцгой содон зүйлс байдаггүй. Тэдэнд бусад хүмүүст хэлэх зүйлс байдаг, гэхдээ тэд яаж хэлэхээ мэддэггүй, тийм болохоор тэд өөрсдтэйгөө ярьдаг".

"Ихэнхи хүмүүс унтаж байхдаа ямар нэгэн зүүд зүүдэлдэг. Харин зохиолч байхын тулд сэрүүн байхдаа зүүд зүүдэлж чаддаг байх хэрэгтэй болдог".

"Хайр дурлалд автана гэдэг нь тэр хүн өөрийнхөө дутуу хэсгийг л эрж хайж байна гэсэн үг. Тэгэхээр хайр дурлалтай учирч үзсэн хүн эргээд өөрийнхөө амраг/ хайртаа бодохоор ямар нэгэн хэлбэрээр гунигт автдаг. энэ нь удаан хугацаанд эргэж сөхөөгүй, хамгийн нандин дурсамжууд бүхий өрөөнд орж байгаатай адил юм".

"Энд тэнд худагтай таарах болгондоо би заавал очиж, дотогш нь өнгийж харах дуртай".

"ямарваа нэгэн зүйлийг эрж хайж байнаа гэдэг тухайн хүн аз жаргалтай байгаа хэрэг. Эрэл хайгуул нь хүний амьдралд утга учир өгч байдаг. Одоо цагт өөрийнхөө эрж хайж байгаа зүйлээ олох нь тийм ч амархан ажил биш. Гэхдээ хамгийн чухал нь чи ямарваа нэгэн зүйлийг эрж хайж байгаад оршино, тэрнээс эрэл чинь чамайг хаашаа хөтлөх нь тийм ч чухал биш. Тийм болохоор миний зохиолын баатрууд ямар нэгэн зүйлийг эрж хайж байдаг, тэр хайж буй зүйл нь жирийн нэг муур, хонь эсвэл нэг бүсгүй ч байж болно. ийм энгийн эрэл хайгуулаас миний зохиолууд эхэлдэг юм".

"Секс, бэлгийн чиг баримжааны талаар бичихдээ би маш болгоомжтой ханддаг. Би бодлоо цаасан дээр буулгаж үзээд улмаар хамгийн зөв хувилбар, хамгийн оновчтой үгсийг олох хүртлээ маш олон удаа засаж бичдэг".

"Сайн найзуудыг олоход хэцүү байдаг, тэгвэл сайхан нөхөрлөлийг хадгалж цаашаа авч явах нь бүүр хэцүү зүйл. Найзууд чинь чамтай хамт байхгүй байж болно, гэхдээ сайхан дурсамжууд чамд үлдсэн байдаг. эдгээр дурсамжууд нь хүйтэн шөнө намайг дулаацуулах гал шиг дотроос төөнөж байдаг. Энэ бол жинхэнэ нөхөрлөл юм".

зохиолч Haruki Murakami & Ryu Murakami

"Энгийн хүмүүст ер бусын зүйлс тохиолдох нь бий. Миний зохиолууд үүний талаар л өгүүлдэг юм".

Мураками, Рубин хоёр

Мураками-гийн зохиолуудын ихэнхийг гардан орчуулсан Jay Rubin хэмээх буянтай хүн-ий энд тэнд өгсөн яриаг би олж унших дуртай. Өнгөрсөн 9 сард "The New Yorker" сэтгүүлд өгсөн уг орчуулагчын яриаг сонсоод эх хэл дээр нь зохиолыг нь уншиж үзвэл бас л "сүртэй" байх байсан байна даа гэж шуналтан бодож байлаа :)

Сурв: Та Мураками-гийн номнуудыг эх хэл дээр нь уншиж орчуулдаг азтай хүн, ер нь түүний зохиолуудад орчуулж боломгүй зүйлс хир их байдаг вэ?

Рубин: бараг тэр чигээрээ дээ

уг аудио ярилцлага >>> энд

"The New Yorker" сэтгүүлд хэвлэгдсэн "Town of Cats" хэмээх богино өгүүллэг >>> энд

Мураками-гийн дуртай зохиолууд:

Raymond Chandler’s Philip Marlowe
Philip Marlowe нь Chandler-ийн хувьд төсөөлөл юм, гэхдээ тэрээр миний хувьд бодит хүн. Би залуудаа, оюутан ахуй насандаа яг л Marlowe шиг амьдрахыг хүсдэг байж билээ.

The Great Gatsby
энэ миний дуртай ном. Саяхан хэдэн жилийн өмнө би энэ номыг орчуулж дуусгасан. Хорин хэдэн настай байхдаа энэ зохиолыг орчуулахыг их хүсэж билээ, гэхдээ тэр үед би энэ ажилд бэлэн биш, залуухан байж :)

The Catcher In The Rye
Энэ сэтгэл санаа цочирдуулам хар бараан, хүнд зохиол байгаа юм. Би анх 17 настай байхдаа уг зохиолыг уншаад таалагдсан учраас орчуулахаар шийдэж билээ. Тухайн үед энэ зохиол надад их хөгжилтэй, сонирхолтой бас хүнд санагдсан.

The Brothers Karamazov
Ихэнхи зохиолчид нас явахын хирээр муудаж доройтож ирдэг. Харин Достоевский бол тэгээгүй ээ. Харин ч эсрэгээр нь улам сайжирч, сайн бичиж байсан. Энэ зохиолыг тавин хэдэн насандаа бичсэн гэдэг, үнэхээрийн сайн зохиол болж чадсан.

The Castle
15 настай байхдаа би анх Кафкагийн The Castle хэмээх номыг уншиж билээ. Үнэхээр агуу том зохиол санагдаж унших явцдаа би их цочирдож билээ

Мураками-гийн талаархи сонирхолтой мэдээлэл

Haruki Murakami--ийн хувийн цуглуулганд 6000 хол давсан пянз, бичлэг байдаг ажээ.

хямдхан энгийн машин-ыг (жишээ нь “Dance Dance Dance” зохиолд гардаг Subaru) магтан бичдэг зохиолч маань бодит амьдрал дээрээ Porsche унадаг :)

Murakami оюутан байхдаа киног учиргүй үздэг байж. залуудаа жилд 200 орчим кино үзэж, зохиолч болох бараа сураг ч үгүй байх үедээ өөрөө сонирхолдоо хөтлөгдөн хэдэн кино зохиол бичсэн байна. уг зохиолууд нь өөрт нь таалагдаагүй учраас ямар нэгэн байдлаар хэвлүүлэх, бүтээл болгох оролдлого хийгээгүй ажээ.

1989 онд бичсэн түүнийг эсээ бичлэгнээс үзвэл тэрээр ямагт муур тэжээж ирсэн бөгөөд одоог хүртэл хэдэн муур тэжээснийг нь тоолвол нилээд их тоо гарах бололтой :) "Kirin" (пиво биш хятадын домогт гардаг амьтанг билэгдэж нэрлэгдсэн) хэмээх нэртэй муур түүнд байсан бөгөөд Мураками: японы хамгийн сайн зохиолч гэж үнэлдэг зохиолч Ryu Murakami уг муурыг түүнд бэлэглэсэн юм байна.

Их сургуульд сурч байхдаа Мураками урт үстэй, сахалтай байсан бөгөөд хичээлийн дундуур ном уншаад суудаг, шалгалтуудаа арай чамай давдаг хэнэггүй нэгэн байжээ. хоёрхон л найзтай байж, хоёулаа эмэгтэй :) тэдний нэг нь болох Yoko түүнтэй хожим гэрлэжээ.

1Q84

1Q84 - шинэ ном :)

МИНИЙ ДУРГҮЙ САРУУД - 1

2012-01-12T04:54:00.001+08:00

Нэгдүгээр сар миний хамгийн дургүй сар.
Яасан гэж би түүнд дургүйцнэ вэ?
Нэгдүгээр сард өр зүрхийг хайрах мэт
Хамгийн их хүйтэн болдог.

Өвчилсөн дурсамжийг үгдрээх мэт

Хамгийн их цас унадаг.

Цас биш, хөндүүр хөндүүр эмзэглэлүүд л

Цаана цаанаасаа, барагдаж дуусахгүй буудаг.

Нэг л тайвшрал –

Нэгдүгээр сарын одод хамгаас тод байдаг…

Үзэсгэлэнт хүйтэн цасны одод…

Одот цасны, цаст оддын хүйт…

Үгүй дээ, миний дургүй сар
Нэг сар биш юм байна.
Хоёр сар…

(Г. Аюурзана)

Melancholia

2012-01-11T06:54:00.011+08:00

Ямар нэг киног үзэхээс өмнө тухай киноны талаар маш их мэдээлэл авах нь хүлээлтийг өндөрсгөөд ихэнхидээ яг киногоо үзсэний дараа сэтгэл гундуу кинотеатраас гарах асуудал мэр сэр байдаг даа. :)
Ларс агаагийн энэ киног Канн-д анх гарахаас нь аваад бөөн бөөн мэдээлэл аваад хэвлэлийн хурал дээр хэлсэн мангар хошигнолоосоо болоод найруулагч өөрөө хэрхэн бөөн хэл аманд орж байгааг харж гайхах мэтээр энэ киног үзэхээсээ өмнө янз бүрээр их холбогдчихдсон болохоор яг кино үзэхээр суухдаа ямаршуухан юм байгаа бол доо гэж халгаж гайхсан үе надад бас байнаа байна гээд үү :)

Melancholia (2011 Sweden)

Кино үзэж дуусаад үүүүүүүүүүү гээд гайхчихсан, биширчихсэн, янз бүрийн бодолд умбачихсан сууна лээ би :) тэгэхээр ямартай ч миний сэтгэлд хүрсэн гоё, шинэлэг маркийн кино болсон юм шигээ. Зураглал энэ тэр юу вэ??? үүүүүүүүүүү :) камэрийн хөдөлгөөн, өнгө дүрслэл гээд магтах юм зөндөө. Хөгжим зурагтай нийлэхээр ийм болгодог юм даа гэж байгаа юм шиг маш хөгжимлөг кино болсон санагдсан, нээх урт видео клип ч юм шиг, үзээл үзээл мэлрээл мэлрээл баймаар :) ядаж байхад яг мэддэг уран зургуудаас санаа аваад зургийг нь авчихсан, тэр усан дээр хуримын даашинзтай урсдаг хэсэг үүүүүүүүүүү орчин цагийн ophelia байна гээд тормолзоод мэдэмхийрээд суужийв :)

"The Land of Cockaigne"

эгч дүү хоёр бүсгүй дэлхийн төгсгөл ирж байх үед хэрхэн хүлээж авч байгааг харуулсан энгийндүү үйл явдалтай хирнээ, хүний сэтгэл шаналал, тусгаарлалт, эмгэг энэ тэр гэсэн гүн гүнзгий зүйлс рүү орсон том санаа агуулсан айхтар кино байлаа, дахиж хэд хэд үзмээр санагдсан :)

"Ophelia"

Киног бас үзэж эхлэхдээ гайхсан зүйл нь: дан танил, мэддэг царайнууд байлаа, хамаг л шилдэг хөгшин, залуу жүжигчид нэг дор цугларсан нь сонирхолтой харагдаж байв, нэг талаар дан мэддэг лаг акулууд байхаар бас нэг тийм хэт хичээсэн ч юм шиг хэхэ за тэгээд жүжиглэлт энэ тэр дээр дуугай л байя би чинь одоо :)

Нэг хэвийн худлаа юмсаар дүүрэн холливүүдийн киноны дэргэд хамаагүй мөлжүүртэй, эрэл хайгуул хийж их хөдөлмөр орсон кино шиг кино байлаа, үзүүштэй үүүүүүүүүү :)

наран жаргах мөч...

2012-01-09T05:52:00.001+08:00

тэнгисийн эрэг дээр ганцаараа суух, тэртээд цахлай шувууд олуулаа ганганалдах, үүл үүлээ даган тэнгэрт эргэлдэх, намайг хараач гэх шиг нар нэг тодрон нэг бүдгэрэх - амьд яваагийн сайханыг мэдрэх нэгэн агшин...

Нар жаргахыг харж хэсэг ийнхүү суулаа, тэнгисийн цаагуур нар нуугдан орох тэр агшин онцгой байлаа, анх удаагаа нар жаргахыг үзэж байгаа адил догдлов :)

яг тэр хайр айсуй :)

2012-01-08T03:36:00.006+08:00

шинэ оноо ганцаараа угтах нь гэсэн чинь худлаа болж таарсаан, хэсэг бүлэг хүмүүстэй хамт угтав, сонин л байв, ганц дринк уучаад гэрийн зүг яарав, гэртээ ирээд кино үзэж хэсэг сууж байгаад унтсан.

ер нь шинэ оны эхний өдөр яагаад ч юм надад мангар санагдаад байдаг юм, шинэ жил гээд нээх их догдолж хүсэж хүлээж байгаад тэр бүгд болоод өнгөрсний дараа хүсэх хүлээх юмгүй болчихсон юм шиг сэтгэл хоосроод, гунигт автаад л шинэ оны эхний өдрийг өнгөрүүлдэг дээ. энэ жил бол тийм юм байсангүй ээ, угаасаа шинэ жил гээд хүсэж хүлээж тэмдэглэх юм байгаагүй, найз нөхөд байхгүй ганцаараа байхаа мэдэж байсан болохоор тэр үү тийм талын дарамт байсангүй ээ, шинэ оны эхний өдрийг жирийн л нэг өдөр шиг санаж фитнессдээ явж, өөртөө зориулж хийсэн амт шимт сайтай хоол хийж идэж өнгөрөөх шив. 2012 оны хувьд тэрүүхэндээ том жижиг алхам хийж, аз сорьсон, өөрийгөө шалгасан тийм жил болгохоор тархиндаа төлөвлөгөө боловсруулаад л байгаа, ямартай ч 2011 оныг бодвол харьцангуй сонирхолтой жил болох байхаа :) гэснээс 2012 оны жилийн ерөнхий зурхайг олж үзэв, миний талаар иймэрхүү юм зурхай өгүүлэв:

Энэ жил таны хувьд маш чухал бөгөөд дурсгалтай мөчүүд ихтэй болно. Таны дотоод мэдрэмж асар хүчтэй, мэдрэмтгий болж ажил үйлс чинь амжилттай байна. Бизнесийн хувьд ч ялгаагүй ашигтай санал орж ирэх бөгөөд ашгийг өөртөө шингээж чадах эсэх нь түншүүдийн харилцан итгэлцлээс шалтгаална. Эрүүл мэндийн хувьд та өөрийнхөө эрүүл мэндэд маш их анхаарах ёстой. Учир нь таны биеийн хүчний ажил гэнэт ихсэх болно. Хоолны дэглэм барьж, биеийн тамирын дасгал хийх нь таны эрүүл мэндэд тус дөхөм болно. Хайр дурлал таны амьдралд онцгой байр суурь эзэлнэ. Энэ жилд та өөртөө чухал хамгийн үнэ цэнэтэй яг тэр хайртайгаа учирна. Хэрэв та гэрлэх бодолтой байгаа бол энэ жил шийдвэрээ гаргаарай. Учир нь таны төсөөлж байгаагүй илүү бахархууштай зүйл тохиолдоно. Хэрэв та шийдвэр гаргаж холбоо тогтоосоон бол харьцаагаа муутгахгүй байхыг хичээгээрэй.

үүүүүүүүүү үнэн байгаасай, миний мэдрэмж яг яана гэчихсэн бэ :) бас хамгийн үнэ цэнэтэй яг тэр хайртайгаа учирна гэнэ үү үүүүүүүүүүүүүүү тэгэхээр байна шүү дээ: хамгийн үнэ цэнэтэй яг тэр хайр гэж байдаг байх нь (ашгүй дээ), байхгүй юм шиг байна гээд сэтгэлээр унаад шуудрах замдаа орчихсон явсан юмсан :) одоо тэгээд тэр хайрандаа бэлдэж эхлэе дээ, фитнессдээ эрчимтэй явья, өнгө зүсээ тордоё, бас хуримын хувцас энэ тэрээ эртнээс захиалж байдаг ч юм билүү, за энэ 2012 онд би балай авах юм шиг байнаа, ёондроо. гол нь яг тэр хайртайгаа учрах гэж будилж явтал гай болж дэлхий сөнөж балрах вий дээ кккэ тог тог тог - муу юм модонд :)

Сандалны тухай шүлэг

2012-01-01T05:40:00.000+08:00

Урт шар сандал өрөөнд минь байдаг

Түүнд би хүлээлт гэдэг нэр өгсөн

Надтай цуг ханьсах түүний

Насыг нь хэлж мэдэхгүй

Бид ямар нэгэн зүйлийг

Маш удаанаар хүлээж байгаа

Бидний тэвчээр

Нэг л нартай өдөр барагдаж

Би, чи-дээ тулан хэрэлдэж уралцахаас

Би маш их эмээдэг, эмзэглэдэг

Хүлээлт бид хоёр одоохондоо

Хүний амьдралаар амьдарч байгаа...

(Б. Эрдэнэсолонго)

тэр бид хоёр...

2011-12-31T07:54:00.007+08:00

за хэдхэн цагийн дараа юу юугүй шинэ он гарлаа шүү, яаанаа ийнээ :)
НЭЭРЭЭ нийлдэг найз нөхөд бүгд ийш тийшээ хол хол явчихсан, гэртээ би ганцаараа яг л нөгөө киноны брижит жонэс шиг утгаа алдчихсан сууна: яажшуухан он гаргадаг юм билээ, кастро ч явдаг юм билүү, ангийн бар сав руу ганцаараа орж үзвэл уул нь сонин байх даа гэж мэж бодоод л :) гэхдээ яг цагаа тулвал ганцаараа шоудаж амжихгүй л дээ, очоод орж чадахгүй барны үүдэнд нь ичээд гацах хэрэг гарна, тэхээр гэртээ армаанчиклаж ганц хоёр дринк ууж суудаг байх даа, эсвэл хөрш залуусаа гэртээ уриад грүппээрээ нөгөө юу яаавал гоё юм уу, грүппээрээ гоё шампанск уувал шүү дээ :)
НЭЭРЭЭ шинэ байранд ороод ганцаараа тусдаа гараад учиргүй жаргахаар болсон доо, тэгсэн чинь яг үнэндээ зуун хувь жаргал биш байж таарсаан, манай дээд байранд нэг хөгжлийн бэрхшээлтэй гэх үү нэг ах амьдардаг болж таараад, ядаж байхад унтлагын өрөө нь яг миний унтлагын өрөөний дээр байж таараад, баларч байноо, тэр нөхөр нээрээ яг юу юугүй тааз цөмлөөд ороод ирэх гэж байгаам шиг пижигнэтэл дэвхэрч цовхочдог, гол нь өдөржин шөнөжин шүү дээ :) тэгээд одоо би хувь заяатайгаа эвлэрээд том өрөөндөө диван дээр унтдаг болсон, арай л бөмбөрийн дуу багатай юм даa гээд үү хэхэ тэгсэн нэг өдөр манай хөрш манайд яах гээд ч билээ орж ирж байгаад нөгөөх-д харагдаад, тэр дээд даврхын залуу манай хөршийг манайд амьдардаг гээд бодчихсон юм шиг байгаан, нэг оройжингоо хонх дараад намайг айлгаад :(
нүүр амаар нь дүүрэн юм наалдаад бөөн шивтэр энэ тэр шиг сонин үнэр үнэртүүлчихсэн, манай эгч лүү залгаад өгөөч, утсаа авахгүй байнаа гээд хөршөөс гуйгаад л, нөгөөх нь уйгагүй залгахиймаа, эгч нь утсаа авахгүй - тэгж харагдаж байсан юм, тэгээд шөнө дунд нөгөөх чинь гэнэт гүйж ирээд хонх дараад, би гэртээ ганцаараа унтаж байсан хүн цочоод балардаг юм байгаа биз дээ :) би очоод "хүүе тэр танил хүн чинь энд байхгүй, хажуу хаалга, би унтмаар байна" гэж хэлэх гэснээ хаалгаа онгойлгож нөгөөхтэй чинь халз тулгарахаас айгаад толгой дээгүүрээ хөнжлөө нөмрөөстэй, шөнийн 4 болтол нөгөөх чинь намайг үе үе цочоож зовоосон ш д, тэгээд маргааш нь босчоод чимээ чагнасан чинь өнөөх чинь бүүр таг шүү, тэгэнгүүт айгаад хөөрхий арай амь тулаад аврал гуйж ирсэн юм биш биз дээ, зүгээр байгаа? xөөрхий минь арай нөгөө юу яачихсан??? гээд л өчнөөн бодол эргэлдээд л өдөржин нэг тийм дотор зовоостойдуу өнгөрсөн. нэг үсэрдэгээрээ үсрээд эхлээсэй гэсэн шүү юм бодоол тааз руугаа ширтээл, үнэн тамтай азгүй учралаа бид 2 нээрээ :)...
тэгээд орой хөршөөсөө дээд давхрын залуу зүгээр гэсээн гэж сонсоод дотор уужрав ш д, орой тэгсэн нөгөөх чинь түс тас гээд л үсэрч дүүлээд миний баярласан гэж, за яахуу чи бид 2 чимээтэй байсан нь дээр юм байнаа гээд хөгжимөө чангалаад суучихсан, намайг хөгжим чанга тавихаар нөгөөх чинь тэрүүхэндээ энэ нөхөр юу тавиад байна гээд сонсдог юм шиг байгаан, чимээгүй болчихно. тэр бас өөрөө хааяа хөгжим их чанга тавинаа, өглөөгүүр :) бас тэгжаагаад их сонин дээр үеийн гэмээрдүү нэрийг нь мэдэхгүй амьд хөгжмийн хамтлагууд сонсдог юм билээ, би ямар нэр устай/хэний дууг нь мэдэхгүй ч, дуртай дуутай болох гээд ч байх шиг хэхэ энэ мэтээр бид 2 шууд нүүр тулж харилцдаггүй ч бас нэг тийм тааз/шалаар "сонин" холбогдоод, "бие биендээ чимээ өгөөд, сонсоод суужийдаг" харилцаанд яалтчгүй орчлоо шүү, ёндроо :) өнөө орой өнөөхтэйгөө дээр доороос чимээ өгөлцөж авалцаад, дээр дооргүй үсэрч дэвхцээд гэртээ дискоддог ч юм билүү? :)

завшааныг ашиглаад блогт орж ирдэг бүх хүмүүст бүгдэнд шинэ жилийн баярын мэнд хүргэе. Хүссэн бодсон бүхэн чинь энэ ирж байгаа шинэ онд биелээсэй, бас миний ч гэсэн хүсэл биелээсэй :)

2011-12-25T08:21:00.000+08:00

Киноны Бүсгүйчүүд

2011-12-24T06:33:00.002+08:00

Сүүлийн үед үзсэн, таалагдсан кинонууд дундаас доорхи таван киног сонгов, эдгээр кинонууд өөр өөрсдийн онцлогтойгоор тус бүрдээ нэг нэг эмэгтэйн/бүсгүйн түүхийг өгүүлнэ...

1. "Lion's Den" - 2008 Argentina (Director. Pablo Trapero)

25тай анхны үрээ тээж яваа оюутан бүсгүй шоронд хүргэгдэж ирж байгаагаар кино эхлэнэ. Хүүхдийнхээ эцгийг хөнөөсөн хэрэгт тулгагдан шоронгын хатуу амьдрал дунд хүүхдээ төрүүлнэ, ийнхүү ээж хүү хоёрын ээдрээтэй, сонирхолтой, зүрх зүсмээр түүхээр кино өрнөнө.

Нээх гоё сайхан, гялтгар юмсыг харуулсан кино байдаг даа энэ бол тийм кино яавчиг биш, харин "үнэн" кино юм даа гэж шууд хүлээж авдаг/ойлгодог "сэтгэлд ойрхон кино" байдаг даа, энэ кино тийм л кино... эх хүний үрдээ өгдөг хайраас илүү үнэнч, үнэн, мөнхийн хайр ер нь байдаг юм болов уу гэж бодогдсон, бас хүн өөрийн дотор гэрлээ/зулаа ямар ч хэцүү үед унтраалгүй авч үлдэх/тэмцэх нь чухал гэдгийг харуулсан юм шиг... Зураглал, хөгжим, жүжиглэлт сайтай, кино шиг кино байлаа, үзүүштэй...

2. "Tomboy" - 2011 France (Director Celine Sciamma)

Лаурэ хэмээх охин шинээр өөр газар нүүн ирнэ, шинэ орчинд бүгдийг шинээр эхлэхдээ өөрийн хүссэнээр эхлүүлэхийг чармайна, өөрийгөө эрэгтэй хүүхэд хэмээн танилцуулан шинэ найзуудын хүрээлэл үүсгэнэ. түүнд таалагдах шинэ найз охин нь түүнийг эмэгтэй гэж мэдэхгүй... киноны үйл явдлыг товчхоноор ярих гэж оролдвол нэг иймэрхүү сонин толгой эргүүлсэн сонсогдох юм шиг байна, шууд энэ киног үзсэн нь дээр гээд үү :) "waterlilies" хэмээх сонин мэдрэмж бүхий хөөрхөн киногоор гараагаа эхлэж байсан найруулагч бүсгүйн энэ кино үнэхээр сэтгэлд хүрсэн, дулаахан, бас л сонин мэдрэмж дүүрэн кино байлаа. "эмэгтэй хүүхэд шиг эрэгтэй хүүхэд"-ийн талаар хийгдсэн хэд хэдэн кино үзэж байсан, харин "эрэгтэй хүүхэд шиг эмэгтэй хүүхдийн" талаар миний олж үзсэн анхны кино энэ байлаа, транс энэ тэр гэдэг шиг яг нарийн нэр хаяг оноож мэдэхгүй юм, угаасаа ч ингэж нэр хаяг заавал зүүх шаардлагагүй юм шиг. ямартай ч үзэхэд маш сонирхолтой/ шинэлэг байлаа, зарим үед нь өхөөрдөж инээж зарим хэсэг дээр нулимс бөнжигнөөд сэтгэл санааг минь хэд хэд эргүүлээд авсан хөөрхөн кино, кино дуусаад бичиг хөврөж байхад дэлгэц гөлрөөл юм бодоол суугаад л байсан :) гол дүр тоглосон жүжигчин хүүхдийг шүтэв, ийм гоё тоглолтыг гаргуулж чадсан найруулагчыг шүтэв, гоё юм ихтэй үзүүштэй кино байлааа үүүүүүүүүүүүүү :)

p.s: хэрвээ энэ киног үзээд таалагдвал "Ma Vie En Rose" гээд ийм нэг хөөрхөн киног олж үзээрэй, бас юм бодуулсан/дотор зурсан хөөрхөн кино бий :)

3. "Jane Eyre" - 2011 UK (Director Cary Fukunga)

1847 онд анх хэвлэгдэж байсан хайрын тухай цуутай зохиолыг кино, жүжиг болгон тависан хувилбарууд маш их, хамгийн сүүлд буюу 2011 онд уг зохиолоор хийгдсэн уг киног үзээд шууд таалагдав. Зохиолыг уншсан/сонссон хүмүүс үйл явдал ерөнхий өнгө аясыг мэдэх байх, юуны түрүүнд зураг авалт, гэрэлтүүлэг асар таалагдав, зарим хэсгүүдэд дан лаагаар гэрэлтүүлж авсан нь тасархай гоё харагдахын сацуу өрнөж буй хэсгийн илэрхийлэмжтэй нийлж нэг цогц болж байсан нь сэтгэл хөдөлгөв. за тэгээд киноны жүжиглэлт, дүрүүдийн сонголт, хөгжим гээд өөлөх зүйл бага санагдав, хайрын тухай хуурамчаар магтан дуулсан биш хатуу зөөлөн, хар цагааныг аль алиныг нь харуулсан бодитой сайхан кино үзье гэвэл үзээрэй :)

4. "Secret Sunshine" - 2007 South Korea (Director Lee Chang-dong)

Талийгаач нөхрийнхөө өсөж төрсөн нутагт нь хүүгээ дагуулан ирж суурших бүсгүй бүх зүйлсийг цэвэр тунгалаг, сайхнаар олж харан амьдралаа шинээр эхлэнэ. гэвч удалгүй тар нь танигдаж эхлэх зүйлс гарч түүний амьдрал орвонгоороо эргэнэ >>> Киноны үйл явдал ийнхүү өрнөнө, тайван сайхан эхлэлээс жинхэнэ өрнөл хүрэх богинохон хугацаанд гол дүрийн бүсгүйтэй аль хэдийнэ танилцан дотносоод зовлон туулах бүрийд нь дотор давчдаад, цээж хөндүүрлээд кинондоо орж үзэж дуусгасан. хөөрхий зовлонт бүсгүйд гар сунгах хүмүүс дундаас ертөнцийн эзэн таньд тусланаа гэж урин дуудсан сүмийн сүсэгтэн хүмүүстэй нэгдэж буй хэсэг их сонирхолтой санагдсан, бурхан биднийг дээрээс харьж байгаа гэж итгэсэн бүсгүйн бурханд хэлэх үгс, бурхаан чи үнэхээр байдаг юм бол хар даа, ийм юм байж болдог юм уу? би ингэвэл чи яах уу? гэж тэрсэлдэх хэсэг үзэхэд хэцүү ч, шинэлэг санагдав, таалагдав. жүжиглэлт/ тоглолт бол тасархай байлаа... "амьдрал" гэж юу юм бэ гэж өөдөөс асуулт тависан үзүүштэй сайхан кино байлаа, үзээрэй :)

5. " The Headless Woman" - 2008 Argentina (Director Lucrecia Martel)

морь унасан толгойгүй хүн гээд ном багадаа уншиж байсан даа, энэ кино тэрнээс чинь шаал өөр гээд үү ккк машин унасан толгойгүй бүсгүй :)

Хангалуун сайхан амьдралтай дунд эргэм насны нэгэн бүсгүй утсандаа ирсэн дуудлага авах гэж байгаад нэг зүйлийг дайрч байгаагаар кино эхлэнэ, хүн үү нохой юу? яг юу дайрчив гэдгээ сайн ухаарч амжаагүй хирнээ нягталж үзэлгүйгээр цааш явах бүсгүйн сонголт сонин, энэ тохиолдсон/үйлдсэн зүйлээсээ болоод орон гаран болж орчноосоо тасрах бүсгүйг олж анзаарах хүн байсангүй, өдрөөс өдөрт гэмшил бодол нь түүнийг идэж байгаагаар кино өрнөнө. Аргентинын түүхийн сонирхолтой үе буюу 1970 аад онд киноны үйл явдал өрнөж байгаа нь зүгээр ч нэг тохиолдол биш бололтой. баян хоосны ялгаа, нийгмийн хар бараан цоорхойг шүүмжлэн харуулсан уг киноны хийц, ерөнхий дүр төлөв таалагдав. энэ киноны зохиолоор монгол кино хийвэл бас л сонирхолтой кино болох ч юм шиг :)

гол дүрийн бүсгүйн толгойд орон түүний нүдээр эргэн тойрныг харах сонин байлаа, жүжигчин бүсгүйн тоглолт үнэмшилтэй санагдсан үүүүүүү браво гээд үү :) энэ кино үзсэн хүн бүхэнд таалагдах нь юу бол, гэхдээ хэсэг бүлэг хүмүүст таалагдах/ хүрэх сонирхолтой кино байлаа. Киноны продюссэр-р нь Алмодовар ажилласан нь бас сонирхолтой санагдав :)

ганцаараа гэхдээ жаргалтай :)

2011-12-23T06:40:00.008+08:00

за хэсэг блог энэ тэр гэж суух ч завгүй явлаа, яасан бэ гэхээр эхлээд шалгалт шүүлэг өгч хэсэг гүйлээ, бас байрнаасаа гарч өөр байранд нүүж орж байна гэж бас хэсэг хугацааг алдаж энэ тэр, шинэ байр сулрахыг хүлээнгээ айлд хэд хонож үзэв. нээрээ айлд толгой хоргодох хэцүү юм билээ гээд үү хэхэ айлынхан бол гэртээ байгаам шиг л бай энэ тэр гээд хөөрхөн л байгаан, гэхдээ би чинь их бантамтгай балай хүн шүү дээ, хүмүүст төвөг удчих вий гээд л яс хавталзаад л үнэн ядаргаатай зантай:) за тэгээд айлд байгаа хүн яасан байхнуу өглөө эрт босоод л гараад явчихна, тэгээд нэг кафе д ороод тухалж аваад цай цүү уунгаа ном сонин гарчиглаад л суучихна, тэгээд хийх даалгаваргүй бол шууд л кинотеатрын зүг марш, хамгийн эхний киног л эмээ өвөө нартай сууж байгаад үзчихнэ, тэгээд фитнэсс эсвэл хичээлдээ яваад л орой тараад юм идчээд айлдаа ирээд нам, хүн яг өөрийн гэсэн орон гэргүй болчихоор шууд сэтгэлээрээ ядарчихдаг юм шиг байгаан, айлд байгаа гэж бодохоор л өөрийн эрхгүй дуу сулраад л хэхэ :) уул нь ганц хоёр л хонох төлөвлөгөөтэй байсан чинь нөгөө хүмүүс нь их хүнд сурталтай нөхдүүд байж таараад, байраа суллах гэж мянган юм болоод бас бус хивс цэвэрлэгээ юу юу ч гэнүү өдөр хоног сунасаар бараг 10 өдөр болчихож байгаан, энэ зуур би бүүр тэвчээр алдана биз дээ, адаглаад л боож бэлдэж гарсан хэдэн цэвэрхэн оймс бандааш энэ тэр дуусаад балрангаа алдах шахсан хэхэ тэгж тэгж нэг юм тусдаа гарсан шүү үүүүүүүү, одоо өөрийн гэсэн байртай болчихсон сайхан байноо, рүүммэйт энэ тэртэй байгаад дасчихсан эхний шөнө эвгүйдүү өнгөрсөн ч гэсэн одоо эрх чөлөөндөө сэтгэл хангалуун сайхан байноо, өнөөдөр интэрнэтээ залгуулж аваад л бөөн ангаж цангасан адуу мал шиг ийшээ ч нэг ороод, тийшээ ч нэг шагайгаад, ийм ч нэг дуу тийм ч нэг видео татаад л балай авч байна. одоо тэгээд идэвхитэй блогдож, өөрийгөө эрж хайж ухаад л, өөртэйгөө яриад л суудаг байх даа, чөлөөт цагаас их юм алгооо :)

Бодол - 1

2011-11-30T03:42:00.001+08:00

Зун эхлэх гэж байснаа
Гэнэт намар болчих юм.
"Намар эхлэх нь дээ" гээд
Санаа алдах зуурт
Цас будраад эхлэх юм.
Цаг хугацаа ийм хурдан байна уу
Цаад наадхын учрыг би олохгүй байна уу?
(Б.Эрдэнэсолонго)

Далайг баярлуулсан нь...

2011-11-25T18:44:00.007+08:00

өнөөдөр тайнксгивинны орой... энд тэндгүй айлууд халуун ам бүлээрээ цуглаад л цацагт хяруулын махаа шарж идээд баярлаж, талархаж өнгөрөөж байх шиг байна. би яахав ханатлаа унтаж байгаад босоод гэрийн хажуу талын парк орж жаахан зураг энэ тэр авч өөрийгөө зугаацуулангаа ажлаа амжуулав. дараа нь дэлгүүр явж хүнс цуглуулаад ирээд тэрүүхэндээ баярын арга хэмжээ: хөөрхөөөн ногоотой шөл хийв, бас болоогүй ээ жаахан хачир зууш энэ тэртэй гэжугаа :) өдөр гадуур явж байхдаа янз бүрийн юм бодоол, ойрын үеийн хийх ёстой зүйлсээ санаж сэтгэлээр унаад л хэхэ баярын настри-н бараа сураг ч байхгүй, сэтгэл дотор нэг л тиймэрхүү өнөөдрийн тэнгэр шиг тийм бүрсгэр бүрхэг байв :)
за тэгээд орой нийлдэг ганц найз манайд ирэв, хийсэн зүйлсээ өрж тавиад хөөрхөөн ширээ засав, энд тэнд гэрэл гэрэлтүүлгээ асааж/бүдгэрүүлж байгаад л хоол идэв.
дараа нь нэр нь юу билээ дээ нэг сармагчинтай кино үзэв, яахав зүгээрдүү кино, үйл явдал нь сан-францискод өрнөж байгаа болохоор үзэхэд сонирхолтой л байв: мэддэг гүүр, танил гудамж энэ тэр гараад л, хүүеээ мома-гийн цонхоор үсэрчихлээ, тэр хавийг сүйдлэж байнаа гэх мэтээр орж үзэв хэхэ. киногоо дуусгаад бид хоёр далайн эрэг явав. харанхуй бас хүйтэн, дээр нь баярын орой болохоор амьд амьтан ойр хавьд харагдаагүй, бид хоёр л үнэн цоглог, лаг дулаалаад бэлтгэлтэй ирчихсэн :)
шөнийн далай нэг л сүрдмээр байдаг даа, тэр сүртэй давалгаа нь харанхуй/нам гүмийг сэрээж нүргэлээд л, харанхуй бас хязгааргүй юм шиг их ус хоёр нийлэхээр сүрдмээр байхаас ч аргагүйм даа. юу юугүй далай луу гүйгээд орчихмоор санагдаад л, сонин энергитэй газар...
тэгээд л далайн эргээр давалгаатай хөөцөлдөж тоглоод, давалгаанаас үлдсэн том том хөөснүүдийг өшиглөөд л, гоё байсаан... өмсөж гарсан гутал будаа, нороод бүүр заваарчихсан байна лээ, гутлаа сорри :)
нээрээ манай нэг найз уулан дээр гарвал дуу дуулж байвал зүгээр, тэгвэл уул ус, лус савдаг баярладаг гэсэн гээд хамт уул гарахаараа нийлж дуу дуулаад намайг сургачихсан юм, би ч энэ зан заншилд дуртай гэж жигтэйхэн, шууд л хэрэгжүүлээд явчихсан, ойр ойрхон гэрийн хажууд байдаг жижиг уул руу гардгыг хэлэх үү, тэр болгонд янз бүрийн дуу ууланд зориулж дуулаад миний дууны урын сан нэмэгдээд л байгаа, тэгсэн одоо бүүр санаачлагаараа давраад: далай баярлах байхаа, хоёулаа энэ номхон далайд зориулаад дуу дуулая гэж найзыгаа панаалдаж байгаад далайн эрэгт дуу дуулав >> нэг л хүн дутуу өөө өөө өөөөөөөөөөө, нэг л хүн дутуу өөө өөө өөөөөөөө гээд юу гэдэг нэртэй билээ дээ сүүлийн үеийн охидын хамтлагын дуу дуулж байснаа "далай хөгшин юм чинь ардын дуунд дуртай байхаа" гэж байгаад "юндэн гөөгөө"-г нэг бадаг дуулав, цаашаа нь мэдэхгүй паг хэхэ нөгөө далай ч аягүй уярсан ч юм шигээ, дараа нь харахнээ сэтгэл дагасан уу яасан далай баярласан л юм шиг санагдсан ш д гээд үү, тэгээд тайнксгивинээр ямартай ч "далай баярлуулчихсан" гээд санаа амраад буцсан, буцсан ч гэждээ цаашаа улам армаанчиклаж хоёулаа дуртай дуунуудаа чангаар сонсож хотын төв ороод тэр хавиар жаал давхив, дэлгүүр хоршоо кристмасын чимэглэлээ зүүчихсэн өнгөлөг гэж жигтэйхэн, нээрээ хотын төв талбайд томоо гэгчийн гацуур мод засчихсан харагдана лээ :)
найз: хаашаа ч гэлээ нэг газар луу орж хоёулаа алимтай бялуу идье гээд байнаа, бас над шиг армаанчик хүн кккэ "алимтай бялуу" нь ч юув дээ тиймээ хэхэ "алимтай бялуу" гэхээр нөгөө дээр үеийн инээдмийн кино санаанд ороод инээд хүрээд байдаг юм, яагаав нөгөө алимтай бялуутай юу яадаг :)
би: өөө "далайн хувцас"тай пөөнийгөөд гараад ирсээн, дараа л орьё гээд цааргалаад байнаа хэхэ тэгээд хариад хоёулаа үлдсэн хоолоо халааж идээд дараагийн киногоо үзэх болов, өдөр жаахан тиймхэн байсан болохоор би нэг л хатуу юм уумаар ч юм шиг санагдаад байсан, мөстэй виски хийж ууж үзэв, виски ер нь ингэж шууд ууж үзээгүй, сонин л юм билээ. нээх нэг тийм жинхэнэ эр хүний дринк ч юм шиг хэхэ эхлээд аягүй хатуу байснаа мөснүүд нь аажмаар хайлаад амт нь зөөлрөөд л... хаа нэг балгаад сууж байхад зүгээр юм билээ.

50/50 (2011 USA)

за тэгээд 50/50 гээд шинэ кино үзэв, үнэхээр үүүүүүүүүүүү гэмээр гоё кино байна лээ. би ч угийн Joseph Gordon Levitt-н улаан фэн болохоор аягүй шимтэн үзэв, манай хүн ч итгэл алдсангүй ээ, дүрдээ орж гоё тоглосон байна лээ. энэ Joseph нээрээ нуль авьяас залуу санагдаад аягүй хүндэлж биширч явдийн, бас taste аягүй сайтай, сонгож тоглож байгаа дүр/ кинонууд нь лагаа, цаанаа л нэг гоё зэвүүн:).

(би хүндэлж бишрэхийн хажуугаар яаж зүгээр байхав "халуухан амьтан" шүү гээд бас тэрүүхэндээ догдолчихноо, янз бүрээр харчихнаа :).

50/50:
27хон насандаа хорт хавдар туссан нэгэн залуу энэ бүхнээ хэрхэн даван туулж байгааг, түүний ойр дотны хүмүүс энэ бүгдийг хэрхэн хүлээж авч байгааг харуулсан энгийндүү үйл явдалтай кино, гэхдээ энгийн үйл явдлыг гуниг зовлонг инээдэмтэй хослуулж давс хужрыг хөөрхөн гэгч нь тааруулж хийсэн хийц нь таалагдав. уг кино зохиолыг бичсэн залуугын амьдралаар хийсэн кино болохоор маш сэтгэлд ойр, үнэмшилтэй кино болсон санагдсан. энэ кинон дундуур хэдэн ч удаа түс хийтэл инээв, хэдэн ч удаа нулимсаа дуслуулан сэмээрхэн арчсан шиг дотор гаднаа уйлав :) тэр хагалгаанд орохын өмнөх хэсэг нь үнэн хүндээ, Joseph-ын тэр царайг хэсэгтээ мартахгүй байхаа, эргээд жоохон хүү болчихсон ээжийгээ тэвэрдэг хэсэг дээр хамар шархираад л явчихсан, нулимсаа сэмхэн арчаал вискигээ балгаал суув ш д :) ёстой нэг санал болгохоор хөөрхөн кино байлаа, ойрд ийм сайхан кино үзээгүй байсан болохоор нөгөө бүүдгэр сэтгэл шууд л сэргээд ирсэн :) гол дүрийн хоёр жүжигчин үнэхээр хөөрхөн байлаа, өөр юу гэж ч магтмаар юм бэ дээ, үнэхээр үзүүштэй :)

за нэг иймэрхүү маркаар баяр тэмдэглэх шив, ойрд гэртээ гав ганцаараа хонож байгаа болохоор унтахдаа жаахан айгаастай, гэхдээ айдсаа даван туулж байгоо, найз нөхдөө татаж чангааж хамт унтахгүй, чирэгдэл учруулахгүй, янз бүрийн гэрэл гэгээтэй юм бодож өөрийгөө хуурч байгаад л ганцаараа л унтаад байгаа хэхэ дээр үед нөгөө paranormal activity-г анх айж үзээд тэрнээс хойшоо хааяа ганцаараа унтахаараа ийм сонин айдаст автаад байдаг болчихсон, ямарсайндаа л гэрийнхээ хамаг шкабны хаалга үүдийг хааж, өрөөгөө цоожилж унтдаг муухай зуршилтай болхов дээ, одоо гэхдээ тэрмуу paranormal activity-с үлдсэн айдсыг бараг давж дуусч байгаа хэхэ гэснээс хурдхан хань ижилтэй болж тэврээд хөлөө хүссэн үедээ ачаад унтдаг болох юмсаан :)

аар саархан update...

2011-11-24T15:23:00.001+08:00

Ойрд блог энэ тэр гэх завгүй л яваад байлаа, завгүй ч гэж дээ яг нарийн авч үзвэл завтай ч байсан юм шиг, нэг л тийм блогшрох, зожигрох боломжгүй, бодлоо цэгцлэх завгүй наргиж цэнгээд гүйгээд байсан бололтой :)
...нээрээ энэ сарын сүүлээр байрнаасаа гарах болсон, дараагийн орох байраа олоогүй байгаа хирнээ нэг л тайван налгар хүн яваад байгаа, сүх далайтал үхэр амар гэдэг билүү тэрэн шиг хачин амар амгалан л болоод байх юм, урьдны яг таг сүр сар зүйлс байхгүй, нэг л налгар лаазгай хүн яваад байх юм, өөрөө өөртөө гайхаад л байгаа :) за яахав болно доо, тэгжаагаад бүх зүйлс болох биз гэсэн маягтай, өөрийгөө тайвшируулаад л...
...энд сэрүү ороод борооны улирал эхэлчихсэн, одоохондоо борооноос уйдаагүй байгаа болохоор бороонд норж юм бодож алхаж ганцаарааа лаг aрмаанчиклаад л яваад байгаа :)
...харанхуй өрөөнд дуртай дуу хөгжимөө сонсоод зураг угаагаад суудаг шинэ хоббитой болсон, хальсаар зураг аваад түүнийгээ угаах чинь тэгж байгаад их кайфтай ажил юм билээ, ажиллагаа их ордог ч гэсэн цагаан цаасан дээр авсан дүрс минь амилах мөчид төрдөг гоё мэдрэмж нь таалагдсан. нээрээ дижитал аппаратаар зураг авсаар байгаад муу зан сурчихсан гэдгээ сая л мэдэв, хальсаар зураг авч байгаагаа мартаад байсгээд л аппаратныхаа арлуу өнгийгөөд хэхэ юу дарснаа харчих гээд л байгаа юм шиг байгаан :) дараа тэгж байгаад хальсаар авсан зурагнуудаа сканнэрдаж оруулж сонирхуулнаа :)

btw Happy Thanksgiving шүү хүмүүсээ

...

2011-11-22T03:41:00.006+08:00

Нам жим, бүрхэг шөнө.

Гагцхүү хялмаалах цас л сэм анхилна.

Намайг дуудагч хэн нэгний гүнд хөл алдах шиг

Хав харанхуйн дунд би нүдээ анина...

(Г. Аюурзана)

Гурван маралын дундахийг харж байна уу?
Тэнд би чамайг хүлээнэ.
Гуниг минь нэг марал,
Баяр минь нөгөө марал...
(Г. Аюурзана)

The Skin I Live In...

2011-11-13T23:42:00.004+08:00

The Skin I Live In (2011 Spain)

Алмодовар агаагийн шинэ киног хүсэн хүлээж байгаад дуртай кинотеатртаа очиж үзлээ. Сайхан кино болжээ...

"Ажил мэргэжилдээ гарамгай мэс засалч залуу (Бандэрас) золгүй хувь тохиолын улмаас эхнэрээ алдана, цорын ганц хайртай охин нь бусармаг нэгэнд хүчиндүүлснээс болон амиа хорлосноор тэрээр цор ганцаар үлдэнэ. өшөө хорсол/ тэвчишгүй их уй гашуу түүнийг өөр зүйлд хөтлөнө"... киноны үйл явдал иймэрхүү байдлаар өрнөнө. Энэ кино Алмодоварын бусад киног бодвол нөгөө айхтар хурц тод өнгө багатай, металлиг болон хүний арьсны өнгө зонхилсон нь сонирхолтой харагдана лээ, энэ нь ч уг киноны утга санаанд тун сайн зохицсон байлаа гэж. Киноны зураглал, жүжиглэлт дээр хэлэх юм байхгүй ээ, өмнөх олон кинонуудад нь хамт ажилласан арвин туршлагатай мундаг баг ажилласан харагдана лээ.

Харин уг киноны дэвшүүлж байгаа асуудлууд их сонин, нэг тийм филисоплог ч юм шиг санагдсан: хүний арьс гэдэг чухам юу юм бэ? хэн нэгнийг бид хүсэхдээ хамгийн түрүүнд юуг нь олж харж, яг юуг хүсдэг вэ? арьс/гадаад төрх үү эсвэл арьсны гүнд орших жинхэнэ хүнийг нь үү? эсвэл ерөөсөө арьс биднийг төөрөгдүүлэн тэрхүү арьсны ард байх "жинхэнэ дүр төрх"ийг огт харуулдаггүй/халхавч юм болов уу? энэ мэтээр намайг эргүүтүүлэн, нээрээ юу билээ гэж бодуулан орхисноос харвал Алмодоварын кинонууд цааш нэг шат ахин филисоплог талруугаа илүү гүнзгийрч байгаа ч юм шиг, эсвэл угаасаа ч кинонууд нь тийм байлуу яалаа, эсгүүл би том болжаагаан болуу? :)

Киноны хөгжим уянгалаг, сонсголонтой (Alberto Iglesias угаасаа нуль авьяас нөхөр юм шиг байгаан, түүний зохиолууд цаанаа л нэг ондоо байдийн) бас кинонд гарах Испанийн дуучин бүсгүй Concha Buika-н дуу хоолой таалагдав (кинонд орсон түүний нэг дуу энд). за тэгээд Алмодоварын фэнүүд бол зайлшгүй үзэх ёстой киноны нэг шүү, үүүүүүүүүүү :)

All Hallows' Eve...

2011-11-08T17:14:00.003+08:00

Halloween - жилд нэг иймэрхүү баяр/өдөр байх нь бас зүгээр юм шигээ, өдөр тутмын нэг хэвшмэл байдлаасаа гарч хүссэн дүрдээ хувилах боломжтой :) энэ жил миний сонгосон дүр - толгойндоо том хутга зоолгосон "хохирогч" залуугийн дүр байлаа, нээх том урт балиус яг толгойг нэвт цоолж гараад бөөн цус нөж болсон байна гээд төсөөл дөө, нэг тиймэрхүү эвгүй дүрд хувилсан даа :) тэгээд тэр орой кастро хавиар явж хүмүүсийн сонин содон хувцаслалт, дүрүүдийг харсан шиг баярлав...

энэ үеээр дарсан ганц нэг зураг:

Indian Summer

2011-11-05T04:35:00.007+08:00

...нартай зун шиг өдрүүд дуусдаггүй ээ,

намар биз дээ уул нь?

Indian Summer - үүүүүүүүүүүүүүүүүүүүүү,

догдолж энэ тэрүүгээр алхаад л,

зав л гарвал далайн эрэг лүү зүглээд л,

хичээлээ хааяа таслаад л,

амьдрал гоё байноо :)

ойрын үед нэг иймэрхүүдүү зургууд авч үзэж байна :)

...

2011-10-26T18:02:00.005+08:00

Жаргалтай дурсамжаас сэтгэлд гуниг төрнө.

Гунигтай яваа чинь

Гутлын дор нужигнах цасны чимээнээс илт.

Non plus ultra...

(Г.Аюурзана)

"Аян замын тэмдэглэл - 2"

2011-10-23T07:03:00.017+08:00

Америкийн хөдөө нутгаар...

"чикаго - сан франциско" гэсэн гоё сонсогдох хирнээ огт явж үзээгүй, сүрдмээр маршрутаар нийтдээ 3500 км орчим замыг гурван өдрийн дотор туулах гэсэн том зорилтыг өвөрлөсөн манай "гурван хуруу" баг шөнийн шоундаа ядарцгаагаад хэсэг унтсаны эцэст хүсэн хүлээсэн аялалаа мягмар гарагын үд дунд эхэллээ.
Америкт ирснээс хойш би ёстой аргамжааны газарт эргэлдэнэ гэдэг шиг нэг газраа ухантан жилийг үдсэнээ ийнхүү гэнэт нэг зэрэг найман мужыг үзэн өнгөрөх болсондоо баярлан хөөрснийг яана :) Нөгөө хоёр маань ээлжлэн машин бариад явах сургаар үүүүүүү гоё зураг хөрөг аваад сайхан амарч явна даа гэж бодсон маань бүтээгүй ээ кккэ хагас бүтсэн ч гэх юм уу :) юун нөгөө хатан хаан сиси шиг тансаглах шууд "машины үйлчлэгч"-ийн ажилд орсон, баларсан хэхэ за суудлын даруулгаа бэхэлнэ үү, манай "гурван хуруу" багийн аялалыг сонгон үйлчлүүлж байгаа таньд баярлалаа, за та юу уумаар байна? зүгээр суухаар жаахан юм идэх үү энэ тэр гэсгээд миний шинэ ажил дуусахнуу гэтэл үгүй ээ, үзэгчдийн хүсэлтээр нэмээд джэй хийж байгаан, хажуугаар нь жолоочоо унтуулчилгүй юм хум ярьж хөгжөөж энэ тэр бөөн завгүй хүн байлаа, үүнээсээ болоод зураг хөрөг ч бага авсаан :( хоёр жолооч яахав ээлжилж машинаа бариад, амарч байгаа хүн нь ард орж унтаад л. би яахав америкийн хөдөө нутагт ард түмэнтэйгээ ямар ч завсарлагагүй нам тулж ажиллаж, ямарсайндаа эхний өдрийн оройноо аймаар ядарчихсан байхав дээ, гэснээс машины үйлчлэгчдийн ажлыг төр засгаас харж үзмээр юм билээ шүү гээд үү :)

хурдны замаар жирэлзэн өнгөрөх жижиг хот сууринг хальт хараад л өдөржин давхих бас амаргүй ажил байна лээ. уртаашаа 10хан сд-тэй, өнөө хэдээ өөд уруугүй сонсож, онигоо яриа энэ тэрээ шавхсаар арай чүү орой болгосон :)

орой нь: за гурван хуруунуудаа ингэсгээд унтацгааяаа, харанхуй болчлоо ш д, харанхуйд яваад дэмий байхаа гэж үглэсээр буудлын бараа харсан хэхэ буудалд буунгуунтаа яасан байх уу эргэж сэргээд, гарсан боловч Walmart, Burger King энэ тэрээс өөр хөгжил үгүй гэсэн уйтгартай суурин угтаад, буцаж орж чемоданы баяр хийн өрөөндөө хөгжилдөн суусан, тэгээл нам...

(эхний өдрийн туулсан зам - 1000 орчим км)

өглөө босоод цайгаа уучаад эргээд хурдны замтайгаа найзласан, эхний өдрийн туршлага дээрээ үндэслээд өглөөгүүр сайн амарч авах хэрэгтэй гэж ухамсарлан ард орж жаал унтсан, үд дунд босч ирээд эргээд ажилдаа орсон доо, өнөө хэдэн сд-гээ бүүр цээжилчихсэн, миксинг хийж эхэлж байгаан бишүү, за энэ дууны дараа ийм дууг тавинаа гээд тэрүүхэндээ 98.9 :) дуу яваад дуусангуут энэ ямар утгатай дуу байв гэж бүгдээрээ нийлж анализ хийж энэ тэр, гоё үг аятай дуу байвал магтан алдаршуулж энэ тэр хэсэг цаг авсан. тэгээд караокэдаж явсаар хоолой ч цуцаж ирсэн...

чикагогоос гараад ямар ч уулгүй тал нутгаар давхиж явсаар өөр өөр мужын нутгаар дайран өнгөрөх бүрийд дүр зураг арай өөр болж ирсэн, бага багаар жижиг сажиг уулс харагдаж дотор уужруулаад. уулс гэж нээрээ аягүй түшигтэй юм билээ, алсаас тайвшируулаад бараа болоод байж байдаг...

за хоёр дахь өдөр бол сайн явсаан бараг 1400км орчим явсан байх. бид хэд өнөө орой арай жаахан томхон хот суурин бараадаж хононо, гарч орно гэсэн төлөвлөгөөтэй гүрийсээр Utah мужын Salt lake хэмээх хотод 10 өнгөрөөж орж ирсэн. буудалдаа бууж ус цасандаа орж хувцасаа солиод гангалаад яг гарах гэтэл хүчтэй бороо ороод хотоор алхах төлөвлөгөө будаа, өөөөө гээд бантсандаа чемоданы баяр бас зохиохчоо аядаад нам...

өглөөний цайны дараа Salt lake хотоор хальтхан явж үзэж экспрэсс аялал хийв, мормон шашины томоохон сүм хийд маркын сүрдмээр том цогцолборт орсон чинь монгол тайлбарлагч/хөтөч эгчтэй таарсан, өглөө яараад усанд ч ороогүй сахлаа хусаагүй хэд хоносон бүрзийсэн нөхдүүд явсныг хэлэх үү бантах шахсан :) за тэгээд эргээд л машиндаа суугаад сурсан дуугаа дуулаад аялалаа үргэлжлүүлсэн. өдөржин давхисаар цонхны цаагуур жирэлзэн өнгөрөх өөр өөр дүр зургийг ажигласан шиг, тус тусдаа хааяа бодолд умбасан шиг, шинээр дуу сурч караокэдсэн шиг явсан. гуравхан өдөрт жилийн дөрвөн улиралыг нэг дор бараг үзчих шиг болсоон. бороо, цас, нар, салхи бүгдтэй нь хамтдаа аялсан...
нээрээ невада-гийн халуун цөл нутгаар явахдаа нэг сайн айж авсан хэхэ нөгөө ойр ойрхон таарах бинзен зогсоол улам холдоод л. нэг удаа юу юугүй бинзен дуусаад, машины хамаг анхааруулах дохио нь анивчаад яваад л байсан, яваад л байсан, бараг л зогсохнээ, за ингээд балардаг юм байж энэ тэр гээд зүрх дэлсэж явтал яг нүдний урд бинзен авах зогсоол үлгэрийн юм шиг гэнэт харагдаж энэ тэр, гүй ээ ямар их баярлаваа...

за тэгээд орой 9 гээд усыг нь ууж яваа сайхан хотдоо сүнгэнэтэл орж ирж хамгийн түрүүнд хаашаа очсон байхнуу, гайгүй хоолны газар бараадсан байх нь, шөлтэй устай хоол идэж ядаргаагаа тайлсан байх нь :) 3 өдөр нээрээ дан Burger King, McDonalds, Wendy's энэ тэрээр хооллож явсан, хэдхэн өдөрт нэг жилд идэх жаанкфүүднийхээ лимитыг хэтрүүлж пологтоод балрах шахсан, угаасаа өөр сонголт байхгүйн билээ, уучлаарай ухаарлаа, америкийн хөдөө гэдэг чинь түргэн хоолны газруудын төрсөн нутаг юм билээ :)

тэгээд орой хариад нам унтсан уу? гүй ээ, ганган дээрээ тавиад хаашаа явсан байхнуу, кастро орж багаараа шоудсан байх нь, амжилтаа тэмдэглэсэн байх нь :)

зам зуур авсан ганц нэг зургаа нэмээд ийнхүү тэмдэглэлээ өндөрлөе (томруулж үзэх боломжтой)...

дайрч өнгөрсөн мужууд:

Illinois
Iowa
Nebraska
Colorado
Wyoming
Utah
Nevada
California

Roadtrip - хмм амтанд нь орохыг шахав,

дахиад өөр маршрутаар америкийн хөдөөгүүр аялах санаа байгаа,

санаа байхад хүсэл нэг өдөр л биелэнэ дээ, тиймээ :)...

Contracorriente...

2011-10-17T04:19:00.003+08:00

Миний очиж үзэх ёстой гэж боддог улсуудын жагсаалтыг тэргүүлэгч нь Пэрү, энэ киног үзээд тийшээ явах хүсэл улам бадран асав :)

Undertow (2009 Peru)

Пэрү-гийн нэгэн жижигхэн загасчдын тосгонд киноны үйл явдал өрнөнө. Халамжтай сайн эхнэртэй, анхны хүүхдээ хоног тоолон хүлээн суугаа Мигуэл хэмээх загасчин залуу уг тосгонд зуныг өнгөрөөж буй зураач Сантиаго-той учирч, өөрийн мэдэлгүй түүнд дурлана. Гал халуун хайр дурлалаа нууж ядан айх тэрээр тэгширч яваа сайхан амьдралаа, гэр бүлээ сонгох уу эсвэл ер бусын мэдрэмж дүүрэн шинэхэн дурлалаа сонгох уу гэж эргэлзэн гайхна. Сантиаго-гийн зуурдын үхэл кинонд содон эргэлтийг авчирна. Сүнс хий үзэгдэл энэ тэрд нэг их сүжигтэй ханддаггүй миний хувьд энэ киноны ерөнхий шийдэл, дүр зураг үнэхээр содон байж, үзээд өнгөрөх биш бас бус олон зүйлийг бодож амжив. Өөрийгөө олж таниж мэдэх, өөрийгөө хүлээн зөвшөөрөх, өөрөөрөө байж сурах гэсэн танил зүйлс киноноос нэвт шувт ханхална, гол дүрийн залуугийн шийдэл үзэхэд хэцүү хирнээ нууцхан баяр төрүүлнэ :) Зураглалын хувьд гайхамшигтай сайхан дүрс дүүрэн байлаа, гайхалтай хөгжим тэрхүү зураглалыг амь оруулж чадлаа, бас гол дүрийн гурван жүжигчидийн жүжиглэлт таалагдав, өөр өөрийн дүрээ өвөрмөцөөр гаргаж чадсан, бравооо :) Кино үзэж суухдаа огт мэдэхгүй орон, содон соёл заншилыг олж хараад гайхах, хүндлэх сэтгэл төрдөг дөө, жижигхэн юм шиг хирнээ өөрийн орны соёл заншилаа уран бүтээлдээ шингээж өгөх нь киног улам гоё чимж өгдөг юм шиг санагддаг юм. жишээ нь: энэ кинон дээр гарч буй оршуулгын зан үйл миний хувьд үзэхэд их сонирхолтой байлаа, нэгхэн дэлхийд амьдарч байгаа хирнээ улс үндэстэн ястан бүр нэг ижил зүйлийг өөр өөр өнцгөөс харж, итгэл үнэмшлийн дагуу ялгаатай хийж чадаж байгаа нь гайхалтай...

Сайхан хайр байдаг, олдвол бүү алдаарай гэдэг дээ, нэг тийм гэгэлзүүлсэн сайхан хайрын тухай гоё кино байлаа, үзүүштэй :)

Official site >>> Undertow

Аян замын тэмдэглэл - 1

2011-10-16T06:32:00.014+08:00

Чикаго хотын шөнийн амьдрал...

Хоёрхон өдөр энэ хотод тухалсан ч гэлээ үзэх ёстой гэж бодсон газруудаа үзсээн үзсэн :) Чикаго луу нисэхийн өмнөх шөнө нь унтаж амжаагүй, онгоцонд хальтхан дуг хийж аваад хүрэх газраа хүрсэн. Буунгуутаа нөгөө их хүрээд байсан нойр энэ тэр сураггүй алга болоод шууд гол ажилдаа орсон, "гол ажил" нь амрах, зугаалах, юм үзэх... гэснээс дан ийм "гол ажил" хийгээд л амьдардаг бол гоёоо тэ ккк :) тэгээд л хотын төвөөр нь алхаад л гудамж талбай, хүн ардыг нь сонжоод л зураг хөрөг дарж хэсэг явсаан явсан, сайхан тайван хот байна лээ. Чикаго хот - Америкийн зүрхэн хэсэгт орших Иллинойс мужын хамгийн том хот бөгөөд 2.7 сая хүн амын тоогоороо улсдаа Нью Йорк, Лос Анжэлэс -ийн араас 3-т ордог томоохон хот юм билээ. Урлаг соёлын томоохон олон газрууд байрладаг, үзэж харах юм ихтэй тэр талаараа дажгүй хот юм шиг байгаан, очоод бид нар музеи энэ тэр үзээгүй ээ, цаг байгаагүй цаг ч гаргаагүй. харин бар савыг нь чөлөөт цагаараа, оройдоо нилээд үзэж судлав ш д :) намайг тосч авсан хөтөч хийж явсан залуу лав энэ талаар гаргууд сайн судалгаа хийсэн байсан, тэр мэдлэг нь их тус болсоон болсон:) за тэгээд муу хүн юм чинь яахуу идэж ууснаа жаахан бичдиймүү :)...

очсон оройгоо Boystown гээд сүртэй нэртэй ангийн хэсэг рүү очиж хоол идчихээд, тэр хавьд бөөгнөрөн байрласан бар/клубуудаар явав. за амьдралдаа анх удаа стриптийз бар-нд орж үзэв нүд тайлахыг шахав, гүй ээ нүд тайлах ч гэж дээ яг үнэндээ ичсээр байгаад таарсаан хаха яагаад ч тэгээд ичээд байдгийн, бүүр утгаа алддийн билээ, бантаал :) би ч багын ичимхий бантамхай хүүхэд байсан юм, одоо нүүр хагараад гайгүй том болчихсон гэж бодоод яваад байсан, биш юм билээ, өөртөө итгэлтгүйн билээ гээд үү :) нүцгэн залуу яг нүдний урд янз бүр болоод байхаар чинь нүд сандраад ичээл өөр тийшээ шаал хамаагүй юмнууд луу бэлчээд, бантсандаа тэгээл аягүй идэвхитэй уулаа, юу юу ч уучлаа даа :) нээрээ стриптийз бар-ыг чинь аягүй утга учиртай барьж хийдэг юм шиг билээ, оронгуут нэг тийм улаандуу эвгүй хүсэл энэ тэр төрүүлмээр гэрэлтүүлэг угтаад л шууд үүүүүүүүүү ёондроо болоод явчихаж байгаан, ажаад байхнээ их сонин ертөнц юм билээ. өрөөний голд жижиг тайз засаад, тэр тайзаа тойруулаад суудлууд тэйкнүүд байрлуулчихсан, хамт яваа хүмүүстэйгээ бөөгнөрч суух боломжгүй, шууд л тайзаа ширтээд юм уух зориулалттай, тэр нь надаа яагаад ч юм нэг л эвгүй байсаан, хамт явсан журмын нөхдөө хань татах гэтэл нөгөөдүүл маань лаг юм үзээд завгүй суугаад байдаг, утгаа жаахан алдах хэхэ. 10-15 мин болоод л бүжигчид нь солигдоод байдаг юм билээ, бүжигчид нь харц тулгарсан хүндээ зориулаад бүжиглээд л, нөгөө хүн нь мөнгө энд тэнд нь хавчуулаад л далиманд нь хальтхан илж таалаад л... ер нь нэг бодлын муу муухай юм тэнд алгаа, хэн хэн нь хаппи, хүссэн юмаа аваад байх шиг... нөгөө бодлын нэг тийм аймаар ч газар юм шиг, бар-нд цугларсан хүмүүс нэг тийм сүрэг араатан/чоно ч юм шиг... хөөрхиий тайзнаа бүжиглэх хонийг нүдээрээ хоргоогоод л, бүгд л яг үнэндээ идчих санаатай шүлсээ залгиж суугаа ч юм шиг, аймаар...
хөөрхий сэкси шалдан хонь гээд үү :)

өөр өнцгөөс нь харвал эсрэгээрээ, хүн "хамгийн дотоод юм"аа гаргадаг дотно газар ч юм шиг, амьдрал дээр ер нь дажгүй сэкси хүнтэй сээтэгнээд суух боломж хир олон гардаг билээ дээ? гунхсан сайхан нь намайг тоохгүй, гутлаа чирсэнийг нь би тоохгүй гэдэг "инээдтэй юм" яваад л даа :) энд тэндгүй хайраа хайсан дүртэй хирнээ нэг нэгнээ гадаад арьсханаар нь дүгнээд дотроо бөөгнөрөх гунигаа дор бүрнээ инээмсэглэлээр халхлан алхах хүмүүс хир их байдаг билээ дээ? тэгвэл энэ бүхнийг гэртээ орхиод нээх тайван нэг ийм чөлөөтэй газар сайхны өмнө харцаа буруутгалгүй өдөр тутмын амьдралаасаа авч чаддаггүй кайф авахыг/ хал балгүй харцны дотносолд өртөхийг буруутгах аргагүй мэт, мөн үү :)

за нэг иймэрхүү байдалтайгаар далд юм шиг хирнээ ил оршдог сонин ертөнцөөр хальтхан аялаж үзсэн, нүүр хагарах хэрэгтэй юм байна даа гэж өөртөө шивнэсээр дараагийн бар орсон :)

Sidetrack - тэнд танил найз хоёр бүсгүйтэйгээ уулзалдаж хөөрөв, хамтдаа баахан юм ярьж суув. тэгээд өөр бүжиглэх газар хайж хэд хэдэн газраар орсоон, Coctail гээд барны хөгжим таалагдсан, дажгүй хэмнэлтэй хаус хөгжим, нэг л гоё дүнцэт дүнцэтээ ккк тэгээд тэндээс гараад өөр нэг эртний танил найз охинтойгоо уулзалдав (би ер нь бодоод байхнээ охидуудтай их ходий юм шиг байгаан хэхэ хаа ч явсан дандаа хөөрхөн охидуудаар хүрээлүүлчих шахаал явдаг. ер нь би урд насандаа цэцэг байсан юм болов уу :) за тэгээл бүгдээрээ явж шөнө дунд хоол идчихээд дахиад өөр Berlin гэсэн байхаа нэг газар орсон. Berlin - хот болгонд байдаг нэг тийм бөөн лэди гага, мадонна, бэёонсэ энэ тэр явдаг нэг тийм клип дуу муу болсон баар байдаг даа, тийм газар байсан байсан (лондонгын G.A.Y бар, SF-ын Badlands бар гэх мэт яг адилхан дүр зургууд энд тэндгүймаа :) за тэгсгээд удалгүй цаг орой болсонг хэлэх үү, унтаагүй бараг 48 цаг болж байсныг ч хэлэх үү 2 өнгөрөөж салцгаагаад, хариад нам :)

дараагийн өдөр нь босоод нэг шинэ найзтaйгaa уулзалдаж аваад дахиад өдөржин хотоор явсан, 103 давхараас хотыг харж хийморио сэргээж аваад усан онгоцоор хот дундуур хөвөн яваал, бичкээн мини тоглоомын газар очиж тоглосон, гэснээс чикаго орвол тэр тоглоомын газрынх нь гинжин дээр сууж үзээрэй. үнэн гоё хүчтэй эргүүлдэг юм билээ, зөндөө орилж хөөрч ниссэн. орой нь найзын хамаатнуудтай хоол идчээд гялс салсан, бултсан ч гэдэг билүү хэхэ тэгээд мэдээж маршрут - Boystown. бас хэд хэдэн газраад орсоoн. Roscoe's гээд бар -нд л лав нэг дэхэд амьд хөгжимтэй караокэ найт болдог юм билээ, урьдчилаад цаг аваад бэлдчихсэн хүмүүс үүүүү гэтэл дуу дуулж байна лээ, баахан үзэж догдлов ш д, айриш-д лемонс үзээд сууж байдаг санаанд орсон. пиво уунгаа гоё мэддэг дуугаа сонсох, хальт амандаа даган аялах... бас өөр ямар нэртэй байлаа даа (sidetrack?) нэг бар-нд нийтээрээ мэддэг кино/музикалын дууг бөөнөөрөө дуулж бүжиглэх арга хэмжээ болдог юм билээ, манайхан ч нээрээ цоглог юмаа гэтэл авчийлээ ш д хэхэ тэгээд маргааш нь эрт аян замд гарах төлөвлөгөөтэй байсан болохоор багаараа эртхэн харьсан, амарсан...

Чикаго-д өнгөрөөсөн хоёр шөнийн амьдрал иймэрхүү цоглог байлаа, хэмнэл нь таалагдсаан :)

Boystown Холбоос:
The Lucky Horseshoe Lounge - нөгөө ичээдэг стриптийз бар :)
Roscoe's - Live Band Karaoke on Monday :)
Coctail - тэр хавийн хамгийн гоё house music :)
Berlin - лэди гага, мадонна, бэёонсэ-ийн фэнүүдийн цугларалт :)
Sidetrack - намуухан\доргио гэсэн эрс тэрс хосолсон орчин :)

Гэснээс хотоо үзүүлсэн, хамтдаа хөгжилдсөн бүх хөөрхөн бүсгүйчүүддээ баярласан шүү, үүүү:)

Chicago

2011-10-12T16:05:00.006+08:00

Нэг хэвийн амьдралаа хэсэгхэн хугацаанд таслаж холын аялал хийж явж байгаад ирэв шүү. Үүргэвч үүрээд инээд алдсаар дасал болсон хотоо орхиж ниссэнээр адал явдлын аялал эхлэв, гэснээс онгоцны цонхоор үүлс хараад л явах надад ер нь их кайфтай санагдаад байдаг юм, тэр зуур бөөн сэрүүн мөрөөдөлд умбана шүү дээ. сая явахдаа: "үүлэн буудал" гэж байдаг бол мөн сайхнаа тэ гэж байгаад л мөрөөдлөө ш д:) онгоц нисч явснаа бөөн үүлэн дунд орших зогсоол дээр ирж зогсоод л бүх зорчигчид гарч биеийн чилээгээ гаргаж үүлэн дээгүүр гүйлдээд л, тэгсэнээ тэндээ лаг цай цүүгээ уугаад л суудаг, суугаа үүлээ ярж доогуур юу болж байна гээд хардаг, тэгээд л завсарлага дуусаад цаашаа нислэгээ үргэлжлүүлдэг бол тэ? гоё байхгүй юу энд тэндхийн үүлэн дээр сууж үзсэн хүмүүс хоорондоо туршлагаа солилцоод л хүүеээ чикаго-гийн үүл аягүй гоё зөөлөн юм билээ шүү энэ тэр гээд яриа өрнөх байсан байх даа, тиймээ? :)

за тэр яахав, тэгээд аялалын эхний зогсоол болсон Чикаго хотоор аялсан тэмдэглэлээ фото хэлбэрээр оруулья (томруулж үзэх боломжтой). дараа завтай болохоороо дэлгэрэнгүй тэмдэглэл оруулнаа...

тэнгэр баганатсан өндөр барилгуудаар дүүрэн хирнээ налгар тайван хэмнэлтэй уг хот

таалагдсаан :) дахиад очиноо хүлээж суугаарай Чикаго :)

Folsom Street Fair

2011-10-02T07:04:00.005+08:00

Фолсом хэмээх нэгэн гудамж Сан-франциско хотноо бий, хальт харвал онцгойроод байх юмгүй жирийн л нэгэн гудамж. гэвч ухаад мөлжөөд үзвээс сонин сонин юм их гарч ирэх юм шиг байгаан. дажгүй бар ресторанаас гадна, янз бүрийн сэкс клуб, саун энэ тэр гээд олон зүйлс холилдон оршдог хотынхоо бас нэгэн сонирхолтой цэг бөлгөө :) жил бүрийн намар энэ гудамжны нэрээр нэрлэгдсэн томоохон баяр/ арга хэмжээ болдог юм байна, энэ жилийн баяр наадамд нь аппаратаа үүрээд л хэрэгт дурлаад л очлоо, за юун наадам, цагаан сар, парад энэ тэр вэ, юу гэж ч тайлбарламаар юм бэ дээ ямартай ч нилээд хүнд гарын арга хэмжээ санагдсан. их ч зүйл үзлээ, ангайлаа, айлаа, цочлоо, инээлээ, баяслаа :) сексийн эрх чөлөөний баяр гэвэл зүгээр ч юм уу, нэг тийм чөлөөтэй уур амьсгалтай үйл ажиллагаа юм билээ, за тэгээд зодож занчих, хүлэх боох энэ тэрээс авхуулаад нэрийг нь ч мэдэхгүй олон л юмс гэгээн цагаан өдөр гудамжинд өрнөж байна лээ, зөвхөн манай ангийн нөхдүүд биш бүх л хүмүүс эрх чөлөөтэйгөөр өөрийн дур хүслийн эрх чөлөөгөө эдлэж баярлаж бахархаж нэг өдрийг өнгөрөөж байгаа нь таалагдсан...

энэ үеээр дарсан хэдэн зургууд (томруулж үзэх боломжтой) :

за сэкшуал тай-чи ч гэмээр юм уу нэг ийм бясалгал маркын юм таалагдсан, хүн бүр тус тусдаа өөр өөрийн дотоод ертөнцдөө умбаал, намуухан хөгжмийн хэмнэлээр алгуурханаар хөдлөөл, нэг нэгэнтэйгээ аажмаар нэгдээл, салаад л... үзэхэд их сонирхолтой байлаа :)

Хальтхан харвал Банкси-гийн бүтээлийг санагдуулам содон гудамжны чимэглэл, зураг энэ тэнд мэр сэр харагдана лээ. фолсом угаасаа аягүй күүл гудамж юм билээ :)

Сан-францкогын сүм хийдийнхэн иймэрхүү уриалга, ухуулга хийж залуучуудыг эгнээндээ нэгдэхийг уриалж байгаа харагдсан :)

Порно киноны одод фэнүүдтэйгээ уулзаж, гар хөлийн үсэгтэй киногоо борлуулаад л :)

баяр нэг иймэрхүү хөл хөдөлгөөнтэй сайхан болж өнгөрсөн, дараа жил энэ хотод байж таарвал найзуудаа дагуулаад олуулаа очиж хөгжилдөх юм шүү гэж бодсоор би буцсан :)

Уг арга хэмжээний албан ёсны сайт энд

Man on the street

2011-09-29T13:55:00.008+08:00

Bill Cunningham New York ( 2010 USA)

саяхан үзсэн нэг гоё баримтат киног оруулахгүй бол болохгүйм шиг санагдаад байх юм :)

"The New York Times" сонин-д "On the street" болон "Evening Hours" гэсэн хоёр фото мэдээллийн буланг хөтлөн явуулдаг Bill Cunningham хэмээх маш сонирхолтой хүний ажил амьдрал болон түүний эргэн тойрныг эвтэйхэн гэгч нь харуулсан уг киног үзэж дуусаад яагаад ч юм дотор сонин болчихсон. гайхалтай уран бүтээлчийг танилцуулан гаргасан гоё кино байлаа... тэрээр одоо нас сүүдэр 82 хүрч яваа боловч хаанаас нь гардаг юм бэ гэж гайхмаар бөөн эерэг энерги цацруулсаар NY-ын гудамжинд зогсоод л зургаа дарж байгаа гэж бодохоор хурдхан шиг NY явмаар санагдав:)

-сурв: та романтик хайр дурлалтай учирч үзсэн үү?
-билл: үзээгүй ээ, огт үзээгүй
-сурв: үздэг байж дээ гэж харамсдаг уу?
-билл: үгүй ээ, харамсдаггүй
гэх мэт хэт дотоод амьдрал руу нь өнгийсөн асуултууд бүхий хэсэг нь үзэхэд үнэн хүнд санагдсан, хэцүү асуултанд бүдчин суугаа өвөөг өрөвдөх шиг бас гайхах шиг :)

Өөрийнхөө бүхий л амьдрал, цаг заваа ажилдаа зориулсан түүний хувийн амьдрал, тэр хэдэн банзан дээр унтах энгийн амьдралыг нь хараад өрөвдөх сэтгэл төрсөн боловч тэр их эрч хүч, цог золбоо хамгийн гол нь өөрийнхөө дуртай юмаа хийгээд хэнд ч захирагдахгүй яг л тэнгэрт дүүлэх шувуу шиг амьдарч чадаж байгааг нь олж хараад аягүй их бахархав, ийм хүн бидний дунд олон байгаасай гэж хүсэмжлэв. энэ киног үзээд энэ "ховорхон" хүний амьдралтай танилцаад би лав цаашаа явах, хүссэнээрээ л амьдрах урам зориг олж авсаан :) тэгээд бас гудамжинд хааяа тааралддаг этгээд гэсэн тодотгол бүхий сонин содон хувцасладаг хүмүүсийн талаар ойлголт өөрчлөгдөж, тэр хүмүүсээр бас бахархав. тэр сонин содон дүр төрх бүхий хүмүүсгүйгээр хот хичнээн уйтгартай байх байсан бол?
бас хэнээс ч ичиж айлгүйгээр өөрийнхөөрөө хувцаслаж, өмссөн хувцасаараа тэдэн шиг өөрийгөө илэрхийлж сурах юмсаан гэж бодогдсон. их гоё, сэтгэл хөдөлгөсөн энгийн баримтат кино байлаа, үнэхээр үзүүштэй :)

ажил дээрээ

гэртээ, орон дээрээ :)

сонин содон малгайгаараа алдартай гар

хаанахын билээ нэг дипломатч, аягүй сонин стиллтэй

лаг цоглог эмээ, үнэн стайлиш

түүний хөтөлж явуулдаг "On the street" булан энд

киноны албан ёсны сайт энд

намар уу, зун уу?

2011-09-28T17:14:00.003+08:00

уул нь том том навчис гудамжаар нэг хөглөрөөд аль хэдийнэ намар цаг болчихсон доо, гэвч энд ойрд дан +25 аас дээш хэм хүрч халаад нимгэн нүцгэн алхаад л юу юугүй л зун цаг мэдрэгдэх юм. энэ бүхэнд толгой эргээд энэ чинь намар билүү зун билүү гэж бодмоор, гадаадын намар тэр тусмаа сан-францискогын намар гэж аягүй сонин юмаа хэхэ монголд өдийд аль хэдийнэ сэрүү ороод, модод шарлачихсан, цас бага сага орчихсон жинхэнэ "ориг намар" болж байгаа байх даа, гоё :) ажиглаад байхнээ эндхийн зун, өвөл, хавар нь бол хоорондоо айхтар том ялгаагүй ерөнхийдөө бол нийтлэг намар шиг дүр төрхтэй, харин намар нь зун шиг ааш араншинтай юм шиг байгаан :)

ойрд миний амьдралын хэм хэмнэл асар хурдан байгааг хэлэх үү, өдөр хоногуудын хурдыг гүйцэж, амьсгаа авах завгүй л явна доо, нэг мэдэхэд л нэг дэх өдөр болчихсон за дахиад нэг шинэ долоо хоног гэчихсэн гүйж явах юм, тэгээд л эргэж байгаа хүрд шиг л ижилхэн өдрүүд ар араасаа эргээд давтагдаад л, ер нь тэгээд нэг мэдэхнээ юу юугүй шинэ он гарчихсан Лондонд олимп үзчихсэн сууж байх юм биш биз дээ гэж мөрөөдөөд байхгүй юу :) эсвэл NY-д эрх чөлөөний хөшөөг харчихсан зогсож байх, үгүй бол Монголдоо эргээд оччихсон хөвсгөл далайн хөвөөнд зураг дарчихсан сууж байх ч юм билүү, яг нэг жилийн дараа хаана юу хийж байх нь одоогоор тодорхойгүй л байна шүү, тэгэхээр олон хувилбараар ингээд мөрөөдөөд сууж байхаас, аль нэг нь биелэх биз :)

Лондон гэснээс эртний танилтайгаа саяхан энд уулзалдав, уулзаагүй нилээд хэдэн жил болчихсон болохоор эргээд уулзах сайхан байлаа, тэр тусмаа шаал өөр хотод :) Найз гэж ер нь бол уул шугамандаа би түүний багш юмаа хэхэ Лондонд амьдардаг байхдаа Монгол судлаач энэ франц залууд монгол хэлний ярианы хичээл заадаг байж билээ, хоёулаа нэг кофе шоп-д эсвэл тэдний гал зуухны өрөөнд суучихсан
- талх авах хэрэгтэй байна, хүнсний дэлгүүр хаана вэ?
- чигээрээ яваад гудамжны өнцөгт нэг жижиг дэлгүүр байгаа>>> энэ тэр гээд баахан юм Монголоор яриад суудаг байж. сая уулзаад энэ тухайгаа яриад хөгжилдөх шив, энэ шавь бид хоёр их олон газар уулзалдаж байнаа, тэр зэрэг хамгаалах гээд монголд амьдарч байхад нь бас нийлж УБ-гаар хэсэг цуг тэнэсэн дээ, тэгсэн тэр ханиа дагуулаад дараа жилээс энд бүр мөсөн нүүж ирэх гээд бэлтгэл ажлаа хийж яваа юм билээ, дахиад нэг хотод амьдрах нь байна шүү дээ гээд л байна лээ хөөрхөн, гэвчиг жилийн дараа гэхэд би энд байх юм бол уу даа гэж дотроо гайхаж бодоод байнаа бас, ер нь бол шаал өөр газар гайхчихсан сууж байж магадгүй л хүн шүү дээ, магадгүй гэж ер нь орчингоо солиод тэгж гайхсан шиг суумаар л байна шүү дээ, бурхаан сонсож байна уу хө, нэг юм зохиогоорой доо :)

Ирэх цаг гэдэг бол би, өөр юу ч биш...

2011-09-21T03:41:00.001+08:00

Маргааш гэдэг бол би, өөр юу ч биш

Би хааяа ингэж боддог

Газар шагайж, ганцаараа ярьж

Маргаашийн тухай эргэцүүлж

Манан будан дунд сууж байдаг

Манан будан шиг юм сууж байдаг...

...Ирэх цаг гэдэг бол би, өөр юу ч биш

Ингэж бодохоор нэг л сайхан байдаг.

(Б.Эрдэнэсолонго)

кино, кино, кино бас дахин кино...

2011-09-18T03:41:00.015+08:00

Little White Lies (2010 France)

франц кинонд дуртай хүмүүст санал болгох кино, гайгүй мэддэг болчихсон жүжигчид тоглосон болохоор нь идэвхитэй гэгч нь үзэв, хөөрхөн хэд хэдэн хэсэгтэй дажгүй кино байлаа, гэхдээ нээх воов бишээ, зүгээр л дажгүй шүү кккэ ялгаа байгаа шүү :)

гучин хэдтэй хэсэг найзуудын нэг нь авто осолд орон ухаангүй байгаагаар кино эхлэнэ, эмнэлэгт хэсэг хугацааг өнгөрөөсний дараа тэд найзуудаараа нэгнийхээ далайн эргийн байшинд амрахаар ирнэ, яг тэгж ирэхээс өмнө гол дүрийн эхнэр хүүхэдтэй залуу нэг найздаа өөрийн нууцаа дэлгэнэ, кино ийнхүү үргэлжлэнэ, тэр нууцаа задалдаг хэсэг дээр нь инээд хүрээд л хэхэ гэснээс киноны дуунууд нь таалагдсан. хөгжилтэй хирнээ хөнгөн гуниг төрүүлмээр кино үзүүштэй :)

Into the wild (2007 USA)

Sean Penn-г мундаг жүжигчингээс гадна сайн найруулагч/зохиолч гэдгийг энэ киноноос мэдэж авав шүү, нилээд алдартай номноос/нэг залуугын бодит амьдралаас сэдэвлэн хийгдсэн уг киног юу гэж тайлбарламаар юм бэ дээ. өөрийн эд хөрөнгө найз нөхөд гэр бүлийнхэн гээд хүний амьдралыг цогцлоогч бүх зүйлсийг хөсөр хаяад, хэдэн зуун мянган жилийн өмнө хүн байгальтай ойрхон хэрхэн аж төрж байсантай адилханаар амьдралаа эхлэж буй залуугын сонирхолтой хирнээ гунигт түүх гэвэл зүгээр ч юм уу. буу, шүдэнзнээс өөр зүйлгүйгээр бүүр хээр амьдарч байна гээд төсөөлөөд үз дээ, өөрийнхөө бүх өв хөрөнгийг өнчин хүүхдүүдийн төлөө хандивлачихаад аар саархан жимс жараахайгаар хооллож байна гээд боддоо, сонин сонсогдож байгааз?

энэ киног үзээд үүүүүүүүү гээд гайхахын хажуугаар янз бүрийн зүйл бодох ч шиг :) залуу хүн бүр нэг үзчихмээр дажгүй кино байлаа гэж :)

Of Gods and Men (2011 France)

нилээд удаан хэмнэлтэй хирнээ өвөрмөц кино болсон санагдсан, алжирын нэгэн бөглүү тосгонд амьдрах санваартан хүмүүсийн амьдрал, алан хядлагын эсрэг хэцүү цагт биесээ түшээд зогсож чадах тэдний эв санаа болон дайн дажин энх амгалан 2 зөрчилдөх цэгийг харуулсан сонирхолтой кино (энтэртэйнмэнт чиглэлийн адал явдалтай хурдан хэмнэлтэй кино үздэг хүмүүст бол санал болголтгүй кино :) Уг киноны зураглалаас гадна хөгжим, дууны монтаж нь их өвөрмөц санагдсан. тэр хэдэн санваартаны мөргөл дуулалыг тэр чигээр нь хөгжимгүй оруулчихсөн хэсгүүд ихтэй, ямарч хөгжимгүй шахуу зүгээр тэр мөргөл дуу л киног чимэх жишээтэй, манайхаар бол лам нар ном хурж байгааг харуулж байгаа юм шиг хийчихсэн, тэр дунд нэг удаа хөгжим явсан нь хунт нуурын хөгжим сонсож буй хэсэг, хөөрхөн санагдсан, сэтгэл ч хөдлөв, үзүүштэй :)

Before Night Falls (2001 USA)

Кубын нэгэн зохиолчын амьдралыг маш сонирхолтойгоор харуулсан кино, Javier Bardem агаа нээрээ балай авч байна лээ, ядаж байхад ангийн дүр бүтээж байгааг хэлэх үү надад үзэхэд их сонирхолтой байлаа, нэг хүний амьдралыг харуулаад байгаам шиг хирнээ тэр үеийн кубын нийгмийн байдал, давхарга, үймээн самууныг үзүүлээд л хийц нь таалагдсан, жонни дэпп агаа нээрээ эсрэг тэсрэг 2 дүр бүтээсэн байна лээ, үзүүштэй гоё кино :)

Never Let Me Go (2010 UK)

Kazuo Ishiguro-ийн Never Let Me Go гээд ном гараад хэсэг шуугиулж байсан даа, тэгвэл Norwegian Wood-тай адилхан бас кино болчихсон тууж явах юм :) үүү за гэж байгаад л үзнэ биз дээ кккэ уг номыг Norwegian Wood шиг сайн мэдэхгүй ч хальт уншиж явсан болохоор энэ киног үзэхэд бас л дотно санагдлаа. Халишэм гэсэн содон нэртэй дотуур байр бүхий сургуульд сурдаг гурван найз өөрсдийнхөө тухай гашуун үнэнийг, энэ хорвоод ямар зорилготой ирснээ мэдэж гайхахын сацуу өсвөр насны гэнэн дурсамжууд, анхны гэсэн тодотгол бүхий гоё мэдрэмжүүд дунд толгой эргэн яваагаар киноны үйл явдал өрнөнө...

удаан хэмнэлтэй, жаахан дэппрэссинг маркын зураглалуудтай киноны стилл нь уг түүх, зохиолын утга санаатай уялдаж сайн зохицож чадсан санагдсан. Carey Mulligan, Keira Knightley, Andrew Garfield гэсэн залуу жүжигчид дүрүүдээ тус тусдаа гоё гаргасан байна лээ. өвөрмөц зохиол бүхий дажгүй кино шүү, үзүүштэй.

Tree of Life (2011 USA)

за энэ их сонин кино доо, үзэж гарч ирчээд юу билээ гээд л хэсэг бодоод/гайхаад байсан юм даг. зүгээр нэг эхлэл, өрнөл, төгсгөлтэй жирийн кино бол явчиг биш, харин ч абстракт кино гээд нэрлэчихвэл зохих ч юм шиг санагдсан. абстракт зураг хараад юу гэж ойлгохоо мэдэхгүй, за энэ нь энэ юм бишүү, иймэрхүү л утгатайн байна гээд өөрийнхөөрөө бодоол ойлгодог доо :) тийм юманд л бэлэн байж энэ киног үзээрэй дээ гээд сүржигнэе :)

уг кинонд 1950-аад оны Америкийн нэгэн гэр бүлийн тухай түүхийг өгүүлнэ. Гол дүрийн залуу эргэн хүүхэд насны дурсамж руугаа өнгийн, болж өнгөрсөн зүйлсийн учрыг олох гэж чармайх, тэр хирээрээ цааш хазайж хүний амьдралын эхлэл гэж явснаа бүүр гүнзгийрч энэ дэлхийн эхлэл гэж юу вэ гээд явчихаж байгаа юм. за зураглалын хувьд одоо яаж магтахаа мэдэхгүймаа, пэээээ энэ одоо яаж авахаар ингэж гоё зураг авдийн бол гээд бодмоор кадрууд пиг дүүрэн, нүдийг бол баясгаад хангаад дээр нь тэр зураглалуудыг холбоод дүрсээр шүлэг бичих гэдэг чинь энэ дээ гэж байгаам шиг гоё хийсэн байна лээ. энд олон хүн уг киног дуусгалгүй гарч явж уурлаж, билетний мөнгөө нэхсэн гээд шуугиан тарьж байсан, сүүлд кинотеатруудад санамж гаргасан байсан хэхэ энэ жирийн үйл явдалтай кино биш шүү, яг үзнэ гээд үзэж байгаа биз дээ хө? дараа нь уурлаад мөнгөө нэхээд байваа гэсэн шүү маркын хэхэ, иймэрхүү л кино шүү, киног серёозны авч үздэг хэсэг бүлэг хүмүүст санал болгох шинэлэг кино байлаа гэж :) үзүүштэй

Midnight in Paris (2011 USA)

анх энэ киноны тухай дуулдаад л, сургаар нь үзэх апетит гүй ээ мөн хөдөлж билээ, ванг гог-ын старри найтаар киноны плакатаа ийм донжтой хийчдэг үүүүүүүү за гээд л хүлээж сууж байгаад бараг кино нээгдсэн өдөр нь оочерлон/ шахцалдан байж үзэж санаа амарсан :) Woody Allen агаа зохиолоо их ёжтой бичсэн нь таалагдсан, зүгээр нэг инээдмийн кино биш, ухаантай инээдмийн кино гэхийм уу :) 1920 оны Парис гэж нээрээ ёстой буцалж байсан халуухан үе байсан юм шиг байгаан, тэр бүх алдар цуутай гаж юм шиг хирнээ нуль авьяас нөхдүүд бие биенээсээ эрч хүч аваад л улам асаж байсан оргил үе - энэ киног үзээд тэр гол дүрийн баатар шиг бас шөнө дунд сүйх тэргэнд суугаад өнгөрсөн лүү явчихмаар санагдаад, хэсэгтээ орондоо ороод ингэж мөрөөдлөө шүү дээ. зураглал тасархай, зохиол хөөрхөн, жүжигчид гоё - найрлага таарсан кино шүү, олон юм нуршилгүй үзүүштэй гээд рекламдаад өнгөрчие. гэснээс энэ кинонд хальт гардаг Gertrude Stein гэж хүн миний анхаарлыг татаад байдаг юм, их сонирхолтой мэдрэмж сайтай хүн байсан юм шиг байгаан, Stein-ий гэр бүлийнхэн орчин үеийн урлагийн хөгжилд асар чухал үүрэг гүйцэтгэсэн гэдэг нь тодорхой, тэдний ийм сонирхолтой гэр бүлийн амьдралаар кино хийвэл гайгүй кино гарах байх даа гэж бодоол байдийн, хэн нэг нь хурдан тийм кино хийчээсэй гээд үү :)
за үзүүштэй хөөрхөн кино шүү

All men fear death. It's a natural fear that consumes us all. We fear death because we feel that we haven't loved well enough or loved at all, which ultimately are one and the same. However, when you make love with a truly great woman, one that deserves the utmost respect in this world and one that makes you feel truly powerful, that fear of death completely disappears. Because when you are sharing your body and heart with a great woman the world fades away. You two are the only ones in the entire universe. You conquer what most lesser men have never conquered before, you have conquered a great woman's heart, the most vulnerable thing she can offer to another. Death no longer lingers in the mind. Fear no longer clouds your heart. Only passion for living, and for loving, become your sole reality. This is no easy task for it takes insurmountable courage. But remember this, for that moment when you are making love with a woman of true greatness you will feel immortal.
(Ernest Hemingway-н нэг ийм хөөрхөн ишлэл кинонд тууж явах юм)

сингл амьдрал минь үүрд баяртай...

2011-09-16T17:17:00.008+08:00

сингл амьдрал минь үүрд баяртай гэж хэлэх өдөр ирдэг юм байна шүү. нээх сайхан нартай намрын шаргал өдөр би хуримаа нижгэр гэгч нь хийчихлээ дээ. "надад хайртай, намайг харж явдаг хөөрхөн залуусаа" ёстой сов сорри шүү, цагаан морьтой лаг баатар эр гэнэт гарч ирээд яах ийхийн зуургүй намайг шүүрээд давхичихлаа, иймэрхүү юм хүлээж суусан юм шиг би гайхаж сандарсангүй, цайныхаа костьюмыг зам зуураа авч өмсөөд л сундалдаж давхисаар эндхийн ситихолл ороод бүртгүүлээд "ай дү" гээд аймаар чанга хэлчихлээ гэвэл яах уу?

за за тоглосиймоо энэ бол миний дотор орших нэгэн мангар хүүхдийн гэнэн мөрөөдөл байлаа гэж :)

саяхан нэг жижигхэн хирнээ ийм хөөрхөөн хуриманд очиж "хоёр хүн" нэгдэн "гэр бүл" болсноо олонд зарлахыг харлаа, гэрч боллоо, сэтгэл их хөдөлсөөн, хурим гэж гоё ёслол юм даа гэж бодоод л тэрүүхэндээ сонин болоод л зогсов, би багаасаа өөрийгөө яагаад эрэгтэй хүүхдэд татагдаад байгааг ойлгохгүй гайхаад л би яг нөгөө "гаж" юм байна л даа, ямар азгүйн бэ гэж гутарч бодож байсан болохоор хэзээ ч том болоод тэгэж ингэж хурим хийнэ гэж бодож/мөрөөдөж байгаагүй ээ, харин бүүр жоохондоо/3тайдаа "би том болоод тарган шар орос авгайтай болно" гэж хэлж гэрийнхэнийгээ инээлгэдэг байсан гэдэг хэхэ тарган шар нь ч юув дээ тэ :) гуравтайдаа хэлсэн зүйл том болсон хойно нь биелдэг бол ёстой балрахгүй юу хэхэ тийм бол өдийд би нээх тарган орос авгайтай болчихсон хамт огурци идчихсэн сууж байх нь байна шүү дээ :)

харин амьдралдаа "ганцхан" удаа нэг хүнд "хоёулаа хуримаа хийе" гэж тоглоом шоглоомоор хэлж үзсэн ш д, болдог бол хиймээр л байна гэсэн хариу сонсоод тухайн үедээ их баярлаж билээ, хэрвээ хоёр эрэгтэй хүн гэрлэж болдог/энэ нь энгийн зүйл байсан бол энэ хүн миний хань болох байж дээ гэж бодоол хурим хийж чадахгүй ч хийчихсэн юм шиг өег санагдаж билээ, тэр л миний "хурим" гэдэг "том зүйл"-д хамгийн ойртож үзсэн нууцхан хирнээ нандин үе байсан юм уу даа, энэ хуримын үеээр тэр санаанд ороод гоё санагдсан :)

цаг цагаараа байхгүй болохоор нэгэн сайхан өдөр хайртай л бол хүйс, бэлгийн чиг баримжаа хамааралгүйгээр хэн хүссэн/ хэн хайраа олсон нь хуримаа хийж амьдралаа холбож болдог эрх тэгш, сайхан цаг хаа сайгүй, тэр тусмаа миний сайхан монгол оронд ирнэ гэдэгт итгэж байна...

за тэгээд хуримын цайллага дуусгаад тэр эрчээрээ явж найзуудаараа жаал шампанскдав, нээх гэгээн цагаан өдрөөр уух чинь тэгжаагаад сонин юм билээ, эвгүй ч юм шиг гоё ч юм шиг :)

Burberry Acoustic...

2011-09-12T03:49:00.014+08:00

би уул нь жоохноосоо аягүй поп чиглэлийн янз бүрийн дуу сонсож өсөж торнисон юм шиг байгаан, тэгээд оюутан болоод амьд хөгжим хальтхан сонирхдог сонсдог болж ирэв, шөнийн галт тэрэг, булсара-гаар хэсэг өвчлөөгүй юу :) англид хэсэг байх хугацаандаа тэндхийн нилээд хамтлагыг сонсож жаахан чих онгойж ирсэнээ тун удалгүй хаяад шууд электро хөгжмийн амтанд ороод дүнцэт дүнцэт гээл хэсэг савсганасаан :) тэгээд монголд хэсэг байх зуураа жаaз, soul маркийн дуу хөгжим хальт сонирхож үзээл саваагүйтсэн, одоо тэгсэн энд ирээд аягүй поп дуунууд сонсдог болчихсон байна лээ (Lady Gaga, Britney Spears, Beyonce энэ тэртэй энд хожуу хойно танилцав ш д) сүүлийн үед классик хөгжим жоохон сонирхож эхлэх гээд ч байх шиг хэхэ ер нь лаг хамелон юм уу хаашаан, гэхдээ бодоод байсан чинь нийлдэг найз нөхдөөс сонсдог хөгжим их хамаардаг юм шигээ, амьд хөгжмийн тал дээр "цагаанаа"тай нийлдэг байхад тийм байж, сүүлд монголд нэг хүүхэдтэй орон дотроо Norah Jones, Frank Sinatra энэ тэр сонсдог болоод, энд болохоор нийлдэг хоёр залуу нуль поп болохоор дагаад л сайхан "ай нийд байд ромайнс" гээд дохилзоод гүйгээд байгаан хэхэ цаашдаа юу болох юм, юу сонсчихсон гүйж явах юм байгаан бүү мэдээ...

Life In Film

Chris Wall

Sam Beeton

Beatles, Blur, Muse, Franz Ferdinand, Radiohead, Coldplay, Oasis гэх мэтээр тоочоод байвал жагсаалт үргэлжлээд л баймаар тийм их мундаг Бритиш хамтлагууд байдаг даа. Тэгэхээр амьд хөгжмийн үүсэл, хөгжлийн хамгийн томоохон төв нь яахын аргагүй Их Британи болж таарч байнаа даа. Тэгвэл Burberry брэнд энэ тал дээр их сүүхээтэй бас санаачлагатай нэг компанит ажил өрнүүлж тэр нуль авьяас болсон залуусыг "шинэ үе" болгон давалгаалуулан олны анхааралд авчирч байгаан байна. Уг брэнд Burberry Acoustic гэсэн нэрийн доор хамгийн юм дуулгаж магадгүй шинэ хамтлаг дуучдыг дэмжин, бүгдийг нь зад гангалж байгаад дуунуудыг нь дүрсжүүлжээ, мэдээж Burberry-г залуус өмсвөл ингэж харагдана ш дээ гээд рекламны паузтайгаар :) уран бүтээлчдийн өмссөн зарим нэг гутал хувцас нь дажгүй харагдана лээ, тэгжаагаад баяжихаараа Burberry орж гангарнаа хэхэ

тэр олон авьяастанууд дундаас өөртөө таалагдсан хэдэн хамтлаг дуучдын дуунаас доор оруулая, дэлгэрэнгүйгээр нь энд орж үзээрэй...

Life in Film: Alleyway

Sam Beeton: My Doll

One Night Only: Chemistry

Misty Miller: Remember

Chris Wall: Posterity

Keane: Somewhere only we know

төгсгөлд нь I HEART London :)

2011-09-09T18:19:00.002+08:00

Би яг л сохор хүн шиг
Амьдралын дотуур тэмтчинэ.
Сохор хүмүүст таяг байдаг.
Харин надад юу ч алга...

(Г.Аюурзана)

Beginners...

2011-09-05T04:46:00.003+08:00

LGBT хүмүүсийн хувьд өөрсдийгөө бүрэн дүүрэн хүлээн зөвшөөрөх гэсэн чухал алхамаас гадна бас гэр бүл, найз нөхөд, ойр дотны хүмүүстээ өөрийгөө хэн гэдгээ хэлэх/ илэрхийлэх гэсэн томоохон даваа эрт ч бай, орой ч бай хэзээ нэгэн цагт тулгардаг. өөрийг нь хайрладаг хүмүүс хэн гэдгийг нь ойлгоод аятайхан хүлээн зөвшөөрчихөөсэй, тэгвэл нуух хаах юмгүй өөрийнхөөрөө гоё амьдрах юмсаан гэсэн түгшүүртэй бодол/хүсэл манай ангийнханы дотор огшоод л байдаг даа. за тэгээд цаана чинь ийм хүсэл мөрөөдлөөр өөрийгөө илчлээд нөгөө хүмүүс нь хүлээж авалгүй эргээд хөөрхийг зовоогоод л "муухай царайлаад алхаж байгаа хүмүүс" ч байна. миний найз өөрөө хаппи байвал бусад нь хамаагүй ш дээ гэсэн гоё хүлээлтэнд балмагданхан өөрийнхөөрөө, нээх сайхан сэтгэл тайван байж, инээмсэглэн алхаж яваа хүмүүс ч байна...

за иймэрхүү эмзэг сэдвийг хөндсөн, хөөрхөн хийц, утга санаа бүхий дажгүй кинонуудыг танилцуулая :)

Beginners (2011 UK/USA)

энэ их хөөрхөн киноооо. 75 насандаа гэй гэдгээ мэдэгдэж шкабнаасаа гарч буй өвөө болон түүний ганц хүүгийн талаархи сонирхолтой түүх. 75 насандаа бүхий л амьдралынхаа туршид нууж хааж явсан халхавчаа авч хаян өвөө бүгдийг шинээр эхлэнэ: анх удаа гэй клуб орж үзэж, найз залуутай болж буй үзнэ, бөөн бөөн догдлол :) өвөөгийн хүү болох тогтсон амьдрал зохиож амжиaгүй яваа залуу аавыгаа хорт хавдараар хорвоог орхин одох гэж буйг мэднэ, бүгдийг шинээр амталж мэдэрч буй аавыгаа харан дотор нь өмрөнө... >>> кино ийнхүү сонирхолтойгоор өрнөнө.

хөгшин залуу нас хүйс хамаагүй бид нар бүгдээрээ амьдралд/ бүх зүйлсд үргэлж "шинэков" (beginners) байдаг, тиймээс тал шиг уужим сэтгэлтэй байж өөр өөрийнхөөрөө амттай амьдарч сурцгаая гэсэн гоё санааг шингээсэн хөөрхөн кино байлаа гэж, үзүүштэй...

киноны нэг хэсэг лаг хөөрхөөн: өвөө анх удаа гэй клуб орж үзчээд аягүй догдолж гэртээ ирнэ, шөнө дунд хүү лүүгээ залгаж сэрээснээ: гүй ээ миний хүү, цаана чинь их гоё хөгжим байдаг юм байнаа, нэг тийм цоглог дүнцэт дүнцэт гээд хэмнэлтэй, энэ юу гээч нь вэ? гээд асууж байгаа хэсэг инээдтэй :) хүү нь лаг нойрмог сонсож байснаа: ааваа наадах чинь хаус музик байгаамаа гэж хариулаад бүүр хөөрхөөн :)

өвөө найз залуутайгаа :)

Gun Hill Road (2011 USA)

Шоронгоос суллагдан гарч ирсэн залуу амьдралаа зөвөөр /гоёоор авч явах гээд чармайна, гэвч түүнийг байхгүйд олон зүйл өөрчлөгджээ: бэйсболл-д дуртай байсан хүү нь хүйсээ солиулахаар шийдэн гормон ууж эхэлжээ, хайртай эхнэр нь өөр нэгэн залуутай амрагийн харилцаатай болжээ. гэй хүмүүсийг үзэн яддаг аав хүүгийнхээ бэлгийн баримжаанд балмагдан сандрана, өөрчлөх гэж/ эр хүн шиг болгох гэж оролдоно... ийнхүү өрнөх бас нэг сонирхолтой кино. багахан төсвөөр хийгдсэн боловч жинтэйхэн санаа/ утга агуулгатай гоё кино болсон санагдсан. киноны дүрүүд их сонирхолтой санагдсан, тэдний үйлдэлүүд миний төсөөлснөөс өөр байж чадаж байсан нь улам сонирхол төрүүлэв. үзүүштэй кино :)

La Mission (2009 USA)

за дахиад нэг хөөрхөн кино :) энд дурдагдсан эдгээр кинонд нэг ижил зүйл бий: аав + хүү = зөрчил гэсэн ерөнхий сэдэв. ер нь амьдралд гарч ирж буй янз бүрийн зүйлс-д эмэгтэй хүмүүс илүү уян хатан хандаж "күүл" байдаг даа, тийм болохоор миний мэдэхээр хүмүүс ихэвчлэн ээждээ, эгч дүүсдээ "каминг аут" хийсэн байдаг, тэгвэл эрэгтэй хүмүүс тэр тусмаа аавуудад өөрийнхөө хүүг гэй гэж мэдэх их хүнд цохилт болдог, хүлээж авахад хэцүү байдаг юм шиг байгаан.
энэ кинонд бас нэгэн хүүдээ хайртай аав гарна, хүүгээ гэй гэдгийг мэдээд шоконд орон хүүгээ гэрээсээ хөөнө... үйл явдал цаашаа сонирхолтойгоор өрнөнө...
миний яг одоо амьдарч буй хотод тэр тусмаа латино хүмүүсийн төвлөрсөн хэсэгт кино зураг авагдсан нь сонирхолтой байлаа, миний өдөр тутам суудаг автобус троллэйбүс энэ тэрээс авхуулаад бөөн танил дүр зургууд :)
за тэгээд олон юм нуршаад яахав, үзүүштэй кино шүү үүүүүүүүүүү.

2011-08-24T16:45:00.000+08:00

Цаг хугацааг би нэг удаа олж үзсэн
Цайр нь муудсан, хуучин толин дотор...
Өөдөөс минь тэр яг л аавын нүдээр харахад нь
Өвдчих шиг болсоон би, өтөлчих шиг болсон

Зүрх зогсохоо шахаж, зовиуртай нэг шархирсан ч
Зүүд шиг тэр бөртөлзсөөр, ширтсээр л байсан
Яг тэгэхэд би гучин нас хүрсэн
Янжуурын утаа шиг сарнихаасаа өмнө
Яасан хачин инээмсэглэсэн гээч, тэр.

(Л.Өлзийтөгс)

товчхон...

2011-08-22T05:29:00.005+08:00

...хичээл номондоо гүйгээд эргээд бөөн завгүй хүн болсон шүү би үүүүүүүүү :)

завгүй байх нь нэг бодлын зүгээр ч юм шиг, элдэв долоон юм бодохгүй, сэтгэл санаа дээш доош гүйж ч амжихгүй :) хань ижил,хайр дурлал энэ тэр гэсэн юмгүй/татлаа түлхээгүй байгаа дээрээ жаахан идэвхитэй юм сураад авах/ амжуулах төлөвлөгөөний дагуу одооноос эхлээд өөрийгөө жоохон зовоодог юм билүү гэж бодоол/ гайхоол :)...

...шинээр нээрээ ийм аппарат авсан, бүүр хуучны ховор аппарат, гого, одоо тэгээд 35 мм жинхэнэ хальсаар зураг авдаг болохнээ, сэтгэл хөдлөөд өрөөндөө аппараттайгаа баахан тоглов :)

...A Single Man киноны саундтрак сд-г олоод авчихсан, дахин дахин сонсоод уярч нус нулимсандаа хутгалдахыг шахаж байнаа, бараг бүх тракууд нь таалагдаж байгаа, би ч хөгжим нээх ойлгодог хүн биш л дээ, гэхдээ л гоё аялгуу бол гоё л байдаг юм байна :) сд-г нь нилээд хэд сонсож уярч байгаад дахиад нэг уг киног үзсэн чинь бүүр гоё байлаа гэж...

...сая амралтаараа хэсэг автсан Mad Men сэриалаас сэдэвлээд "Mad Men Collection" -г Banana Republic гаргасан юм байна, сая онлайнаар уг коллекци-г үзэж жаал шуналаа хөдөлгөлөө. ойрд жараад оны стилл-д автаад миний хувцасны чиг хандлага бол аягүй классик болж байгаа шүү дээ хө, өөрийгөө Don (MadMen--ын гол дүрийн залуу) гээд бодчихсон хүн энд нэг ширхэг байнаа :)

Хайр ер нь заавал байх ёстой юм уу?

2011-08-18T15:47:00.012+08:00

1920-оод оны үед Америкийн сэтгүүлч, зохиолчид ( E. B. White, James Thurber гэх мэт) "Секс ер нь заавал байх ёстой юм уу?" гэж сонин асуулт дэвшүүлж хүмүүсийг гайхшируулж байсан гэдэг. тэгвэл одоо үүнийг эсрэээр нь эргүүлж "холливүүд" биднээс "Хайр ер нь заавал байх ёстой юм уу?" гэж асууж/ дамшиглаж/ толгой эргүүлж эхэлж байх шиг :)

саяхан "Friends With Benefits" шинэ инээдмийн киног явж ганцаараа үзлээ. ер нь бол хөөрхөн кино санагдсан, хэн нэгэнтэй жиг жуг гэсэн шиг инээн хамт үзсэн бол бүүр гоё байхгүй юу тэ? миний дуртай "натали портман" гол дүрд нь тоглосон "No Strings Attached" гээд инээдмийндүү кинотой утга агуулгын хувьд яг адилхан кино болжээ. энэ хоёр кинонд хоёуланд нь ижилхэн сэдвийг хөнджээ/асуужээ: жирийн сайхан найзууд сексийн хамтрагч байж болох уу? хайр дурлал энэ тэр гэсэн гүн гүнзгий зүйлгүйгээр хэн нэгэнтэй дахин дахин секс хийгээд л байж болох уу/чадах уу??

хмм сонин л асуулт тэ, эдгээр кинонууд дахин дахин асуугаад байгаа болохоор би өөрөөсөө асуулаа: хүүеээ "хөөрхөнөө" (панаалдаж юм яриулах гэжаагаан) чи нэг сайн найзтайгаа хааяа нэг секс хийчээд л, юу ч бодож санах юмгүй гүйгээд байж чадах уу айн?

тэгсэн би хариулж байнаа: ёондроо юу асуугаад байгаан бэ, найзтайгаа бол чадахгүй байхоо, найзууд секс гэдэг хоёр зүйл салангид л байх ёстойм шигээ, хэрвээ сайн найзтайгаа секс хийчихвэл би лав эргээд найзууд байж чадахгүй байхаа, амрагууд гэхийм уу нэг тийм өөр юм луу шилжих гээд зүтгэх байх, бүүр утгаа алдаад эхлэвэл бантсандаа бүр мөсөн харилцаагаа таслах байх даа :) тэрнээс найз биш "зүгээр нэг хүн"тэй бол өөр л дөө :) хүүеээ за сэдвээсээ хазайчихсан явж байна шүү, татаад аваарай таминээ гээд үү ккк

тэгээд энэ хоёр кино уг асуултанд нээх өөр өөр хариу хэлэх юм болов уу гэсэн чинь үгүй ээ болохгүй ээ хайр секс хоёр цуг байдиймаа гэсэншүү юм хэлэнгүүтээ нэг хэвийн холливүүд төгсгөл хийж аз жаргалтай киног дуусгаж энэ тэр жаахан урам хугалав :) "No Strings Attached" бол нэг тийм намуухандуу ч юм шиг хэмнэлтэй кино байсан бол "Friends with Benefits" жинхэнэ хурдан хэмнэлтэй илүү дажгүй байлаа. "Friends With Benefits"-ийн эхлэл хөөрхөн санагдсан, нэг тийм өвөрмөцдүү, шууд сонирхол төрмөөр тэгээд цаашаа өрнөлт нь ч гэсэн нэг хэмнэлээр яваад дажгүй байсан. бас өөрөө инээдмийн холливүүдийн кино хирнээ нөгөө "алтан дундаж холливүүдийн инээдмийн кинонд байдаг л зүйлс"ийг шоолж чимхсэн зүйлсүүд оруулсан нь сонирхолтой санагдсан :)

киноны гол дүрийн хоёр хоёулаа хүнд хаягдаж/хаячихсан "далий" үедээ уулзчихсан, аягүй хөөрхөн жирийн найзууд шиг найзлачихсан, тийм үедээ хамт халчихсан иймэрхүү юм яриад л:

- хүмүүс секс-д яагаад заавал тийм учир утга өгөх ёстойн? секс чинь зүгээр л теннис тоглох байж болдоггүйм үү, лаг энгийн, хоёр тал сайхан идэвхитэй гэгч нь нийлж хамт тоглочоод л дараа нь гар бариад хоёр тийшээ салчихдаг байж болдоггүйм байх даа тэ?

- тийн ш дээ, яг үнэн. гэснээс хоёулаа теннис тоглох уу?

- юу? хоёулаа юу? за за тэгье гэдэг шиг гошин юм яриад л инээд хүргээд :)

за тэгээд энэ хоёр кино хоёулаа л найзуудаараа нийлж үзчээд дараа нь хамт ярьж инээж байхад тохирсон хөөрхөн кинонууд байна лээ. нээх инээдмийн хөнгөн кино шиг хирнээ үе үе хүүе юу билээ гэмээр юм бодуулмаар "ухаалаг" харилцан яриа яваад байгаа харагдсан :)

үзүүштэй, инээгүүштэй :)

2011-08-17T05:25:00.000+08:00

Өдрийн туршид өөрийгөө түгжин
Өнөөдрийн амьдралын гадна үлдлээ
Цонхны цаана надгүй өнгөрсөн өдөр...
Цохолж ирсэн учрал
намайг ололгүй буцлаа
(Л.Ө)

Norwegian Wood

2011-08-13T04:29:00.046+08:00

"Norwegian wood" ном - 1987 он

"Norwegian Wood" - Миний анх уншсан харуки мураками-гийн ном, хэдэн жилийн өмнө лондон хотын нэгэн номын сангаас санаандгүй уг номыг олоод эхний хоёр хуудсыг уншаал нэг л таалагдах гоё ном шиг санагдаал баярлаж билээ. тухайн үед их догдолж уншиж байсан санагддаг юм, санаандгүйгээр ингэж мураками-г өөртөө олж нээсэн нь миний хувьд том аз байсаан, миний туулж өнгөрүүлж чадаагүй өсвөр насны болзоо/хайр, тэр мэддэг юм шиг хирнээ мэдэхгүй тэр зүйлсийг өгүүлсэн тийм сонин ном, надад их гүн сэтгэгдэл үлдээж чадсан нандин ном доо, тийм болохоор бусад номноос нь илүү энэ номонд дуртай, ойр тойрны найз нөхөддөө боломж гарвал бэлэглэх дуртай.

"Norwegian Wood" кино - 2010 Japan

"Norwegian Wood" film

анх уг номоор кино хийж байгаа сураг сонсоод хээх ямар зоригтойн бэ, амжих уу? ямар кино хийж халаах бол доо гэж түгшиж байж билээ. тэгсэн удтал хүлээсэн өнөөх киногоо саяхан олж үзэж ёстой нэг хөлх чийхарлаа гэдэг шиг юм болов. төсөөлснийг бодвол дажгүй хийсэн санагдсан, энэ номонд дуртай хүн энэ киног хийсэн гэдэг нь тодорхой үүүүүүү. ёоо тэр зураглалууд - удаан кадрууд, жүжигчдийн гайхалтай тоглолт, сэтгэл догдлуулсан хөгжим гээд энэ киноноос их гоё кайф авсаан. мэдээж номтой нь харьцуулвал хэцүү л дээ (номоо гүйцэхгүй нь ойлгомжтой!!!) зарим сонирхолтой дүрүүдийг цухасхан л гаргаж намайг бага зэрэг гонсойлгосон :) гэхдээ энэ кино "гоё ном"-ыг дэлгэцэнд амьдруулах гэсэн "гайхалтай оролдлого" байлаа, бравооооооо надад лав таалагдсан. урьд нь догдлон уншиж гайхаж байсан тэр ер бусын юм шиг хирнээ энгийн дүрүүдийг бодит байдлаар дэлгэцэн дээр харах сонин байсаан, догдолмоор, ичмээр хирнээ нэг л дотно. тэднийг урьд нь танидаг байсан юм шиг, эртний онлайн андтайгаа анх удаа нүүр тулж уулзсан юм шиг сайхан санагдлаа.

"Norwegian wood" кино өдөрлөг:

тэгээд энэ догдолсон хөөрлөөрөө гэртээ кино өдөрлөг зохиов, хоёр найзыгаа урьж суулгаад л өнөөх киногоо үзүүллээ. уг номыг уншаагүй нөхдүүд байсан болохоор кино үзсэн тэдний риакциг харах нь надад сонирхолтой байлаа. тэгсэн киноны дундуур нэг нь унтчихсан, жаахан гомдмоор :)

нөгөө найз нэр хичээснүү, намайг бодсон уу эсвэл үнэхээр таалагдсан уу киног идэвхитэй үзэж дуусгасан. түүнд таалагдсан гэсэн "үнэн л байгаа даа" гэж би түүнд эргэлзсэн хирнээ тэгж хэлсэнд нь баярласан. уул нь би киног үзэж дуусгаад дуртай номоо аудио болон хэвлэмэл хэлбэрээр бас дээр нь уг киноны саундтрак сд-тэй хамт бэлэглэхээр бэлдчихсэн байсан, урьсан үзэгчдийн хагас нь нам унтчихсан болохоор жаахан утгаа алдах шахсан :)

Kenichi Matsuyama

Rinko Kikuchi

энэ киног магтах юм их байсаан, гол дүрд тоглосон хоёр жүжигчин хоёулаа мундаг байсаан, бүсгүйг (Rinko Kikuchi) бол "Babel" дээрээс анх хараад л хөөх авьяастайн байна гэж үнэлэж байсан, энэ удаад бүүр баталлаа. залууг (Kenichi Matsuyama) бас урьд нь нөгөө япончуудын хийсэн чингис кинон дээрээс "зүч"ийн дүрээр нь мэднэ, энэ дүрээр нь бүүр их үнэлэв, хөөрхөн ч залуу юмоо, тийм болохоор сексийн хэсгийг нь үзэх гоё байлаа кккэ :)

"There will be blood" киноны хөгжимөөрөө ангайлгаж байсан Radiohead хамтлагын Jonny Greenwood энэ удаад мөн л балай авлаа, гоё гоё аялгуунууд, яджаахад яг Beatles-ийн цомгуудаа бичүүлж байсан Abbey road-д байдаг нөгөө алдарт студио-д хамаг хөгжмийн бичлэгээ хийсэн юм билээ. мөн дээр үеийн гоё гоё дуунууд хальт хальт кинон дундуур яваад л миний хоёр чих тэрүүхэндээ их баяссаан, Reika Kirishima "Norwegian wood" дууг гитар дараад дуулж байгаа хэсэг лаг таалагдсан, үл ялиг япон аксэнттай нэг тийм уянгалаг, хөвсөлзүүлсэн маркаар дуулсаан, нэг л гоё... яг тэр бүсгүйн дуулсан хувилбараар уг дууг олох гэсэн олддоггүй ээ :( олж аваад нэг сонсчих юмсаан...

Reika Kirishima "Norwegian wood" дууг...

уг кинон дээр явсан зарим нэг гоё дуунууд:

"She Brings the Rain" by CAN >>> энд (татахаар)

"Norwegian wood" by Beatles >>> энд (татахаар)

"Bring me coffee or tea" by CAN>>> энд (татахаар)

Уг киноны найруулагч (Tran Anh Hung) бол угаасаа овоо гар л даа, өмнөх кинонуудыг нь үзээд уйлж л суулаа гэдэг шиг сэтгэл хөвсөлзүүлсэн тийм гүн кино хийдэг лаг хүн, юмыг нилээд дотогшоо ухдаг сайн найруулагч шиг санагддаг юм.

кинон дээр гарч буй 1960-аад оны сүүл үеийн хипстэр стиллийн хувцас, эд хэрэглэл их гоё харагдаж байна лээ, зөвхөн энэ кино гэлтгүй дээр үед ер нь хүмүүс лаг күүл хувцасладаг байсан юм бишүү, энгийн хирнээ нэг л тийм дэгжин, одоо ч мэдэхгүй ээ, нэг л биш :)

киноны зураглалын хувьд бол хэлэх үг алгооо, үнэхээр бууж өгье гэдэг шиг л үнэн "мэлмий баясгасан" үйл явдал болсоон, гоё зураглалаар зодох гэж энэ мөн үү :)

“To live strongly. To love deeply.” гэсэн киноны таглайн таалагдав...

за тэгээд үзүүштэй кино шүү, уул нь номыг нь эхэлж уншаад үзвэл зүгээр байгаам даа :)

Ээждээ

2011-08-12T15:03:00.010+08:00

Ээжээ,

цаг хугацаа гэж хурдан юмаа, төсөөлж байснаас илүү дэндүү хурдан юм... та тэнгэр лүү ниссэн тэр хэцүү өдрөөс хойш хэдийнээ хоёр жил өнгөрчихжээ...

хүү чинь сайн, хүссэндээ хүрэхээр аажим аажмаар ч гэсэн алс хол хүний нутагт алхаж л явна. Санаж тэмүүлж явахад бодол хүсэл минь биелэх биз, бүх юм болох биз дээ. монголдоо хурдан очиж амьдрахыг, ажиллахыг мөрөөддөг хэвээр, дотроо битүүхэндээ өдөр судар тоолоод л суудаг юм.

ээжээ,

одоо хааяа өнгөрсөн хоёр жилийг эргээд харахаар надад сонин санагддаг юм. дэн дун нэг хэсэг хугацааг өнгөрөөчихсөн ч юм шиг, дэргэдээсээ хүмүүсийг түлхээд ганцаараа байх гэж хэт тэмүүлсэн ч юм шиг, хэцүү цаг үе байсан ч гэсэн надад сайхан учрал, том мөрөөдөл гээд олон л зүйл ирсэн, хадгалж чадалгүй зарим нандин зүйлийг алдсан нь үнээн, ямартай ч энэ хэдэн жил миний амьдралын сонин цаг үеийн нэг болж үлдэх биз..

ээжээ,

таныг би тэнгэрт байгаа, тэндээс хүүгээ харж байгаа гэж бодохоор сэтгэл уужирдаг юмаа. бас таныг миний зүүдэнд хаа нэг ховорхоон ч гэсэн ирэхэд зөндөө их баярладаг. зүүдлэгдсэн байдал, хэлсэн үг, өнгө төрхийг чинь дараа дахин дахин бодоод л, ямар утгатайн бол гэж гайхаж суухдаа би дуртай.

ээжээ,

хүү нь одоо таныг бодоод уйлах биш, инээж чаддаг болсоон. гуниг гутрал биш хамтдаа таньтай өнгөрүүлсэн гоё мөчүүдээ, сайхан дурсамжуудаа сөхөж хараад таныгаа дотроо дурсаад хүү чинь инээмсэглэж чаддаг болсон шүү. ингэж сурах, ирээдүй лүү тэмүүлж урагшаа алхаж сурах л чухал зүйл юм шигээ, зөв үү ээжээ?

ээжээ,

өнгөрсөн энэ хоёр жил аймаар хэцүү хирнээ, аягүй гоё догдолж баярласан, нандин учралыг хоромхон ч гэсэн мэдэрсэн, олон сайхан зүйл үзэж харсан, нүд нээгдсэн сонин жилүүд байлаа. ганцаараа ч гэсэн хүү нь одоо гунихгүй ээ, ирээдүйд болох сайхан зүйлсийг сэтгэлдээ төсөөлөөд инээмсэглэнхэн урагшаа алханаа...

ээжийгээ сайн баярлуулж чадсангүй дээ гэж харамсаж яваад хаанаас ч билээ "Ээжийгээ хүн баярлуулна гэж юу байхав, ижий л өөрөө баярладаг" (Яруу найрагч Бавуугийн Лхагвасүрэн) гэж уншаад дотор бага ч гэсэн онгойх шиг санагдсаан, ээж нь хүүдээ баярладаг гэж хэлснийг чинь бодон бодоод дотроо уужруулсан шүү, ээжээ.

ээжээ,

миний ээжээ,

ингэж бичсэн чинь өлзийтөгсийн ээждээ зориулж бичсэн асар энгийн хирнээ гоё шүлэг санаанд орж байна:

Ээж минь
Миний ээж
Ээж минь дээ
Ээж минь
Миний л ээж
Миний сайхан ээж
Сайхан ээж
Сайхан

Бурхан минь, хичнээн хайртай. ~Л.Өлзийтөгс “Ээждээ зориулж чадах цорын ганц шүлэг"

анх хэдэн жилийн өмнө энэ шүлгийг уншаад ойлгоогүй, тоогоогүй... ахиад одоо уншихаар бичсэн сэтгэлийг нь дөнгөж ойлгож эхлэх шиг...

ээжээ,

ойрын үед унших дуртай болоод байгаа нэг шүлгийг таньдаа зориулаад энэ захидалаа өндөрлөе...

хүүгийнх нь сэтгэлд таньдаа зориулж асаасан мянга мянган гэрэлт зул үргэлж бадамлаж асах болноо.

ээждээ хүү нь хайртай...

"Ээжээ санана"

Ээж ээ, таныг санана
Хавар болохоор санана
Шүд өвдөхөд санана
Өвс ургахад санана
Муу хэлүүлэхэд санана
Муу явахад санана
Сайн явахад санана
Сайнаар хэлүүлэхэд санана
Ээжээ санана
Ээж ээ, таныг санана
Гөлөг харахаар санана
Шувуу нисэхээр санана
Үдэш болохоор санана
Зүүд зүүдлэхээр санана
Зүг зүг рүү харахаар санана
Нар гарахаар санана
Сар гарахаар бас санана
Сар гарахгүй байсан ч санана
Ээжээ санана
Ээж ээ, таныг санана
Хол явахаар санана
Даарахад санана
Дандаа санана
Гадаа гудамжинд санана
Ганцаардахад санана
Уур хүрэхээр санана
Нойр хүрэхээр санана
Уйлаад санана
Намар санана
Зун санана
Насаараа санана
Ээжээ санана
Ээж ээ, таныг санана

(Б.Эрдэнэсолонго)

ээж ээ, хүү нь таныг ингэж санадаг шүү...

2011-08-10T06:32:00.001+08:00

Жижиг жижиг сэтгэлүүдийг
Зүйж наахаар жинхэнэ юм шиг болно … (Б. Эрдэнэсолонго)

BEST PARTY EVER...

2011-08-06T05:54:00.003+08:00

гэртээ найзуудыгаа уриад лаг сүрхий парти зохиодог хүн болов оо би... зун дуусч удахгүй хичээл эхэлж байгаатай холбогдуулаад, далим гарган гайгүй юм зохиох гэж оролдсон хэрэг :)

өглөөнөөс авхуулаад гэрээ янз бүрээр чимэглээд бас тэрүүхэндээ өөр орчин бүрдүүлчих гээд зүтгэсэн, миний төсөөлсөнд бол хүрээгүй гэхдээ бас дажгүй ээ, ашгүй "зочид"-д бол таалагдах шиг л болсон.

за тэгээд хүмүүсийг урьж оруулж ирээд зүгээр зогсоох хэцүү, ганц хоёр урлагын үзлэг зохиосон шиг, ирсэн хүмүүсийг дуулуулж хуурдуулсан шиг, хооронд нь уралдуулсан шиг хөгжилтэй л байлаа. тэгээд миний гараа гарган хийсэн май тай, фрүйт паанч энэ тэрийг ууж халж, хоол идэж, бүжиглэж тэгснээ цаашаа даварч гарч өөр газар орж дахиад бүжиглэж их л сүрхий шоудав. гоё байлаа гэж...

нэг ийм хөөрхөн футволкатай хүн ирсэн юм байна, миний зохиосон парти-г магтаж байгаам шиг санагдаад би учиргүй хөөрч бөөн бөөн зураг дарсан гэжугаа :)

Botch-a-Me

2011-08-04T03:00:00.003+08:00

Ойрд нээрээ нэг сериал үзээд хамаг алтан цагаа үржийнаа :) сериалд нэг орвол лайтай гэж бодоод иймэрхүү юмнаас холуур тойрч гүйгээд байсан чинь байхгүй ээ, өнгөрсөөн, амтанд нь орчихсон. одоо тэгээд чөдөртэй юм шиг гэртээ ирэнгүүтээ нэтфликс дээр өнждөг болсон.

"Mad Men" гээд их дажгүй сериал: 1960 аад оны Америкийн нийгмийн дүр зургийг зар сурталчилгааны нэгэн агентлагийн криэтив захирал залуугын амьдралаар их сонирхолтой харуулжээ. жараад он гэдэг чинь үнэн сонирхолтой алтан үе байжээ, хувцас хүмүүсийн хэрэглэж буй эд зүйлс гээд үнэн гоёоо, за тэгээд гарууд бол архи тамхийг бол хэрэглэх гэж баллаж байна доо, тамхийг эр эмгүй хаа хамаагүй татнаа. онгоцонд л тамхи татаад нисдэг, кинотеатрт тамхи татаад кино үздэг байсан үе гээд бодохоор сонион, за тэгээд ер нь архи тамхигүйгээр ажлаа хийж байгаа хүн ховор, их сонин үе байжээ. бүх юм шинэхэн, янз бүрийн хор уршигийг ухаараагүй, зүгээр л сайхан задгай амьдардаг байж. тэр үеийн эмэгтэйчүүдийн нийгэмд эзлэх байр суурь бас хэцүү л байж, за тэгээд өөр өнгийн арьстай бол хэцүүхэн л байж. за тэгээд манай ангийнхан бас л нам гүмхэн шкабандаа суудаг, өөрсдийгөө бага сагаар ойлгох гэж оролдож байсан бүрэнхий үе байжээ. мөн одооны акул том том компаниудын зар сурталчилгаа тухайн үед хэрхэн хийгдэж байгааг харуулсан нь сонирхолтой байлаа. кинонд энэ бүх зүйлсийг тусгаад зураг авалт, дизайн, найруулага энэ тэрийг донжтой хийгээд хөөрхөн болгочихжээ. жараад он гэхээр их хол сонсогдоод байгаам шиг хирнээ 50хан жилийн өмнө л тийм байж шүү дээ гэж бодохоор сонион, за тэгээд сериалд хавчуулагдаж байгаа тэр үеийн дуунууд их таалагджийнаа, саундтрак сд-г нь олоод авчихсан бөөн жараад оноор амьсгалаад сайхан байноо. үзэж байх зуур монголд яг одоо зарим талаар тэр жараад он өрнөж байгаа юм шиг санагдав, яахав боломжоор дүүрэн бүх юм шинэхэндүү, зар сурталчилгааны сонирхолтой үе өрнөж хүмүүсийг захирах гэж оролдож байгаагаар нь шүү дээ :)

за нэг иймэрхүү юм үзээд сууж байна даа, "Botch-a-Me" (Mad Men OST Vol 1) >>> энэ нэг цоглог дуу таалагдаад байгаа.

би унтмааргүй байнооо...

2011-07-31T23:13:00.003+08:00

өдөр хоног эргэлдэн өнгөрсөөр л...
ингэж хэлэх тусам, анзаарах тусам улам хурдан эргэлдээд байх шиг санагдах боллоо...

өглөө сэрчихсэн хирнээ нүдээ аниад орондоо хэсэг хэвтлээ, бодлоо: унтах гэдэг зүйл асар энгийн, бидний өдөр тутмын хийдэг зүйл хирнээ яг ухаад анзаарвал аймаар ч юм шиг, хэсэгхэн зуурын тасралт/үхэлт ч юм шиг...
за маргааш чинь юу билээ? хөөх тэрийг хийхгүй бол мартаад яваад байгаан, ёоноо хурдхан баяжаад шинэ аппаратаа авчихиймсаан байна энэ тэр гээд баахан юм хадуурч бодож нойроо хулжааж хэвтэж хэвтэж байснаа тас... таг харанхуй, яг хөшгөө татчихаар өрөөнд харанхуй болдог шиг, нэг харанхуй мэдэхгүй орон зай, тэр олон цаг тэнд юу хийж явдаг юм бүү мэд... унтаж байгаа хүнийг хажуунаас нь харахаар их сонин байдаг даа, тэр тусмаа зүүдлээд л үнэгчлээд хэвтэж байхыг нь харах, би бас тэгээд л ганцаараа тасарчихсан хэвтэж байдаг байх даа хэхэ ямар сонин царайлчихсан хэвтэж байдаг болоо гэж бодохоор бас сонин, өөрийгөө унтаж байхыг нэг хармаар :)...

тэгж байгаад гэнэт гудамжаар машин явах чимээ, сэрүүлэгний дуу, гараажны хаалганы чимээ, цаг түг түг түг гэх чимээ, хөшигний цаанаас байлдан орж ирэх гэрэл гэгээ гээд алинаас нь ч юм болоод тэр гүн нойрноос, нөгөө харанхуйгаас сая нэг юм арай чүү сэрнэ, сэрээд эргэн тойрны юмсаа бага багаар анзаарч эхлэнэ, би бол нэг нүдээ бичкээн нээж байгаал цаг хэд болж байна гэж хяламхийнэ, сая юу зүүдлээд байсан бэ гэж эргүүтнэ, за юу иддийн билээ гэж өөртөө босох шалтаг өгнө. миний өглөө нэг л хэвийн юм шиг хирнээ өдөр болгон өөр бодол, өөр сэрэлтээр эхлэнэ. хамгийн гол нь сэтгэл санаа дээрдчихсэн шинэ сэргэг сэрдэгт унталтын утга учир байх шиг... тэрнээс өөрөөр унталтанд сэтгэл татагдах юу байх билээ?

гэхдээ энэ харанхуй, энэ түрхэн зуурын унталт/үхэлтээс сэрэхгүй бол яана? тэгээд тэр чигтээ унтаад сэрэхгүй хаашаа ч юм явчихвал яана? гэж боддог уу? би боддоггүй байсан, өнөөдөр өглөө яагаад ч юм цай ууж суух зуур ийм бодол толгойд эргэлдлээ. ингээд бодсон чинь дахиад унтмааргүй санагдчихлаа :)

2011-07-28T04:56:00.006+08:00

Хараагаараа унтдаг хүн гэнэт сэрэх мэт

Хачин адгуусан нүдээр намайг онож ядах

Өнгөрсөн юм гэдэг дандаа сэтгэл шимшрэм...

(Г.Аюурзана)

гоё зун = зун гоё

2011-07-27T04:55:00.004+08:00

зуны амралт гэсэн шиг аль болохоор их юм сонсож, уншиж, үзэхийг чармайж хажуугаар нь бас ганц нэг шоудаж энэ тэр өөрийгөө баясгаад л, зун гэж сайхан улирал юмоо... гэтэл нэг мэдсэн дуртай зун дуусахнээ, ёондроо :)

энэ зун уншсан номнууд:

"Genghis Khan and Making of the Modern World" - Jack Weatherford
"Queer Images" - Benshoff & Griffin
"The Catcher in the rye" - J.D.Salinger
"Дурлалгүй ертөнцийн блюз" - Аюурзана (дахин уншив)
Бөөгийн домог - Аюурзана (дахин уншив)
"Мэлхийн зам" - Хэнри Миллэр
"шоу бизнесийн хаан - кино" - Д. Золбаяр
"Story" - Robert Mckee

нээрээ энд миний ном уншдаг цаг/ нөхцөл байдал гэвэл сонион: автобусанд явж байхдаа намуухан хөгжим тавиж байгаад л унших дуртай (тэгж орчноосоо тасарчихсан яваад буух буудлаа ихэнхидээ өнгөрч буунаа :) эсвэл өглөөгүүр жорлонд сууж байгаад ном уншдаг болчоод байгаа, зүгээр суугаад уншихгүй ш д, тэр зуур шүдээ угаана нөгөө бас юу яана, нэг зуур олон ажил амжуулаад байгаан бишүү, юундаа ч яарч цаг гаргах гээд байгаан бүү мэд хэхэ энэ хэмнэл бүүр зуршил болчихжээ яана даа, бусад үед гиюүрч байсан ч ном унших дур огт хүрэхгүй ш д :)

ойрд сонсож байгаа дуунуудаараа өнөөдөр нэг ийм шинэ плэйлист хийв...

Padam Padam - Edith Piaf
Бага тойрог - Буянаа
Valerie - Amy Winehouse
Across the universe - Одноо (Лемонс)
Don't you remember (live acoustic) - Adele
Give in to me - Garrett Hedlund & Leighton Meester
18 нас - Камертон
Найз нар минь ирээсэй - Буянаа
Run the world (girls) - Beyonce
Do something for love - David Guetta ft Juliet

Download

кино бол мэдээж маш их үздэг алтан цагаа гоё үрдэг хэвээр >>> тасархай гоё олон кинонууд үзсээн, тэгжаагаад нэг бөөндөж оруулна даа :)

Stronger than ME...

2011-07-24T05:46:00.004+08:00

Хорин долоо гэдэг тоо их содон тоо юм шиг байгаан, ухаад үзвэл хорин долоо гэсэн тоотой холбоотой сонин содон зүйлс их гарч ирэх юм шигээ. тэр дундаа хорин долоон нас гэдэг их эмзэг бас хүний амьдралын учир утгатай боловч хэцүү үе бололтой. Janis Joplin, Jimi Hendrix, Jim Morrison and Kurt Cobain гээд бүгд л хоромхон зуур гялалзаад хорин долоон насандаа хорвоог орхин одсон. өчигдөр бас нэгэн дуртай дуучин/ уран бүтээлч бас л энэ насандаа биднийг орхиод оджээ. харамсмаар шүү. орой гэртээ ганцаараа лаа асааж түүний дуулсан дуртай дуунуудаа сонсож суулаа. Tийм олон гоё дуу зохиосон, ингэж гоё дуулсан, ийм сайхан бүсгүй явчихлаа даа :(

AMY WINEHOUSE... R.I.P

Амьдрал зүүд юм бол

Нэг л цагт би сэрнэ.

Амьдарч зүүдэллээ гэхгүй,

Үхэж зүүдэллээ гэж ярина...

(Г.Аюурзана)

Миний нэг "гоё" өдөр

2011-07-22T17:39:00.005+08:00

11am-1pm: зуны өглөө гадаа суугаад л, нүдээ аниад нарыг нүүрэндээ мэдрэх гоё шүү тэ. нартай, сүүтэй цайтай, номтой налгар гоё өглөө байлаа..

3-6pm: автобусаар, хотын төвөөр, ер нь хаа сайгүй пиг жуулчид... хөршмаа бид 2 ганц нэг дэлгүүр хэссэн шиг, жуулчидтай өрсөлдөж алхсан шиг сайхан өдрийг үдлээ...

оройн арга хэмжээнд явах замд таарсан сарнайн цэцэрлэг нүд баясаав. өнгө өнгийн, өөр өөр сортын үзэсгэлэнтэй олон сарнай цэцгүүд...

....сарнай минь чи инээд баясаад

сайхан дэлбээгээ дэлгээч дээ өө сарнай гэдэг орцны дуу санаанд оров...

7-10pm: Nightlife @ California Academy of Science >>> долоо хоног болгон зохиогддог нэгэн өвөрмөц үдэшлэг/үзвэрт очиж үзэв - загас, матар, могой гэх мэт гайхалтай үзмэрүүд/амьтадыг коктэйл шимэнгээ үзэн, халан, танилцан улмаар хоёр том танхимд хоёр өөр джэйгийн хөгжимд сарьсан багваахай, мэлхийн зурагны дунд найзуудтайгаа бүжиглэсэн шиг нэг гайхалтай оройг өнгөрөөлөө. (гэснээс нээрээ оцон шувуу эвцэлдэхийг харсан ш д, эгдүүтэй юм билээ хаха яг намайг харах үеээр тэгж таардаг нь ч юув, зураг авах гэснээ тэдний алтан мөчийг камер гэрэл мэрлээр алаад яахав гээд болисон)

налгар, тайван, сайхааан, хамгийн гол нь үзэж харсан юмтай амралтын нэгэн "гоё" өдөр энэ байлаа. тэрнээс гэдсээ илээд, кино үзээд, хоол идээд, өөртэйгөө яриад өрөөндөө зожгирч өнгөрөөх амралтын "жирийн" өдрүүд ч бас байнаа байна, бас нилээн байнаа байна :)

2011-07-20T04:32:00.001+08:00

"There are TWO great days in a person's life - the day we are BORN and the day we discover WHY"

"гуулин" кинонууд

2011-07-17T04:54:00.006+08:00

Аар саархан савангын дуурь, сонин этгээд хувцаслалт, үгийг нь ойлгохгүй боловчиг чихэнд наалдацтай дуу хөгжим гээд жижиг сажиг олон юмаар дамжаад Солонгосын соёлын нөлөө Монголд алгуурхан юм шиг хирнээ хэт хүчтэй түрж орж ирсэнд, өсвөр насны хүүхдүүдэд сайнаар уу саараар уу ямартайчиг нөлөөлж чадаж байгаад жаахан дургүйцэж явдаг хүн л дээ, би, уг нь...

Харин яг одоогоор дэлхийн киноны хамгийн сонирхолтой гэж хэлж болохуйц үе Солонгосд өрнөж байгаа гэдэгтэй санал бол нэгдээд л, анхаарал өөрийн эрхгүй тийшээ яваад л байгаа юм. Зөвхөн Азидаа төдийгүй дэлхийд өрсөлдөх чадвар бүхий чанартай кинонуудыг Солонгосчууд хийж экспортлож чадаж байгаа нь бахархууштай бас энүүгээр жаахан цагаан атаархал төрөөстэй :)

Ким ки дук-ийн кинонуудаар нэг хэсэг өвчилж улмаар Солонгос кинонуудыг сонирхон үзэж эхэлсэн цаг саяхан, одоо тэгвэл Жээ-вүү Ким, Чанг-донг Лий, Хонг-жи На, Чүл-сүү Жанг, Санг-сүү Им, Жүүн-хү Бонг гэсэн цээжилэхэд хэцүү нэртэй найруулагчдыг киногоор нь мэддэг, тэдний киног таашаан үздэг/хүндэлдэг болжээ.

сүүлийн үед сонирхон үзсэн чанартай кинонуудыг жагсаавал жагсаалт нэг иймэрхүү болохнээ, эдгээр кинонуудын ихэнхи нь солонгостоо хамгийн их хүн үзсэн, амжилттай кинонууд юм билээ, тэгэхээр нийт ард түмэн, олон нийт нь маш таашаан үзсэн гэсэн үг, киноны нийтлэг жанр стилл талаас нь харвал сонирхолтой л юм :)

A Bittersweet Life (2005)

Bedevilled (2010)

Chaser (2008)

Mother (2009)

The Man from nowhere (2010)

I saw the devil (2010)

"A Bittersweet life", "Bedevilled", "Chaser", "I saw the devil", "The Man from nowhere", "Mother" зэрэг кинонуудаас бараг нэг төрлийн сэдэв, жанрыг харж болно, нэг хэсэг япон солонгосын аймшгийн кинонууд ихэд алдаршсан даа, тэрэн шиг эдгээр кинонуудад сүнс сүүдэр энэ тэр гарч айлгахгүй боловч маш их хүчирхийлэл, санаанд оромгүй араатны гэмээр харгислалыг тод томруунаар харуулж тэрэн зуураа маш сонирхолтой түүхийг, хүний сэтгэл санааны донсолгоог хавчуулж хийж байгаа нь одоо бараг биеэ даасан өвөрмөц нэг тийм шинэ жанр стилл болж гарч ирж байх шиг санагдсан.

Treeless Mountain (2008)

The Good, the Bad, The Weird (2008)

Poetry (2010)

Rainbow eyes (2007)

The Housemaid (2010)

Харин дээр дурдсан тэр их цус нөж, алаан талааны эсрэг гэж хэлж болохоор утга уянгын, далд сэтгэлгээ, өвөрмөц холбоос бүхий "Poetry", сэтгэл эмзэглүүлж өр цөмөлж нулимс унагаамаар "Treeless Mountain", солонгос вэстэрн гэмээр стилл гаргасан өвөрмөц шийдэлтэй "The Good, The Bad, The Weird", жар далаад оны үеийн америкийн хэдэн явцуу киног санагдуулам гол баатар нь гэй, тэр тусмаа алуурчин гэсэн үйл явдалтай дөхөж очмоор "Rainbow eyes", баримтат кино шиг эхлэснээ үүүүүү гэж гайхтал авах эротик триллэр "The Housemaid" гээд сайн сайн кинонууд цаана чинь бас байна шүү, солонгосдоо төдийлөн сайн явдаггүй ч хамгийн том кино фестивалуудын шагнал түүдэг, сэтгэл гэгэлзүүлсэн Ким-ки Дук-ын кинонуудыг бас дурдахгүй өнгөрч болохгүйнээ :)

зарим нэг солонгос киног үзэж байхад үзэгчдийн сэтгэлийг хөндөх, нулимсыг нь унагаах гэсэн хэт чармайлт илт харагдаж байсан нь жаахан тиймхэн, бусдаар бол "Гуулин улс" сүүлийн хэдэн жилд киноныхоо чанарыг илт сайжруулж чадсан нь бахархууштай сайхан хэрэг болжээ, манайхан эднийг яаж гүйцэж түрүүлнээ :)

p.s: нээрээ "The Man from nowhere" гээд киноны нэг хэсэг дээр нь манай монголын нэг компанийн реклам зурвасхан орчихсон байна лээ, азтай гэхүү хэхэ киноны гол дүрийн залуу машинтай сөүл хотоор явж байгаа хэсэг байдаг юм, бодвол нөгөө монголтаун энэ тэртэй ойрхон байсан юм байлгүй, ХАНГАЙ КАРГО гээд томоор криллээр бичсэн пайз харагдаад л өнгөрнө лээ, хангай каргогийнхон үзээд баярласан байхдаа, тиймээ :)

гэрийн хуушуур

2011-07-15T15:54:00.003+08:00

за хуушуурчдийн хөдөлмөрийг төр засгийн зүгээс үнэлүүштэй юм байна шүү гээд яриагаа эхлэеэээ гээдүү хммм үүүүүүү нэг ийм юм боллоо, би наадмыг тохиолдуулаад нэг сайхаан хөөрхөөн хуушуур хийж эргэн тойрны хүмүүсээ баярлуулая гэж бодоол яваад байвооо,за энэ яг балжинням дашням давхацсан өдөр нь байхаа гэж бодоод, өчигдөр зориглоод жинхэнэ гэрийн хуушуур, нийслэл салаттай хийх аягггггүй том зорилго зорилт өөртөө тавиад ханцуй шамлан ажилдаа орвоо...

тэгээд амьд явахад хүн олон юм үздийн байна, амьдралдаа анх удаа тэр орой бие дааж хуушуур хийж үздийн байна, урьд нь салат бол ганц нэг туршилтаар хийж байсоон, бусдаар бол бууз хуушууран дээр нойл хүн шүү дээ би хэхэ за тэгээд яаж хуушуур хийх вэ гэж бодлоо, бүлээн усаар л гурилаа зуурах ёстой шүү гэсэн нэг юмыг өөртөө байна сануулж энэ тэр сүржигнэв, за яаж ийм мэдлэгийн хэлтэрхийг олж авав гэхээр байна шүү дээ: дунд сургуульд байхдаа уран зохиолын хичээл дээр уншсан нэг өгүүллэгийн бичкэн хэсэг санаанд ороод байдаг юм, нэг ганган залуу лаг ганцаараа амьдардаг болж л дээ, ээжийнхээ хийдэг байсан боорцог билүү хуушуур билүү нэг юмыг санаад, тэгж хийнэ гээд лаг хүйтэн усаар гурилаа зуураад нээх том тогоонд буцлах шахуу тосонд боорцогоо чанасан чинь нөгөөдүүл нь үсэрч буудаад гэрийг нь юу ч гүй болгоод өөрөө түлэгдээд баларч байгаа залуугийн тухай гардаг өгүүллэг л дээ, хэддүгээр ангид уншлаа даа, тэрнээс хойшоо л боорцог/ хуушуур хийвэл бүлээн усаар зуурах ёстойн байна гээд нэг боорцог/ хуушуурлаг мэдлэг толгойд дүффф хийгээд үлдчихсэн хэхэ
за тэгээд л өчигдөр чинь аминдаа хайртай хүн яасан байхнуу, бараг халуун шахуу усаар гурилаа зуурч энэ тэр сүржигнэсэн, тэгээд гурилаа элдэх гэсэн чинь ганжин/элдүүр байхгүй бага зэрэг сандарч энэ тэр, барьц алдахыг шахав, хөрш айлд бас байдаггүй ээ, харин аз болж уржигдар нь төрсөн өдөр тэмдэглэж уусан шампанскний хаяж амжаагүй шил аминд оров, тэгээд цаашлаад элдэж чимхэх гэж үнэн инээдтэй болонгоо алдаж хэхэ нээх том жижиг сонин хуушуурнууд хийгээд нөгөө хэдээ шарах гэж бас л бөөн жүжиг тоглонгоо алдсан, за тэгээд хуушуур өөрөө хийх биш "хүний хийсэн хуушуур"-ыг амтархан амтархан идэх л гоё юм байна лээ шүү гээд нэг мэдлэг тэр өдөр нэмэв кккэ "хөөх гоё гэрийн хуушуур" болсон байна ш дээ гэсэн хөршийн үнэлэлтэнд баярлав, самгардсаны эцэст гоё амттай хуушуур хийсэн шүү.

хүн хичээвэл болдийн байна, миний хийсэн хуушуурнууд нэг иймэрхүү, гоё юм бодож хийсэн болохоор царай муутай ч гэсэн амттай хуушуур болсон байхаа ааая...

p.s: өнгөрсөн ч гэсэн хуушууртай баярын мэнд шүү :)

Talk to Me

2011-07-09T04:43:00.002+08:00

Something just changed in your soul
Tell me baby what’s wrong
What’s going on and you’ve been crying

Something just flaked in your eyes
There’s a crack in your games
Like those broken days
I’m on seeing faith

Baby talk to me
Please talk to me
Baby talk it’s me
Talk to me

Something got all of your soul
You’re like never before
Is there something more
Have i missed anything.

Seems like the sun is shining
On everyone but me
Won’t you talk to me
This is getting scary

Baby talk to me
Please talk to me
Baby talk it’s me
Talk to me

Something just changed in my world
And it’s killing me

"Talk to me" by Maxim Nucci

2011-07-04T01:49:00.003+08:00

Нойр – ариун учрал
Чамтай ханиндаа унтах,
Хожим дурсахад,
Хамтдаа сэрүүн байснаас минь илүү амттай...

(Г. Аюурзана)

Хуушууррр...

2011-07-03T07:07:00.008+08:00

Наадам гэхээр надад лав хуушуур л санаанд ороод байдаг юм, угаасаа наадмаар бөх, морь, сур гээд миний сонирхол бага зүйлс өрнөдөг болохоор хүсэн хүлээдэг ч гүй байж хэхэ хуушуурыг эс тооцвол шүү дээ :) за энэ жил хүннү улс байгуулагдсаны хэдэн жилийн ой гэчихэвээ аягүй сүртэй наадам энд болох сургаар аанай л: хуушууррр, гоё хуушуур зарах болов уу гэж дотроо гайхсан шиг хүлээлээ :)

наадмын өглөө 11 цагаас нээлттэй гэхээр л учиргүй 10 цагт босч ус цасандаа ороод цагтаа яваад очсон, мэдээж нээлт нь цагтаа эхлээгүй кккэ хүмүүс бас нилээд байнаа, бүгд эвхдэг сандал майхантайгаа лаг бэлдэж ирдэг юм билээ. мэр сэр энд тэнд хальт танидаг хүмүүс, мэнд мэдчээд энэ тэрүүгээр явж хүмүүсээс миний асууж байгаа асуулт ай өнөө л наадмын хуушуур: аль хуушуур нь дажгүй байнаа? гэх мэт...

наадмын нээлт хүлээлээ, эхлэдэггүй ээ сүүлдээ тэсэхээ байгаад явж хуушуур эргүүлэв, нээх пришки шиг бүдүүн хуушуурнууд, "при-хуу" юм уу хаашаан :) нээх их хүсэж хүлээж байгаад л хоёрхон хуушууранд бялуурч энэ тэр жоохон ичмээр юм болсон. сунжирч сунжирч байгаад 1 цагт арай чүү нээлтээ хийж, би ч хальт үзэж сонирхсон болчоод гол ажлаа амжуулсан баатарлаг эрийн алхаагаар гэрийн зүг гэдэн годон :)

нээрээ нэг юм болсий ш д :)
хуушуур идээд аягүй эвгүй сууж байсан чинь нэг дажгүй бие хаатай "гүндүүгүй монгол эр"ийн төрхтэй залуу шууд намайг чиглээд л ирлээ дээ, учиргүй надтай гар бариснаа намайг хэн гэсэн бэ, нэг нэр хэлээд л, (доржоо гэлүү сүхээ ч гэлүү) танилцаад юм яриад унах юм, би ч бантаад/сандраад тэгсэн мөртлөө дотроо аягүй дуртай айн, аан "баяр сайхан уу" энэ тэр хариу юм яриад байгаа сонсогдсон, "би ч бас дажгүй залуусыг татахтайгаа байгаан байнаа" гээд өөртөө онгирчихсон сууж байсан чинь дараа нь нөгөө залуу дахиад таарснаа: уучлаарай түрүүн өөрийг чинь нэг хүнтэй андуурсан байна лээ гэж авдийн, цяннннннн шууд баярын настри унаж хуушуураа дуусгалгүй дэпрэссдэв ш д :)

2011-07-01T04:25:00.003+08:00

"Imagination is more important than knowledge."

Albert Einstein

pRiDe...

2011-06-29T04:51:00.009+08:00

амьд явахад хүн их юм үздийн байноо, анх удаа прайд энэ тэр үзэж ганцаараа догдолж энэ тэр хөөрхөн л байлаа. прайд/парад энэ тэрийг чинь сонсож байснаас үзэж явсангүй ээ, тэгэхээр ангийн хэдэн ягаан ногоон хувцастай бас шалдан нүцгэн хүмүүс л басширалдаад л толгой эргэсэн замбараагүй юм болдог байх гэсэн төсөөлөл байсан, төсөөлсөн дүр зураг бас хоосонгүй ээ, бага сага байнаа байна. гэхдээ яг өөрийн биеээр яваад үзэхээр өөр байдаг юм байнаа, өнгөтөөрөө/бодитоороо илүү гоё юм байна (зохион байгуулалт асар өндөр). намайг очиход хотын төв талбай пиг дүүрэн хүмүүс, энд тэндгүй жижиг/том тайзнууд засчихсан нэр хүндтэй джэй нар янз бүрийн цоглог хөгжим тавиад л, энд тэндгүй эр эм хөгшин залуугүй бүгд хаппи дээрээ тавьчихсан хүмүүс, шууд л зүрх дэлсээд л чих шуугиад л, дотор нэг тийм догдолсон долгиолсон мэдрэмж аамжаар цээжээр өгсөөд л өгсөөд л...

миний бэлгийн чиг баримжаа миний амьдралын нэг нуугдмал жижигхэн хэсэг байснаас хэзээ ч нэгт тавьж солонгын олон өнгөт туг барьж гүйж байсангүй ээ, энэ өдөр харин тэгээд цээжээ дэлдээд тэгээд гүймээр санагдсан шүү... ийм "прайд" баяр яах гэж зохиогддог, нийгэм олон нийтийн санаа бодолд ямар их үүрэг гүйцэтгэж болохыг ухаарах гээд байх шиг...
"прайд/парад" гэхээр дан ганц ангийн хүмүүс тэрүүхэндээ цугларсан сонин зүйл болдог гэсэн миний өрөвдмөөр төсөөлөл тэр өдөр өөрчлөгдсөн, уучлаарай ухаарлаа :) тэнд байгаа уур амьсгалаас харвал энэ дэлхий энх амгалан - ямар ч дайн дажин, ялгаварлал гадуурхалгүй нэг тийм нэгдмэл хаппи газар ч юм шиг санагдах шиг, юу билээ хаана байгаа билээ гэж бодох би... тэнд бөөн бөөнөөрөө найз нөхдөөрөө хүмүүс ирчихсэн ууж идээд л, бүжиглээд л цагыг их гоё өнгөрөөж байхыг хараад дотроо жаахан атаархах ч шиг, дараа жилийн өдийд хэрвээ энэ хотод байж таарвал заавал найз нөхөд танилуудаа дагуулаад ирж бут авах юм шүү гэж бодсон шиг, манай улаанбаатарт хэзээ ийм зүйл болоод бүх хүн баяр хөөртэй наадамлах бас дэпрэсс багадах өдөр хэзээ ирэх болоо гэж санаашрах :)... нэг маргарита уучихсан чинь юу юугүй халаад электро хөгжмийн хэмнэлд автчихсан ганцаараа ч гэсэн гандан буурахгүй ээ гэчихсэн аятай байж байсан, би :).

бас нээрээ би өөрөөрөө тэгэхэд бахархсан шүү, өчнөөн зүйлтэй тулгарсан ч өөрөөрөө л байж чадаж байгаадаа, өөрөө өөртөө үнэнч байгаадаа, өө би ингээд төрчихсөн гээд гутрах/гуних биш харин ч энэ амьдралыг надад бэлэглэсэн ээж аав, энэ дэлхийдээ баярласан/талархсан, дуртай юмаа хийж амьдрах гээд үзнэ дээ гэсэн итгэл тэмүүлэлтэй, ийм өөдрөг бодолтой байгаадаа өөртөө баярласан, энэ богинохоон амьдралд ямар нэгэн дүр эсгэхгүй, энэ жижиг гэлтгүй олон гэгээлэг зүйлсээс эрч хүч авч, цаашаа улам гоё амьдрана даа гэж бодогдсон, эрч хүч авсан сайхан өдөр... ...өдөр болгон бид бүхний эргэн тойронд "прайд" болж байгаам шиг бүх хүмүүс күүл байгаасай, удахгүй "бүх юм" гоё болоосой ...

The 41st annual San Francisco Pride Celebration & Parade - 2011